१ यूहन्‍ना 4:21 - जिरेल

²¹ परमेश्‍वरला ङिङज्‍ये खित्‍कान्‍ते मिकी दाक्‍पोन आज्‍यो न्‍वालाङ ङिङज्‍ये खि सिन येशू ख्रीष्‍टकी ङुरूङला कोताते ईन।

१ यूहन्‍ना 4:21 Iomraidhean Croise

मत्ती 5:43

थेमे ‘दाक्‍पोन युल्‍बाला ङिङज्‍ये खि, शत्रुओनलाचेन किला च्‍योकराङ खि,’ सिन ङुरूङ ज्‍युज्‍यु पुर्खाला लापा ओतान सिनोङ ख्‍योकोनला छ्याराङ ओत।

लूका 10:37

थोक सिन ठिजीन थेकी “ङालानी थे मिला दया खित्‍कान्‍ते मिकीराङ ज्‍येनला खिता फापाच्‍योक खाबाते ईन सिराच्‍योक लाङगीदुक,” सिन सिदुक। थेमे येशूकी थेला “थोगी लो खो ग्‍युक थेमे खुईङ होथोकराङ खि,” सिन सिदुक।

यूहन्‍ना 15:12

ङा ख्‍योकोनला दोक खि सिन कोत्‍क्‍यो। च्‍यि सासीन ङे ख्‍योकोनला खाबा च्‍योकराङ खाला ख्‍योकोनगीङ खेराङ नाङ दोक्‍पोईकी ज्‍येनज्‍यीकला ङिङज्‍ये खि।

गलाती 5:14

च्‍यिला सासीन “दाक्‍पोन ज्‍यानला माया खिता च्‍योकराङ ज्‍येनलाङ ङिङज्‍ये खि,” सिन साबाते होदि नियमज्‍यीक ङेन्‍नामेई परमेश्‍वर नियम गाङे ङेन्‍दाते ईन।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

१ थिस्‍सलोनिकी 4:9

थेमे प्रभु येशूला विश्‍वास खित्‍कान्‍ते आज्‍यो न्‍वाकी नाङ दोक्‍पोईकी ज्‍येनज्‍यीकला ङिङज्‍ये खित्‍च्‍येते बातला ङ्योकोनगी ख्‍योकोनला छ्याःङ सिरा माफाप्‍तासीन। दोक्‍पोईकी ज्‍येनज्‍यीकला चुक खाला ङिङज्‍ये खिता फाप्‍कीते सिन परमेश्‍वर थे खोरोङगीराङ ख्‍योकोनला लाप्‍कीन बिन्‍दा ओत।

१ पत्रुस 3:8

था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।

१ पत्रुस 4:8

थेमे ज्‍येनतोक भन्‍दाङ दोक्‍पोईकी ज्‍येनज्‍यीकला आउदी खाला ङिङज्‍ये खि। दोक खासीनराङ ज्‍येनगी जति मेलेबा खासीनोङ थोक्‍ते मिला माफ तेरा थुप्‍क्‍यो।

१ यूहन्‍ना 2:7

ङिङज्‍येते फिजावे, प्रभु येशूकी खि सिन कोताते ङे टिगीन ओताते दि बात ख्‍योकोनगी गोमा माथोबाते बातनी मेन। दि बात ख्‍योकोनगी थेला विश्‍वास खिता छोमुमेईराङ थोबाते बात ईन। दि बातचेन ख्‍योकोनगी थोबा ओताते गा लाङच्‍येते बातराङ ईन।

१ यूहन्‍ना 3:11

ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो सिन ख्‍योकोनगी येशू ख्रीष्‍टला विश्‍वास खिता छोमुमेईराङ थोबाते बात ईन।

१ यूहन्‍ना 3:14

ङुरूङगी स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओत सिन ङुरूङला छ्या ओत। च्‍यिला सासीन ङुरूङ दाक्‍पोन आज्‍यो न्‍वाला ङिङज्‍ये खिओ। ज्‍येनला ङिङज्‍ये मिक्‍किकान्‍ते मिचेन स्‍यिला सजाय ङेत्‍सादुकी थोरूमोङ थारा मेङगो।

१ यूहन्‍ना 3:18

बात दोक ईन्‍देकी फिजावे, ङुरूङगी ज्‍येनला ङिङज्‍ये खिओ सिन खेकीकामा मेन, सत्‍यते परमेश्‍वरगी खि साबाच्‍योक खाला कामगीराङ खाला तेन्‍दा फाप्‍क्‍यो।

१ यूहन्‍ना 3:23

थेकी खि सिन कोतातेचेन थे खोरोङ फुज्‍युङ येशू ख्रीष्‍टला विश्‍वास खित्‍च्‍येते थेमे येशू ख्रीष्‍टकी खि साबाच्‍योक खाला दोक्‍पोईकी ज्‍येनज्‍यीकला ङिङज्‍ये खित्‍च्‍येतेराङ ईन।

१ यूहन्‍ना 4:11

ङिङज्‍येते फिजावे, थेकी थे खोरोङ फुज्‍युङ देमा ताङगीन ङुरूङला दोक खाईन ङिङज्‍ये खाबेकी ङुरूङगीङ दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो।