१ यूहन्‍ना 4:7 - जिरेल

⁷ ङिङज्‍येते फिजावे, ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो। च्‍यिला सासीन ज्‍येनला ङिङज्‍ये खित्‍च्‍येते परमेश्‍वरगी खित ज्‍युत्‍च्‍येते ईन। ज्‍येनला ङिङज्‍ये खित्‍कान्‍ते मिचेन परमेश्‍वर फुज्‍युङ फुमु ओङाते मि ईन। थोक्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओङगो।

१ यूहन्‍ना 4:7 Iomraidhean Croise

यूहन्‍ना 13:34

था ङा ख्‍योकोनला दोक खि सिन कोत्‍क्‍यो। च्‍यि सासीन ख्‍योकोन खेराङ नाङ ङिङज्‍ये खितरीङ खि। ङे ख्‍योकोनला ङिङज्‍ये खाबा च्‍योकराङ खाला ख्‍योकोनबरीकीङ खेराङ नाङ ङिङज्‍ये खि।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

१ कोरिन्‍थी 8:3

परमेश्‍वरला ङिङज्‍ये खित्‍कान्‍ते मि सु सु ईन्‍दे सिन परमेश्‍वरगी लेमु खाईन छ्या स्‍येबा ओङगो।

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

गलाती 4:9

थाचेन ख्‍योकोनगी परमेश्‍वर सु ईन्‍दे, चुक्‍ते ईन्‍दे सिन लेमु खाईन छ्या स्‍येबा ओत। ख्‍योकोनगी थेला छ्या स्‍येबाते ईन सिरा भन्‍दाङ बरू परमेश्‍वर थे खोरोङगीराङका ख्‍योकोनला थे खोरोङ सु ईन्‍दे, चुक्‍ते ईन्‍दे सिन छ्या स्‍ये च्‍युत्‍कीन बिन्‍दाते ईन सिरा डिगीतासीन। बात दोक ईन्‍गीन ईन्‍गीनोङ परमेश्‍वरला माने खिता ताङगीन ख्‍योकोनगी चुक खाईन थाङबोमेई चले खिन वाबाते रीतिथिति लोक्‍ला माने खिताला स्‍यूबे? थोक खाला छ्याःङ फाइदा मेत्‍सीनोङ ख्‍योकोन च्‍यिला याङराङ स्‍याप स्‍याप खाला थे रीतिथिति माने खिता छोल्‍गीते?

गलाती 5:22

परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिलाचेन थेकी फलफूल गोन ज्‍युताच्‍योक खाला लेमु कामताङ बात खित ज्‍युत्‍क्‍यो। थोगी थोक्‍ते मिकीचेन ज्‍येनला ङिङज्‍ये खिओ, थे गा खिन देत्‍क्‍यो थेमे सेमदु ढुक्‍क खाला देत्‍क्‍यो। थोक्‍ते मि होत्ताराङ स्‍येदाङ मिक्‍किओ, थेकी ज्‍येनला दया खिओ थेमे लेमु खिओ, थेकी खिओ साबा च्‍योकराङ खिओ,

२ तिमोथी 1:7

च्‍यिला सासीन परमेश्‍वरगी ङुरूङला थे खोरोङ आत्‍मा बिन्‍दाते ज्‍यीबा खित्‍स्‍यीत सिन मेन बरू थे आत्‍मे छ्य्‌वापेकी शक्ति ङेत्‍स्‍यीत, ज्‍येनला ङिङज्‍ये खिता थुप्‍स्‍यीत थेमे दाक्‍पोन सेम काबूला ज्‍य्‌वाबा थुप्‍स्‍यीत सिन ईन।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ यूहन्‍ना 2:10

दाक्‍पोन आज्‍यो न्‍वाला ङिङज्‍ये खित्‍कान्‍ते मिचेन नाम्‍दाकला देत्‍ला लेमु काम खित्‍कान्‍ते ईन। लेमु काम खानामेई थेला छ्याःङ मेलेबा मेङगो।

