१ यूहन्‍ना 4:4 - जिरेल

⁴ फिजावे, ख्‍योकोन परमेश्‍वर मि ईन। थे ईनराङ मेन्‍दे बात लोप्‍कान्‍ते मिओन बात सत्‍यते मेन सिन छ्या स्‍येकीन ख्‍योकोनगी थेबाला ग्‍याला ओत। च्‍यिला सासीन दि सा लुङबे मि नाङ काम खित्‍कान्‍ते भन्‍दाचेन ख्‍योकोन सेमदु देत्‍कान्‍ते परमेश्‍वर आत्‍मा छ्ये ईन।

१ यूहन्‍ना 4:4 Iomraidhean Croise

यूहन्‍ना 12:31

था परमेश्‍वरगी दि सा लुङबे मि न्‍याय खित्‍च्‍ये बेला लेप्‍सुङ। था थेकी दि सा लुङबे गेल्‍बो शैतान शक्ति ठ्वाला दुरूकी तेन्‍ला तोङगो।

यूहन्‍ना 14:30

था ङा काल्‍बासाक ख्‍योकोनताङ बात खिन देता मेङेदो। था दि सा लुङबे गेल्‍बो शैतान होत्ता ओङगीन ओत। थे ङा भन्‍दा छ्ये मेन। थेमे थेकी ङाला छ्याःङ खिता मुथुबो।

यूहन्‍ना 16:11

थोकराङ खाला थेकी परमेश्‍वरगी ङीमाई गाङेते न्‍याय खिओ सिनोङ छ्या स्‍ये ज्‍युत्‍क्‍यो। च्‍यिला सासीन दि सा लुङबे गेल्‍बो शैतानला सजाय तेराला फैसला ओङगीन सिन्‍दा ओत।

यूहन्‍ना 17:23

ङा दिबे सेमगी नाङ देत्‍च्‍येते ईन्‍देकी थेमे खोत्ताङ ङा दोक्‍पोईराङ ईन्‍देकी दिबा गाङेराङ जहिलेङ सेमज्‍यीकराङ खाला डिक्‍ला देत्‍स्‍यीत। दोक ओङनामेई ङाला खुईराङ ताङाते ईन थेमे खुई ङाला ङिङज्‍ये खाबा च्‍योकराङ खाईन दिबालाङ ङिङज्‍ये खित्‍च्‍याक्‍वा सिन दि सा लुङबे मिओनगी छ्या स्‍येक्‍यो।

रोमी 8:31

बात दोक दोक ईन्‍देकी था ङुरूङला दि बात लेमु खाला छ्या ओत। च्‍यि सासीन परमेश्‍वर ङुरूङ छ्य्‌वापा ओतेकी खित्‍सादु ङुरूङला मेलेबा खिता छोल्‍कान्‍तेबा सुङगीङ छ्याःङ खिता मुथुबो।

रोमी 8:37

तर दाक्‍पोनला जे ओङसीनोङ येशू ख्रीष्‍टकी ङुरूङला ङिङज्‍ये खाबा ओतेकी सुङगीङ थेमे दोक्‍ते दुक्‍पा छ्याःङगीङ ङुरूङला ग्‍याला मुथुबो सिन ङुरूङ सेम मेसेता खाला ढुक्‍कराङ खाला देत्‍क्‍यो।

१ कोरिन्‍थी 2:12

ङुरूङगी ङेताते परमेश्‍वर आत्‍माताङ दि सा लुङबे मिओनगी खित्‍च्‍येते बुद्धि बात दोक्‍पोईराङ मेन। परमेश्‍वर आत्‍मे छ्य्‌वापेईराङ ङुरूङगी परमेश्‍वरगी ङुरूङला च्‍यि बिन्‍दा ओते, चुक खाबा ओते सिन छ्या स्‍येक्‍यो।

१ कोरिन्‍थी 6:13

ख्‍योकोनगी “मिला साप थुङा गोक्‍यो, साप थुङा मेताला मि चुक खाला सोन्‍गीते?” सिरा ठीकराङ ईन। तर ङीमाई परमेश्‍वरगी मि जीउ साप थुङा मोगोच्‍या खुदुक जोइओ। बात च्‍यि सासीन परमेश्‍वरगी ङुरूङला दि जीउ बिन्‍दाते रन्‍डीबाजी थेमे होदि च्‍योक्‍ते खिता मेङच्‍येते काम खिताला मेन, प्रभु येशूला मन परे खित्‍च्‍येते काम खिताला ईन। ङुरूङला गोच्‍येते तेरकान्‍ते प्रभु येशूराङ ईन।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

एफिसी 6:10

थोरूमोङ बातज्‍यीक च्‍यि सासीन प्रभु ख्रीष्‍टताङ जीउज्‍यीकराङ ओङेकी थेकी ख्‍योकोनला थे खोरोङ छ्येज्‍यीक शक्ति बिन्‍दा ओत सिन टोक मेज्‍येता खाला छ्याःङ ज्‍यीबा मिक्‍किता खाला देत।

