१ यूहन्‍ना 4:17 - जिरेल

¹⁷ थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाबा ओत्‍नामेई था मि गाङे न्‍याय खिते छोमु ङुरूङगी छ्याःङ ज्‍यीबा खिता माफाबो। च्‍यिला सासीन दि सा लुङबादु ओत्‍सीनोङ ङुरूङ येशू ख्रीष्‍ट च्‍योकराङ खाईन परमेश्‍वरताङ डिगीन देता ओत।

१ यूहन्‍ना 4:17 Iomraidhean Croise

मत्ती 10:15

ङा ख्‍योकोनला च्‍यि सिते सासीन थाङबो सदोमताङ गमोरा सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

मत्ती 10:25

जे ईन्‍सीनोङ गुरूतेला जस्‍तो ओङगीदुक चेलातेबालाङ थोकराङ ओङगो। थेमे मालिकतेला ओङा च्‍योकराङ योक्‍पोतेलाङ ओङगो। खाम्‍बे धनीलानी विरोध खिन बालजिबुल सिन शैतान मिन्‍तोक तासीन थे खाम्‍बे मिओनलानी झन चुकका साओङा।

मत्ती 11:22

थोगी ङा ख्‍योकोनला च्‍यि सिते सासीन परमेश्‍वरगी न्‍याय खिते छोमु ख्‍योकोनला छेत सजायनी थेकी टायरताङ सीदोन सारगी मिलाङ मेतेरो।

मत्ती 11:24

थोगी ङा ख्‍योकोनला च्‍यि सिते सासीन था न्‍याय खिते छोमु ख्‍योकोनला छेत सजायनी परमेश्‍वरगी सदोम सारगी मिलाङ मेतेरो,” सिन सिदुक।

मत्ती 12:36

दि बात ङेन। च्‍यि सासीन था तिरी परमेश्‍वरगी न्‍याय खिते छोमु मिओनगी दाक्‍पोनगी खाबाते सिरा मेङच्‍येते कामराङ लै मिक्‍किच्‍येते गाङे बातकी हर हिसाब परमेश्‍वरला तेरा फाप्‍क्‍यो।

यूहन्‍ना 15:20

‘सुइँदे काम खित्‍कान्‍ते मि मालिकते भन्‍दा छ्ये मेन,’ सिन ङे ख्‍योकोनला गोमाका साबाते बात ठेम्‍बा खि। च्‍यि सासीन ङाला च्‍योकराङ मिओनगी ख्‍योकोनलाङ खेदापानी खिओ। थेमे ङे साबाते ङेन्‍दा च्‍योकराङ मिओनगी ख्‍योकोनगी साबाते बादोङ ङेन्‍ग्‍यो।

यूहन्‍ना 17:22

आबा खोत्ताङ ङा दोक्‍पोईराङ ईन्‍दा च्‍योकराङ खाला दिबाङ सेमज्‍यीकराङ खाला डिक्‍ला देत्‍स्‍यीत सिन आबा खुई ङाला छ्येज्‍यीक मान बिन्‍दा च्‍योकराङ खाईन ङेङ दिबाला मान बिन्‍दा ओत।

रोमी 8:29

च्‍यि सासीन थेकी थेबाला थे खोरोङ फुज्‍युङ च्‍योकराङ लेमु ज्‍वाप सिन गोमामेई छाने खाबा ओतान। थे खोरोङ फुज्‍युङचेन छ्येते फुज्‍युङ च्‍योकराङ ओङला थेते न्‍वातेबा काल्‍बेई ओङस्‍यीत सिन परमेश्‍वरगी होथेबाला थोक खाईन छाने खाबा ओतान।

हिब्रू 9:27

मि गाङेराङ पालोई स्‍या फाप्‍क्‍यो थेमे स्‍यिनामेई ङीमाई मि गाङेते परमेश्‍वरगी न्‍याय खिओ।