१ यूहन्‍ना 2:29

थेकी मेलेबा कामताङ बात सिराते नोमुङ छ्याःङ खाबा मेत सिन ख्‍योकोनला छ्याराङ ओत। थोगी लेमुते कामताङ बात खित्‍कान्‍ते मिचेन गाङे परमेश्‍वर फुज्‍युङ फुमु ओङाते मि ईन सिनोङ ख्‍योकोनला छ्याराङ ओत।

१ यूहन्‍ना 2:3

थेमे परमेश्‍वरगी खि सिन कोताते खानामेकी ङुरूङगी परमेश्‍वर सु ईन्‍दे, च्‍यि खिते सिन लेमु खाला छ्या स्‍येक्‍यो।

१ यूहन्‍ना 2:4

सुइँदेकी परमेश्‍वर सु ईन्‍दे, च्‍यि खिते सिन ङाला लेमु खाला छ्या ओत खिदुक तर परमेश्‍वरगी खि सिन कोताते मिक्‍किदुक सासीन थे ढाँर खित्‍कान्‍ते ईन। थोक्‍ते मिकी सत्‍यते परमेश्‍वरगी साबाते बात दाक्‍पोन सेमगी नाङ ज्‍य्‌वाबा मुथुबो।

१ यूहन्‍ना 2:7

ङिङज्‍येते फिजावे, प्रभु येशूकी खि सिन कोताते ङे टिगीन ओताते दि बात ख्‍योकोनगी गोमा माथोबाते बातनी मेन। दि बात ख्‍योकोनगी थेला विश्‍वास खिता छोमुमेईराङ थोबाते बात ईन। दि बातचेन ख्‍योकोनगी थोबा ओताते गा लाङच्‍येते बातराङ ईन।

१ यूहन्‍ना 3:9

परमेश्‍वर फुज्‍युङ फुमु ओङाते मि सुङगीङ पाप खिनराङ मेदेदो। च्‍यिला सासीन परमेश्‍वर थे मि आबा ओङगीन थे मि बानी खुदुक गाला ओत। परमेश्‍वर फुज्‍युङ फुमु ओङेकी थोक्‍ते मिओनगी पाप खिन देताराङ मुथुबो।

१ यूहन्‍ना 4:11

ङिङज्‍येते फिजावे, थेकी थे खोरोङ फुज्‍युङ देमा ताङगीन ङुरूङला दोक खाईन ङिङज्‍ये खाबेकी ङुरूङगीङ दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो।

१ यूहन्‍ना 4:12

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। ईन्‍सीनोङ ङुरूङगी दोक्‍पोईकी ज्‍येनज्‍यीकला ङिङज्‍ये खासीन परमेश्‍वर ङुरूङताङ ङ्योम्‍बु देत्‍क्‍यो। थेमे थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाला खिओ।

१ यूहन्‍ना 4:16

होदि बातकी छ्य्‌वापेकीराङ परमेश्‍वरगी ङुरूङला थोई ङिङज्‍ये खित्‍च्‍या ईन्‍दाका सिन ङुरूङगी लेमु खाला छ्या स्‍येक्‍यो। परमेश्‍वरचेन ङिङज्‍ये खित्‍कान्‍ते ईन। ज्‍येनला ङिङज्‍ये खित्‍कान्‍ते मिचेन परमेश्‍वरताङ डिक्‍ला देत्‍क्‍यो थेमे थोक्‍ते मित्ताङ परमेश्‍वर ङ्योम्‍बु देत्‍क्‍यो।

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

१ यूहन्‍ना 4:8

ज्‍येनला ङिङज्‍ये मिक्‍किकान्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्याराङ मेस्‍येओ। च्‍यिला सासीन परमेश्‍वरचेन ङिङज्‍ये खित्‍कान्‍ते ईन।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

२ यूहन्‍ना 1:5

थोरूमोङ ङा खोल्‍ला ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो सिन सिओ। दोक खिइ सिन ङा खोल्‍ला बिन्‍ती खिओ। ईन्‍दाका दि खुई गोमा माथोबाते बात मेन। दि बात ङुरूङगी येशूला विश्‍वास खिता छोमुमेईराङ थोबाते बात ईन।