१ यूहन्‍ना 5:10 - जिरेल

¹⁰ थोगी येशू परमेश्‍वर फुज्‍युङ ईन सिन थेला विश्‍वास खित्‍कान्‍ते मिकी थे परमेश्‍वर फुज्‍युङ ईन सिरच्‍येते बातला छ्याःङ शंका मिक्‍किओ। थे परमेश्‍वर फुज्‍युङ मेन सिन सिरकान्‍ते मिकीचेन परमेश्‍वरनी ढाँर खित्‍कान्‍ते ईन साबाते ईन। च्‍यिला सासीन थोक्‍ते मिकी परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात पत्तेराङ खाबा मेङगो।

१ यूहन्‍ना 5:10 Iomraidhean Croise

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

यूहन्‍ना 3:18

थोगी परमेश्‍वर फुज्‍युङगी पापकी सजायदुकी डेल्‍ग्‍यो सिन थेला विश्‍वास खित्‍कान्‍ते मिला परमेश्‍वरगी सजाय मेतेरो। थेला विश्‍वास मिक्‍किकानगीचेन गाङेकी परमेश्‍वर सजाय ङेत्‍च्‍या ओङा ओत। परमेश्‍वरते दोक्‍पोईकामा ओताते फुज्‍युङला विश्‍वास माक्‍याबेकीराङ थेबेकी सजाय ङेत्‍च्‍या ओङाते ईन।

यूहन्‍ना 3:33

थेकी साबाते बात ङेन्‍कान्‍ते मिकीचेन परमेश्‍वर साँचोते बातकामा खित्‍कान्‍ते ईन सिरच्‍येते बातला पक्‍काराङ ईन सिन सिओ।

यूहन्‍ना 5:38

थेकी साबाते बादोङ ख्‍योकोनगी खेराङ सेमला मोज्‍योदुक। च्‍यिला सासीन थेकी दुरू ताङाते मिला ख्‍योकोनगी विश्‍वासराङ मिक्‍किदुक।

शक्ति काम 8:37

फिलिपकी थेला “खुई येशूला परमेश्‍वर फुज्‍युङ ईन सिन विश्‍वास खिताला स्‍यूनामेकी दोक खिता च्‍यिला मेङतेरो, दाक ओङगो,” सिन सिदुक। थेमे थे मिकीङ “ईन, ङा येशूला विश्‍वास खिओ। येशू ख्रीष्‍टचेन परमेश्‍वर फुज्‍युङराङ ईन,” सिन सिदुक।

रोमी 8:16

थेमे दाक्‍पोन परमेश्‍वर फुज्‍युङ फुमु ओङगीन सिन्‍दा ओत सिन ङुरूङला छ्या ओत। दि बात पक्‍काराङ ईन सिन ङुरूङला परमेश्‍वर आत्‍मेकीङ साबा ओत।

गलाती 4:1

दि बात लेमु खाला खोबा थुप्‍स्‍यीत सिन था ङा दि बादोङ खितामीन। चुक सासीन सुइँदा धनीते मि फुज्‍युङगी तिरी आबातेते ओताते जति जेसुकै ङेत्‍च्‍येते ईन्‍सीनोङ उमेर माछाङथुप आबाते सम्‍पत्तिला थेते छ्याःङ हक लै मिक्‍किओ। थेङ थेरू खाम्‍बादु काम खित्‍कान्‍ते मि छेतराङ ईन।

गलाती 4:6

दोक खाईन ख्‍योकोन थे खोरोङ फुज्‍युङ फुमुराङ ओङा ओतेकी परमेश्‍वरगी ख्‍योकोनला थे खोरोङ फुज्‍युङ आत्‍मा बिन्‍सुङ। ङुरूङ सेमगी नाङ ओताते थे आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

कलस्‍सी 3:3

च्‍यिला सासीन खेराङ ख्रीष्‍टताङ स्‍यिइन सिन्‍दाते मि ईन्‍देकी ख्‍योकोन गोमाबा खाबाच्‍योक खित्‍च्‍ये छ्य्‌वापेई ठाल्‍गीन सिन्‍दा ओत। ख्‍योकोनगी ख्रीष्‍टताङ ङेताते साम्‍बाते जुनी चुक्‍ते ईन्‍दे सिन परमेश्‍वरगी थरिङोला ज्‍येनला छ्या स्‍ये च्‍युता मेत। ख्रीष्‍ट परमेश्‍वरताङ स्‍वर्गने ङ्योम्‍बु ओतेकी मिओनगी मोथोङो।

हिब्रू 3:12

थोगी आज्‍यो न्‍वावे, दि बातओन सम्‍झे खाला ख्‍योकोन च्‍याङबो खाला देत। दोक माक्‍यासीन परमेश्‍वर बात मेङेन्‍दा खाला सोम्‍बोते परमेश्‍वर छ्य्‌वापेई ख्‍योकोन ठाल्‍ला डुइओ।

२ पत्रुस 1:19

ङ्योकोनगी थोङातेताङ थोबाते होथे बात ताला परमेश्‍वर बात खित्‍कान्‍तेबेकी गोमाका साबा ओताते बाततेबा पक्‍काराङ ईन सिन सिरा थुप्‍क्‍यो। थेबेकी साबाते बातओन ङेन्‍गीन देत। दोक खासीन बत्ती पारनामेकी नाम्‍दाक ओङाच्‍योक खाला खेराङगी खोबा फाप्‍च्‍येते बाततेबा लेमु खाला खोबा थुप्‍क्‍यो। येशू ख्रीष्‍ट ग्‍युरगीन मावाथुप ख्‍योकोनगी दि बाततेबा ङेन्‍गीन देत। थेचेन ङोमु पाखाला स्‍यारच्‍येते कार्मा ईन।

१ यूहन्‍ना 1:10

तर ङुरूङगी ङे नोमुङ छ्याःङ पाप खाबाराङ मेत सिन सासीन ङुरूङगी परमेश्‍वर ढाँर खित्‍कान्‍ते ईन साबाते ईन। ङुरूङगी दोक सासीन परमेश्‍वर बात दाक्‍पोन सेमला ज्‍य्‌वाबा मुथुबो।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

छ्या स्‍ये च्‍युताते बात 12:17

थोक ओङनामेईनी थे डुक थे फेम्‍मे मित्ताङ झन आउदी खाईन स्‍येदाङ खासुङ। थेमे थे डुक थे फेम्‍मे मि सन्‍तानताङ जीला थेबाला दुक्‍पा तेराला गाल्‍सुङ। थे फेम्‍मे मि सन्‍तानचेन परमेश्‍वरगी कोताते खिन येशू सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मिओन ईन।

छ्या स्‍ये च्‍युताते बात 2:17

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिला ङा परमेश्‍वरताङ ओताते ब्‍वाकीन ज्‍याक्‍पाते मन्‍न सा तेरग्‍यो। थेमे ङा थेला दो कार्मुज्‍यीक तेरग्‍यो। थे दोला साम्‍बाज्‍यीक मिन टिबा ओङगो। थे दो ङेत्‍कान्‍ते मिकीकामा थेरू टिबाते मिनगी अर्थ खोक्‍यो।

छ्या स्‍ये च्‍युताते बात 2:28

थेमे थेला ङा ङोमु पाखाला स्‍यारच्‍येते कार्मा तेरग्‍यो।