१ यूहन्‍ना 4:6 - जिरेल

⁶ थेबा थोक्‍ते मि ईन्‍सीनोङ ङुरूङचेन परमेश्‍वर मि ईन। परमेश्‍वरला छ्या स्‍येकान्‍ते मिओनगी ङुरूङ बात ङेन्‍ग्‍यो, थे मि मेन्‍दातेबेकी ङुरूङ बात मेङेनो। होदि बात तालाराङ सु सु सत्‍यते बात खित्‍कान्‍ते ईन्‍दाका थेमे सु सु मेन्‍दे बात खित्‍कान्‍ते ईन्‍दाका सिन लेमु खाला डेला थुप्‍क्‍यो।

१ यूहन्‍ना 4:6 Iomraidhean Croise

लूका 10:22

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो,” सिन सिदुक।

यूहन्‍ना 10:16

ङेते ज्‍येन ज्‍येन लुगोङ ओत। थे लुकतेबा दि बगालते मेन। ङे थेबालाङ दि बगालदुराङ खुलाङा फाप्‍क्‍यो। थेबाला फोत्‍जीन थेबेकीङ ङे ङोरो थोला ङे साबाते ङेन्‍ग्‍यो। दोक खाला थेबाङ बगालज्‍यीक्‍तेराङ ओङगो। थेमे थेबा गाङेते गोठालाज्‍यीकराङ ओङगो।

यूहन्‍ना 10:27

ङा ङाराङ लुकओन लेमु खाला छ्या स्‍येक्‍यो। थेमे थेबेकीङ ङे ङोरो थोला ङे तिङ ङ्याला ख्‍याम्‍ग्‍यो।

यूहन्‍ना 10:3

थे ओङजीनचेन लुई खोरदु देत्‍ला लुक स्‍युङकान्‍ते मिकी थेला खोरगी गो पेत्‍ला तेरग्‍यो। थेमे लुकतेबेकीङ थे खोपरोङ गोठाले ङोरो छ्या स्‍येक्‍यो। थेकी थे खोरोङ लुकओनला मिन तेन्‍ला फोला पाङला टीला खेरग्‍यो।

यूहन्‍ना 13:20

दि बात ङेन। ङे ताङाते मि जो ईन्‍सीनोङ थेला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन,” सिन बात खासुङ।

यूहन्‍ना 14:17

थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो। दि सा लुङबे मिओनगी दिङ सु ईन्‍देरो सिराच्‍योक खाला थेला छ्याःङ वास्‍ता मिक्‍किओ। च्‍यिला सासीन थेबेकी थे सु ईन्‍दे सिन छ्याङ मेस्‍येओ, थेला थोङाङ मुथुबो। तर ख्‍योकोनगीचेन थेला छ्या स्‍येक्‍यो। थे ख्‍योकोनताङ नोमुङ माठाला खाला ख्‍योकोन सेमगी नाङराङ देत्‍क्‍यो।

यूहन्‍ना 15:26

आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 20:21

थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

यूहन्‍ना 8:19

थेमे थेबेकी “खुई आबा खापा ओते ओना?” सिन सिरजीन थेकी “ख्‍योकोनगी ङालाङ छ्या मेस्‍येदुक, ङे आबालाङ। ङाला छ्या स्‍येबा ईन्‍सीन ख्‍योकोनगी आबालाङ छ्या स्‍येच्‍या ओतान,” सिन सिदुक।

यूहन्‍ना 8:23

थोरूमोङ बात खिन येशूकी “ख्‍योकोन दि सा लुङबादु ठुङाते ईन, ङाचेन स्‍वर्गनेकी वाबाते ईन। ख्‍योकोन दि सा लुङबे मि ईन, ङा दि सा लुङबे मि मेन।

रोमी 1:1

दि चिट्ठी येशू ख्रीष्‍ट काम खित्‍कान्‍ते ङा पावल टिगीन ओत। ङा येशू ख्रीष्‍टकी खटे खाबाते मि ईन। मिओनला थे खोरोङ गा लाङच्‍येते बात लोपाला ङाला परमेश्‍वरगी छाने खाबाते ईन।

रोमी 11:8

थेबा थोक डुइओ सिन परमेश्‍वर बातला “परमेश्‍वरगीराङ थेबाला छ्याःङ खोबा मुथुप्‍च्‍या जोसुङ। थोक ओङेकी मिक ओत्‍सीनोङ थेबेकी परमेश्‍वरगी खाबाते काम छ्याःङ थोङराङ मोथोङदुक। थेमे नामज्‍योक ओत्‍सीनोङ थेकी खाबाते बात छ्याःङ थोराङ मोथोदुक। थोरूमसाकोङ थेबा होथोकराङ गाल्‍गीन देत्‍ला दुक,” सिन टिबा ओतान।