याकूब 2:13

च्‍यिला सासीन ज्‍येनला ङिङज्‍ये मिक्‍किकान्‍ते मिला तिरी न्‍याय खिते छोमु परमेश्‍वरगी दया मिक्‍किओ। ज्‍येनला ङिङज्‍ये खित्‍कान्‍तेलाचेन न्‍याय खित्‍जीन परमेश्‍वरगी दया खिओ।

याकूब 2:22

थेकी थोक खाबेकी थे खोरोङगी परमेश्‍वरला विश्‍वास खिओ साबाते बात थेकी कामगीराङ खाईन तेन्‍दाते बात लेमु खाला छ्या स्‍येबा थुप्‍कीदुक।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।

१ यूहन्‍ना 2:28

थेमे था फिजावे, ख्‍योकोन येशू ख्रीष्‍टताङ डिक्‍लाराङ देत। थोक खाईन देत्‍सीन थे ग्‍युरला ओङे छोमु सजाय ङेत्‍कीता सिन छ्याःङ ज्‍यीबा थेमे ङोचा मिक्‍किता खाला ङुरूङ थे दोन्‍दु ड्वा थुप्‍क्‍यो।

१ यूहन्‍ना 2:5

सुइँदेकी परमेश्‍वरगी खि सिन कोताते खिदुक सासीन थे खोरोङगी ङिङज्‍ये खाईन खिता चालाते काम परमेश्‍वरगी थोक्‍ते मि जुनीदु पूरो खाला खिओ। ङुरूङगी दाक्‍पोन परमेश्‍वरताङ डिक्‍ला देत्‍कान्‍ते ईन सिन चुक खाला छ्या स्‍येकीते सासीन

१ यूहन्‍ना 2:6

परमेश्‍वरताङ डिक्‍ला देत्‍कान्‍ते ईन सिन सिरकान्‍ते मिकीचेन काम बात जे खित्‍जीनोङ येशूकी खाबा च्‍योकराङ खिता फाप्‍क्‍यो।

१ यूहन्‍ना 3:1

लो विचार खिते, आबा परमेश्‍वरगी ङुरूङला चुक आउदी ङिङज्‍ये खासुङा। थेकी थोक आउदी ङिङज्‍ये खाईन ङुरूङला थे खोरोङ फुज्‍युङ फुमु ईन सिओ। ईन्‍दाबोङ ङुरूङ थे फुज्‍युङ फुमुराङ ईन। दि सा लुङबे मिओनगी ङुरूङ चुक्‍ते मि ईन्‍दे सिन छ्याःङ छ्या मेस्‍येओ। च्‍यिला सासीन थेबेकी परमेश्‍वर सु ईन्‍दे सिन छ्या मास्‍येसुङ।

१ यूहन्‍ना 3:3

तिरी पक्‍काराङ दोक ओङगो सिन आश खाला देत्‍कान्‍ते मिकीचेन ख्रीष्‍टकी च्‍योकराङ मेलेबा काम सिराते छ्याःङ मिक्‍किता खाला देत्‍क्‍यो।

१ यूहन्‍ना 3:7

फिजावे, सुङगीङ ख्‍योकोनला छक्‍के खाला येशू ख्रीष्‍ट छ्य्‌वापेई ठाल मुज्‍युत्‍स्‍यीत। परमेश्‍वरगी खि साबाच्‍योक खित्‍कान्‍ते मिकीचेन येशू ख्रीष्‍टकी खाबा च्‍योकराङ खिओ। येशू ख्रीष्‍टचेन लेमुते कामताङ बातकामा खित्‍कान्‍ते ईन।

१ यूहन्‍ना 4:12

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। ईन्‍सीनोङ ङुरूङगी दोक्‍पोईकी ज्‍येनज्‍यीकला ङिङज्‍ये खासीन परमेश्‍वर ङुरूङताङ ङ्योम्‍बु देत्‍क्‍यो। थेमे थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाला खिओ।