१ यूहन्‍ना 4:9 - जिरेल

⁹ थे छ्य्‌वापेकी ङुरूङगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे खोरोङते दोक्‍पोईकामा ओताते फुज्‍युङोङ देमा ताङा ओतान। होदि बात विचार खालाराङ थेकी ङुरूङला ङिङज्‍ये खाबाते ईन सिन दाक छ्या स्‍येकीदुक।

१ यूहन्‍ना 4:9 Iomraidhean Croise

मर्कूस 12:6

थोक ओङनामेकी था थेकी फुज्‍युङतेकामा तोङा थुप्‍च्‍या ओताक्‍वालो। थेते फुज्‍युङज्‍यीककामा ओतानलो। थेकी थेला आउदी ङिङज्‍ये खिन ओतानलो। थेमे थे मिकी च्‍यि खादुक्‍लो सासीन दिलानी थेबेकी मान खाला छ्याःङ मेलेबा मिक्‍कितासीन सिन थेलाराङ थे खोरोङ अंगूर बो लिन ताङदुक्‍लो।

लूका 4:18

थेरू चुक सिन टिबा ओताने सासीन “प्रभु परमेश्‍वरगी ङाला थे खोरोङ आत्‍मा बिन्‍दा ओत। थेकी ङाला छ्याःङ मेताते मिओनला गा लाङच्‍येते बात लोपाला खटे खाबाते ईन। दोस्‍यिककामा मेन, थेकी ङाला जेलदु देता ओत्‍कानला था थेरूकी थेन्‍दा ङेत्‍क्‍यो सिन सि, अन्‍धओनला थोङा थुप्‍च्‍या जो, ज्‍येनगी अन्‍याय खाईन दुक्‍पा ङेताते मिओनला दुक्‍पादुकी ठोल

यूहन्‍ना 10:10

चोरनी खालि क्‍वाप सिन, सेताप सिन थेमे जेसुकै ङ्ये ज्‍युताप सिनकामा ओङगो। ङाचेन मिओनगी नोमुङ मिसिन्‍च्‍येते जुनी ङेत्‍स्‍यीत थेमे थे जुनी ङे थेबाला तेरा चालाच्‍योक पूरो खाला ङेत्‍स्‍यीत सिन दुरू वाबाते ईन।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

यूहन्‍ना 3:18

थोगी परमेश्‍वर फुज्‍युङगी पापकी सजायदुकी डेल्‍ग्‍यो सिन थेला विश्‍वास खित्‍कान्‍ते मिला परमेश्‍वरगी सजाय मेतेरो। थेला विश्‍वास मिक्‍किकानगीचेन गाङेकी परमेश्‍वर सजाय ङेत्‍च्‍या ओङा ओत। परमेश्‍वरते दोक्‍पोईकामा ओताते फुज्‍युङला विश्‍वास माक्‍याबेकीराङ थेबेकी सजाय ङेत्‍च्‍या ओङाते ईन।

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

यूहन्‍ना 6:29

थोक सिरजीन थेकी “परमेश्‍वरगी खि साबाते कामचेन थेकी दुरू ताङाते मिला विश्‍वास खित्‍च्‍येतेराङ ईन,” सिन सिदुक।

यूहन्‍ना 6:51

स्‍वर्गनेकी वाबाते नोमुङ मिसिन्‍च्‍येते जुनी ङेत्‍च्‍येते सापचेन ङाराङ ईन। दि साप साकान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो। दि सापचेन ङे जीउराङ ईन। दि सा लुङबे मिओनगी नोमुङ मिसिन्‍च्‍येते जुनी ङेत्‍स्‍यीत सिन ङा ङाराङ ज्‍यान बिन्‍ला स्‍यिइओ” सिन सिदुक।

यूहन्‍ना 6:57

गाङेला जुनी तेरकान्‍ते आबेकी ङाला दुरू ताङाते ईन। थेकी खित्‍सादुराङ ङा सोन्‍गीन देता ओत। थोगी ङे स्‍या साकान्‍तेताङ ठाक थुङकान्‍ते मिङ ङे खित्‍सादु सोन्‍ला देत्‍क्‍यो।

यूहन्‍ना 8:29

ङाला दुरू तोङकान्‍ते ङात्ताङ ङ्योम्‍बुराङ ओत। ङे थेला मन परे खित्‍च्‍येते कामकामा खित्‍च्‍येते ईन्‍देकी थेकी ङाला च्‍यिकराङ ज्‍याक्‍पा मेत,” सिन सिदुक।