१ कोरिन्‍थी 14:37

सुइँदेकी ङा परमेश्‍वरगी सिर च्‍युताते बात खित्‍कान्‍ते मि ईन कि परमेश्‍वर आत्‍मेकी ङाला थोक खित्‍च्‍येते शक्ति बिन्‍दा ओत खिदुक सासीन थोक्‍ते मिला ङा दि बात सिओ। च्‍यि सासीन थेकी ङे टिबाते दि बातओन प्रभु येशूकीराङ खि सिन कोताते ईन सिन छ्या स्‍येबा फाप्‍क्‍यो।

२ कोरिन्‍थी 10:7

ख्‍योकोनचेन खालि मि चुकस्‍यिक दुका थेकामा तेइदुक। थे सेमगी नाङ चुक ओताना सिरच्‍येते बात छ्याःङ विचार मिक्‍किदुक। सुइँदेकी ङानी ख्रीष्‍टकी मि ईन खिदुक सासीन थेकी ङ्योकोनोङ होथोक्‍ते मिराङ ईन सिन लेमु खाला खोबा फाप्‍क्‍यो।

२ थिस्‍सलोनिकी 1:8

परमेश्‍वरला माने मिक्‍किकान्‍ते थेमे ङुरूङ प्रभु येशूते गा लाङच्‍येते बात मेङेन्‍कान्‍ते मिओनला थेबेकी ङेता फाप्‍च्‍येते सजाय तेरग्‍यो।

१ तिमोथी 4:1

थेमे था तिरी कोई कोई मिकी मिला छक्‍के खिताला ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात ङेन्‍ला खोपरोङगी येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा तोङगो। दोक खिओ सिन परमेश्‍वर आत्‍मेकी लेमु खाईन साबा ओत।

२ पत्रुस 3:2

परमेश्‍वर बात खित्‍कान्‍ते मिओनगी गोमाका साबाते बाततेबा थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी खि साबाते थेकी खटे खाबाते मिओनगी खेराङला लाप्‍कीन बिन्‍दाते बातओन ख्‍योकोनगी नोमुङ टोक माज्‍येत।

१ यूहन्‍ना 4:1

ङिङज्‍येते फिजावे, सुइँदेकी ङाला दि बात परमेश्‍वर आत्‍मेकी सिर च्‍युताते ईन सिन सिरजीनमेईराङ थोक्‍ते मि गाङे बात पत्ते माकेत। बरू थेबेकी साबाते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन लेमु खाला छ्या स्‍येबा खि। च्‍यिला सासीन परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन सा लुङबा खाङ ठाम्‍गीन सिन्‍दा ओत।

१ यूहन्‍ना 4:4

फिजावे, ख्‍योकोन परमेश्‍वर मि ईन। थे ईनराङ मेन्‍दे बात लोप्‍कान्‍ते मिओन बात सत्‍यते मेन सिन छ्या स्‍येकीन ख्‍योकोनगी थेबाला ग्‍याला ओत। च्‍यिला सासीन दि सा लुङबे मि नाङ काम खित्‍कान्‍ते भन्‍दाचेन ख्‍योकोन सेमदु देत्‍कान्‍ते परमेश्‍वर आत्‍मा छ्ये ईन।

१ यूहन्‍ना 4:8

ज्‍येनला ङिङज्‍ये मिक्‍किकान्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्याराङ मेस्‍येओ। च्‍यिला सासीन परमेश्‍वरचेन ङिङज्‍ये खित्‍कान्‍ते ईन।

१ यूहन्‍ना 5:19

दि सा लुङबा गाङे मिला मेलेबा खित्‍कान्‍ते शैतान अधीनला ओत। ईन्‍सीनोङ ङुरूङचेन परमेश्‍वर फुज्‍युङ फुमु ईन सिन ङुरूङला लेमु खाला छ्या ओत।

यहूदा 1:17

ङिङज्‍येते आज्‍यो न्‍वावे, ख्‍योकोनगी ङुरूङ प्रभु येशू ख्रीष्‍टकी खटे खाबाते मिओनगी खेराङला गोमाबा साबाते बाततेबा ठेम्‍बा खि।