१ यूहन्‍ना 4:12 - जिरेल

¹² परमेश्‍वर दोकस्‍यिकराङ दुक सिन सुङगीङ नोमुङ थोङा मेत। ईन्‍सीनोङ ङुरूङगी दोक्‍पोईकी ज्‍येनज्‍यीकला ङिङज्‍ये खासीन परमेश्‍वर ङुरूङताङ ङ्योम्‍बु देत्‍क्‍यो। थेमे थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाला खिओ।

१ यूहन्‍ना 4:12 Iomraidhean Croise

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

१ कोरिन्‍थी 13:13

ज्‍येनतोक गाङे ङीमा लेनज्‍यीक छ्याःङ काम लै मिक्‍किच्‍या गाल्‍सीनोङ परमेश्‍वरला विश्‍वास खित्‍च्‍येते, थेकी ङुरूङला तेरग्‍यो साबाते ङेत्‍क्‍यो सिन खित्‍च्‍येते आश थेमे ज्‍येनला ङिङज्‍ये खित्‍च्‍येते दि बात सुमचेन नोमुङ छ्याःङ काम लै मिक्‍किच्‍या मोन्‍डोओ। दि बात सुमगी नाङदुङ छ्येते बातचेन ज्‍येनला ङिङज्‍ये खित्‍च्‍येतेराङ ईन।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

हिब्रू 11:27

थे खोरोङला मिश्रे गेल्‍बो लाःक्‍तुकी जोए खिओ सिन परमेश्‍वरला विश्‍वास खाईन थे मिश्रे गेल्‍बोताङ छ्याःङ ज्‍यीबा मिक्‍किता खाईन मिश्रे लुङबादुई थेन्‍गीन ख्‍याम्‍सुङ। मि मिगी थोङा मुथुप्‍च्‍येते परमेश्‍वरला थेकी थे खोरोङ मिगी दोन्‍दुराङ थोङाच्‍योक खाईन थे लुङबादुई थेन्‍गीन ख्‍याम्‍सुङ।

१ यूहन्‍ना 2:5

सुइँदेकी परमेश्‍वरगी खि सिन कोताते खिदुक सासीन थे खोरोङगी ङिङज्‍ये खाईन खिता चालाते काम परमेश्‍वरगी थोक्‍ते मि जुनीदु पूरो खाला खिओ। ङुरूङगी दाक्‍पोन परमेश्‍वरताङ डिक्‍ला देत्‍कान्‍ते ईन सिन चुक खाला छ्या स्‍येकीते सासीन

१ यूहन्‍ना 3:24

परमेश्‍वरगी खि सिन कोताते खित्‍कान्‍ते मिओनचेन थेत्ताङ डिक्‍ला देत्‍क्‍यो। थोक्‍ते मिओनताङ परमेश्‍वर ङ्योम्‍बुराङ देत्‍क्‍यो। परमेश्‍वर ङुरूङताङ ङ्योम्‍बु देत्‍क्‍यो सिन ङुरूङगी चुक खाला छ्या स्‍येकीते? दि बातचेन ङुरूङगी थेकी ङुरूङला बिन्‍दाते थे खोरोङ आत्‍मे छ्य्‌वापेई छ्या स्‍येक्‍यो।

१ यूहन्‍ना 4:16

होदि बातकी छ्य्‌वापेकीराङ परमेश्‍वरगी ङुरूङला थोई ङिङज्‍ये खित्‍च्‍या ईन्‍दाका सिन ङुरूङगी लेमु खाला छ्या स्‍येक्‍यो। परमेश्‍वरचेन ङिङज्‍ये खित्‍कान्‍ते ईन। ज्‍येनला ङिङज्‍ये खित्‍कान्‍ते मिचेन परमेश्‍वरताङ डिक्‍ला देत्‍क्‍यो थेमे थोक्‍ते मित्ताङ परमेश्‍वर ङ्योम्‍बु देत्‍क्‍यो।

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

१ यूहन्‍ना 4:6

थेबा थोक्‍ते मि ईन्‍सीनोङ ङुरूङचेन परमेश्‍वर मि ईन। परमेश्‍वरला छ्या स्‍येकान्‍ते मिओनगी ङुरूङ बात ङेन्‍ग्‍यो, थे मि मेन्‍दातेबेकी ङुरूङ बात मेङेनो। होदि बात तालाराङ सु सु सत्‍यते बात खित्‍कान्‍ते ईन्‍दाका थेमे सु सु मेन्‍दे बात खित्‍कान्‍ते ईन्‍दाका सिन लेमु खाला डेला थुप्‍क्‍यो।