१ यूहन्‍ना 5:1 - जिरेल

¹ येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

१ यूहन्‍ना 5:1 Iomraidhean Croise

मत्ती 16:16

थेबे नाङ शिमोन पत्रुसकी “गुरू, खो सोम्‍बोते परमेश्‍वर फुज्‍युङ ईन। खो थेकी तोङगो साबाते ख्रीष्‍ट ईन,” सिन सिदुक।

लूका 7:5

च्‍यिला सासीन थे क्‍याप्‍टेनगी ङुरूङ यहूदीओनला आउदी लेमु खिदुक। थेमे ङ्योकोनते मिटिङ खित्‍च्‍येते खाम्‍बाङ थेकीराङ जोकीन बिन्‍दाते ईन,” सिन सिदुक।

यूहन्‍ना 1:3

दि सा नाम थेमे सा नाम खाङ ओताते जति गाङे परमेश्‍वरगी थे बात सिराते छ्य्‌वापेकीराङ जोबा ओतान। दोक खाईन जोबातेबे नाङ थे बात सिराते छ्य्‌वापेकी मेन्‍दालाचेन छ्याःङज्‍यीक खाङज्‍यीगोङ थाराङ ठुङा मेतान।

यूहन्‍ना 15:23

ङाला मिगी थोङसार्मु खित्‍कान्‍ते मिकीचेन ङे आबालाङ थोकराङ खिओ।

यूहन्‍ना 3:3

थेकी थोक सिरजीन येशूकी “ङा खोल्‍ला दि बात सिओ। चुक सासीन मि लोईन क्‍या फाप्‍क्‍यो, थेमेकामा परमेश्‍वर राज्‍य थोङा थुप्‍क्‍यो,” सिन सिदुक।

यूहन्‍ना 6:69

खुई सेमला पाप सिराते छ्याःङ मेत, खोल्‍ला परमेश्‍वरगीराङ ताङाते ईन सिन ङ्योकोनगी छ्या स्‍येबा ओत। दि बात ङ्योकोन पत्ते खिओ,” सिन सिदुक।

यूहन्‍ना 8:42

याङराङ येशूकी थेबाला “ख्‍योकोन आबा परमेश्‍वर ईन्‍दा ईन्‍सीन ख्‍योकोनगी ङाला ङिङज्‍ये खित्‍च्‍या ओतान। च्‍यिला सासीन थे ओत्‍सादुकीराङ ङा दुरू वाबाते ईन। ङा दुरू ङाराङ खुशीकी वाबाते मेन, ङालाचेन थेकीराङ ताङाते ईन।

शक्ति काम 8:36

थेबा ङिबो थोक खाला लामला डुइन डुइनला छ्यु ओत्‍सादु ख्‍योल्‍सुङ। थेमे थे मिकी “लो तो, दुरू छ्यु ओताक्‍वा। ङाला छ्युला लुक्‍ला बप्‍तिस्‍मा नाङ, ना दोक खिताला थोरूमोङ ङे खइँदा खिता फाप्‍कीते?” सिन सिरजीन

शक्ति काम 8:37

फिलिपकी थेला “खुई येशूला परमेश्‍वर फुज्‍युङ ईन सिन विश्‍वास खिताला स्‍यूनामेकी दोक खिता च्‍यिला मेङतेरो, दाक ओङगो,” सिन सिदुक। थेमे थे मिकीङ “ईन, ङा येशूला विश्‍वास खिओ। येशू ख्रीष्‍टचेन परमेश्‍वर फुज्‍युङराङ ईन,” सिन सिदुक।

याकूब 1:18

परमेश्‍वरगीराङ ङुरूङला सत्‍यते बात छ्या स्‍ये च्‍युत्‍कीन थे खोरोङ फुज्‍युङ फुमु जोसुङ। दोक खाईन थेकी थे खोरोङगी जोबाते गाङे नाङ ङुरूङलाचेन थेला चढे खाबाते साम्‍बाते बाली च्‍योक जोसुङ।

१ पत्रुस 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। थेकी ङुरूङला आउदी ङिङज्‍ये खाईन लोक्‍ला केर ज्‍युताच्‍योक खाईन साम्‍बाते जुनी बिन्‍सुङ। थेकी येशू ख्रीष्‍टला स्‍यिसादुकी सोम्‍बो लोक्‍पा ओतेकी थेकी खिओ साबाच्‍योक पक्‍काराङ खिओ सिन ङुरूङ आश खाईन गुकीन देताते बात नोमुङ फरक परे मिक्‍किओ।