यूहन्‍ना 8:42

याङराङ येशूकी थेबाला “ख्‍योकोन आबा परमेश्‍वर ईन्‍दा ईन्‍सीन ख्‍योकोनगी ङाला ङिङज्‍ये खित्‍च्‍या ओतान। च्‍यिला सासीन थे ओत्‍सादुकीराङ ङा दुरू वाबाते ईन। ङा दुरू ङाराङ खुशीकी वाबाते मेन, ङालाचेन थेकीराङ ताङाते ईन।

यूहन्‍ना 9:3

ठिजीन थेकी “दि दोक गाल्‍गीन केबाते दि खोरोङ पापकी खित्‍सादुङ मेन, आबा आमे पापकी खित्‍सादुङ मेन। दि जुनीदु ओङाते काम थोङला परमेश्‍वर शक्ति चुक छ्ये ईन्‍दे सिन मिओनगी छ्या स्‍येस्‍यीत सिनराङ दि दोक गाल्‍गीन केबाते ईन।

रोमी 8:32

परमेश्‍वरगी थे खोरोङ फुज्‍युङला चुक दुक्‍पा ओङगीते सिन छ्या स्‍येकीन स्‍येकीनोङ ङुरूङ गाङे पापकी सजाय भोगे खाला स्‍याप्‍ला थेला देमा ताङा ओतान। थेकी थोक खाईन थे खोरोङ फुज्‍युङ समेतनी ताङा ओतान सासीन च्‍यि ङुरूङला ज्‍येनतोकोङ जेसुकै मेतेरोतरो?

हिब्रू 1:5

परमेश्‍वरगी थेला च्‍योक खाईन थे खोरोङ दूतओन नाङ सुङलाङ नोमुङ “खो ङे फुज्‍युङ ईन, थरिङमेई ङा खुई आबा ईन,” सिन साबा मिन्‍दुक। थेमे “ङा थे आबा ईन, थेचेन ङे फुज्‍युङ ईन,” सिनोङ साबा मिन्‍दुक।

१ यूहन्‍ना 3:16

ज्‍येनला ङिङज्‍ये खित्‍च्‍येते च्‍यि ईन्‍दे सिन ङुरूङगी येशू ख्रीष्‍टकी खाबाते काम ताला छ्या स्‍येक्‍यो। थेकी ङुरूङ लाईदु थे खोरोङ ज्‍यानराङ बिन्‍दा ओतान। ङुरूङगीङ दाक्‍पोन आज्‍यो न्‍वाकी लाईदु दाक्‍पोन ज्‍यान तेरा फाप्‍क्‍यो।

१ यूहन्‍ना 4:10

परमेश्‍वरगी ङुरूङला ङिङज्‍ये खाबाते सिराते च्‍यि ईन्‍दे सासीन ङुरूङगी थेला ङिङज्‍ये खाबाते मेन, थेकीका ङुरूङला ङिङज्‍ये खासुङ। चुक सासीन ङुरूङ पाप माफ तेरा थुप्‍स्‍यीत सिन ङुरूङगी खाबाते पापकी सजाय भोगे खाला स्‍याप्‍ला थेकी थे खोरोङ फुज्‍युङला देमा ताङाते ईन।

१ यूहन्‍ना 4:16

होदि बातकी छ्य्‌वापेकीराङ परमेश्‍वरगी ङुरूङला थोई ङिङज्‍ये खित्‍च्‍या ईन्‍दाका सिन ङुरूङगी लेमु खाला छ्या स्‍येक्‍यो। परमेश्‍वरचेन ङिङज्‍ये खित्‍कान्‍ते ईन। ज्‍येनला ङिङज्‍ये खित्‍कान्‍ते मिचेन परमेश्‍वरताङ डिक्‍ला देत्‍क्‍यो थेमे थोक्‍ते मित्ताङ परमेश्‍वर ङ्योम्‍बु देत्‍क्‍यो।

१ यूहन्‍ना 5:11

परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात दिराङ ईन। च्‍यि सासीन परमेश्‍वरगी ङुरूङला नोमुङ मिसिन्‍च्‍येते जुनी बिन्‍दा ओत। मिओनला दि जुनी तेरकान्‍ते थे फुज्‍युङराङ ईन।

१ यूहन्‍ना 5:13

ख्‍योकोनगी परमेश्‍वर फुज्‍युङला विश्‍वास खाबा ओत। थोगी ख्‍योकोनगी नोमुङ मिसिन्‍च्‍येते जुनी ङेता ओत सिन लेमु खाला छ्या स्‍येस्‍यीत सिन ङे ख्‍योकोनला दि बाततेबा टिबाते ईन।