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।

१ यूहन्‍ना 2:13

छ्येवे, दि सा नाम ज्‍वा भन्‍दा गोमामेईराङ ओताते ख्रीष्‍टला ख्‍योकोनगी छ्या स्‍येबा ओतेकी ङा ख्‍योकोनला दि बात टिगीन ओत। स्‍याराते मिवे, ख्‍योकोनगी खेराङला मेलेबा खित्‍कान्‍ते शैतानला ग्‍याल्‍गीन सिन्‍दा ओतेकी ङा ख्‍योकोनला दि बात टिगीन ओत। फिजावे, ख्‍योकोनगी आबा परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओतेकी ङे ख्‍योकोनला दि बात टिबाते ईन।

१ यूहन्‍ना 3:20

खइँदा खानामेई कहिले कहिले ङुरूङला ङे च्‍यिला थोक खाताका सिन मेलेबा लाङगो। थोक लाङजीन ङुरूङगी ङे सेमगी बात परमेश्‍वरला छ्या मेताते मेन, थे खापान खापान छ्ये ईन, थेकी छ्या मेस्‍येच्‍येते बात छ्याःङ मेत सिरच्‍येते बात टोक ज्‍येता मेङगो।

१ यूहन्‍ना 3:24

परमेश्‍वरगी खि सिन कोताते खित्‍कान्‍ते मिओनचेन थेत्ताङ डिक्‍ला देत्‍क्‍यो। थोक्‍ते मिओनताङ परमेश्‍वर ङ्योम्‍बुराङ देत्‍क्‍यो। परमेश्‍वर ङुरूङताङ ङ्योम्‍बु देत्‍क्‍यो सिन ङुरूङगी चुक खाला छ्या स्‍येकीते? दि बातचेन ङुरूङगी थेकी ङुरूङला बिन्‍दाते थे खोरोङ आत्‍मे छ्य्‌वापेई छ्या स्‍येक्‍यो।

१ यूहन्‍ना 4:13

परमेश्‍वरगी ङुरूङला थे खोरोङ आत्‍मा बिन्‍दा ओतेकी ङुरूङ परमेश्‍वरताङ डिक्‍ला देत्‍क्‍यो थेमे थे ङुरूङताङ ङ्योम्‍बुराङ देत्‍क्‍यो सिन लेमु खाला छ्या स्‍येक्‍यो।

१ यूहन्‍ना 4:16

होदि बातकी छ्य्‌वापेकीराङ परमेश्‍वरगी ङुरूङला थोई ङिङज्‍ये खित्‍च्‍या ईन्‍दाका सिन ङुरूङगी लेमु खाला छ्या स्‍येक्‍यो। परमेश्‍वरचेन ङिङज्‍ये खित्‍कान्‍ते ईन। ज्‍येनला ङिङज्‍ये खित्‍कान्‍ते मिचेन परमेश्‍वरताङ डिक्‍ला देत्‍क्‍यो थेमे थोक्‍ते मित्ताङ परमेश्‍वर ङ्योम्‍बु देत्‍क्‍यो।

१ यूहन्‍ना 4:6

थेबा थोक्‍ते मि ईन्‍सीनोङ ङुरूङचेन परमेश्‍वर मि ईन। परमेश्‍वरला छ्या स्‍येकान्‍ते मिओनगी ङुरूङ बात ङेन्‍ग्‍यो, थे मि मेन्‍दातेबेकी ङुरूङ बात मेङेनो। होदि बात तालाराङ सु सु सत्‍यते बात खित्‍कान्‍ते ईन्‍दाका थेमे सु सु मेन्‍दे बात खित्‍कान्‍ते ईन्‍दाका सिन लेमु खाला डेला थुप्‍क्‍यो।

१ यूहन्‍ना 5:19

दि सा लुङबा गाङे मिला मेलेबा खित्‍कान्‍ते शैतान अधीनला ओत। ईन्‍सीनोङ ङुरूङचेन परमेश्‍वर फुज्‍युङ फुमु ईन सिन ङुरूङला लेमु खाला छ्या ओत।

१ यूहन्‍ना 5:4

च्‍यिला सासीन परमेश्‍वर फुज्‍युङ फुमु ओङाते मिओनगीचेन दि सा लुङबे मिओनगी खित्‍च्‍येते च्‍योक्‍ते मेलेबा काम छ्याःङ मिक्‍किता खाला देता थुप्‍क्‍यो। येशू ख्रीष्‍ट परमेश्‍वर फुज्‍युङ ईन सिन थेला विश्‍वास खालाराङ ङुरूङ थोक खाला देता थुप्‍क्‍यो।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।