१ यूहन्‍ना 2:10

दाक्‍पोन आज्‍यो न्‍वाला ङिङज्‍ये खित्‍कान्‍ते मिचेन नाम्‍दाकला देत्‍ला लेमु काम खित्‍कान्‍ते ईन। लेमु काम खानामेई थेला छ्याःङ मेलेबा मेङगो।

१ यूहन्‍ना 2:29

थेकी मेलेबा कामताङ बात सिराते नोमुङ छ्याःङ खाबा मेत सिन ख्‍योकोनला छ्याराङ ओत। थोगी लेमुते कामताङ बात खित्‍कान्‍ते मिचेन गाङे परमेश्‍वर फुज्‍युङ फुमु ओङाते मि ईन सिनोङ ख्‍योकोनला छ्याराङ ओत।

१ यूहन्‍ना 3:14

ङुरूङगी स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओत सिन ङुरूङला छ्या ओत। च्‍यिला सासीन ङुरूङ दाक्‍पोन आज्‍यो न्‍वाला ङिङज्‍ये खिओ। ज्‍येनला ङिङज्‍ये मिक्‍किकान्‍ते मिचेन स्‍यिला सजाय ङेत्‍सादुकी थोरूमोङ थारा मेङगो।

१ यूहन्‍ना 3:17

दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?

१ यूहन्‍ना 3:9

परमेश्‍वर फुज्‍युङ फुमु ओङाते मि सुङगीङ पाप खिनराङ मेदेदो। च्‍यिला सासीन परमेश्‍वर थे मि आबा ओङगीन थे मि बानी खुदुक गाला ओत। परमेश्‍वर फुज्‍युङ फुमु ओङेकी थोक्‍ते मिओनगी पाप खिन देताराङ मुथुबो।

१ यूहन्‍ना 4:2

सुइँदेकी सिरच्‍येते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन येशू ख्रीष्‍ट मि जुनी लाकीन केबाते ईन सिन सिरकान्‍ते मिकीचेन परमेश्‍वर आत्‍मेकी सिर च्‍युताते बात खाबाते ईन।

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

१ यूहन्‍ना 4:7

ङिङज्‍येते फिजावे, ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो। च्‍यिला सासीन ज्‍येनला ङिङज्‍ये खित्‍च्‍येते परमेश्‍वरगी खित ज्‍युत्‍च्‍येते ईन। ज्‍येनला ङिङज्‍ये खित्‍कान्‍ते मिचेन परमेश्‍वर फुज्‍युङ फुमु ओङाते मि ईन। थोक्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओङगो।

१ यूहन्‍ना 5:18

ङुरूङला दि बात लेमु खाला छ्या ओत। च्‍यि सासीन परमेश्‍वर फुज्‍युङ फुमु ओङाते मि सुङगीङ पाप खिन मेदेदो। परमेश्‍वर फुज्‍युङगी थेबाला रोकालो गोठालो खित्‍च्‍येते ईन्‍देकी मिला मेलेबा खित्‍कान्‍ते शैतानगी थेबाला रिक्‍ला द्वाबोङ मुथुबो।

१ यूहन्‍ना 5:4

च्‍यिला सासीन परमेश्‍वर फुज्‍युङ फुमु ओङाते मिओनगीचेन दि सा लुङबे मिओनगी खित्‍च्‍येते च्‍योक्‍ते मेलेबा काम छ्याःङ मिक्‍किता खाला देता थुप्‍क्‍यो। येशू ख्रीष्‍ट परमेश्‍वर फुज्‍युङ ईन सिन थेला विश्‍वास खालाराङ ङुरूङ थोक खाला देता थुप्‍क्‍यो।

१ यूहन्‍ना 5:5

दि सा लुङबे मिओनगी खित्‍च्‍येते च्‍योक्‍ते मेलेबा काम छ्याःङ मिक्‍किता खाला देता थुप्‍कान्‍ते सु ईन्‍दे ओना? दोक खाला देता थुप्‍कान्‍ते मिचेन येशू परमेश्‍वर फुज्‍युङ ईन सिन पत्ते खित्‍कान्‍ते मिराङ ईन।