१ यूहन्‍ना 4:1 - जिरेल

¹ ङिङज्‍येते फिजावे, सुइँदेकी ङाला दि बात परमेश्‍वर आत्‍मेकी सिर च्‍युताते ईन सिन सिरजीनमेईराङ थोक्‍ते मि गाङे बात पत्ते माकेत। बरू थेबेकी साबाते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन लेमु खाला छ्या स्‍येबा खि। च्‍यिला सासीन परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन सा लुङबा खाङ ठाम्‍गीन सिन्‍दा ओत।

१ यूहन्‍ना 4:1 Iomraidhean Croise

मर्कूस 13:21

थोक ओङे बेलाला ख्‍योकोनला सुइँदेकी ख्रीष्‍टनी वादुक, थे दुरू दुक, थेरू दुक सिन सासीन थोक्‍ते बातला नामज्‍योक मासेत।

लूका 12:57

ख्‍योकोननी खेराङगी च्‍यि खिता फाप्‍च्‍या ईन्‍दाका सिन छ्या स्‍येलाङ छ्या मास्‍येबा च्‍योकराङ खाला देत्‍कीदुक।

लूका 21:8

थोक सिरजीन येशूकी “च्‍याङबो खाला देत। सुङगीङ ख्‍योकोनला छक्‍के खाला ङे छ्य्‌वापेई मेडेल्‍स्‍यीत। परमेश्‍वरगी मिओनला जोए खिताला तोङगो साबाते मि ङाराङ ईन। था दि जुग सिन्‍दे बेला लेप्‍सुङ सिन सिरकान्‍ते मि था काल्‍बेई ओङगो। थेबे बात ङेन्‍ला ख्‍योकोन थेबे तिङ माङ्योक।

शक्ति काम 17:11

थेरू यहूदीओनगीचेन थिस्‍सलोनिकादु ओतातेबेकी च्‍योक मेलेबा मिक्‍किता खाईन पावलगी लापाते येशू बात लेमु खाईन ङेन्‍सुङ। थेमे थेकी लापाते बात परमेश्‍वर बातला टिबाते बातताङ डिइकाना मिडिक्‍का सिन थेबेकी ङीमे ठाङमा परमेश्‍वर बात आउदी खाईन पढे खाईन तासुङ।

शक्ति काम 20:29

च्‍यिला सासीन था ङा दुरूकी गाल्‍नामेकी लुई बगाल नाङ फारा वाला लुक सेत्‍च्‍येते थेमे छरपुट्ट ज्‍वापच्‍योक खाला कोई कोई मि वाला ख्‍योकोन गाङेला आउदी खाला दुक्‍पा बिन्‍ला येशू छ्य्‌वापेई डेला छोल्‍ग्‍यो।

१ कोरिन्‍थी 12:10

लोक्‍ला कोईला अचम्‍ब अचम्‍बतेन्‍दे काम खित्‍च्‍येते शक्ति बिन्‍दा ओङगो सासीन कोईला परमेश्‍वरगी सिर च्‍युताते बात खित्‍च्‍येते शक्ति बिन्‍दा ओङगो। थोकराङ खाला कोईला सुइँदेकी खाबाते बात परमेश्‍वर आत्‍मेकी सिर च्‍युताते ईन्‍दाना मेन्‍दे सिन डेल्‍च्‍येते शक्ति बिन्‍दा ओङगो। थेमे कोईला खोपरोङगी छ्या मास्‍येबाते खुदुक खुदुकते भाषाला बात खित्‍च्‍येते शक्ति बिन्‍दा ओङगो सासीन ज्‍येनज्‍यीकलाचेन होथोक्‍ते भाषाला बात खित्‍कान्‍ते मिकी खाबाते बातकी अर्थ खोले खित्‍च्‍येते शक्ति बिन्‍दा ओङगो।

१ कोरिन्‍थी 14:29

थोकराङ खाला परमेश्‍वरगी सिर च्‍युताते बात खित्‍कान्‍तेबेकीङ पालो पालो खालाकामा मेरा ङि सुमगी थे बात खित्‍च्‍येते खि। थेमे ज्‍येनबरीकीचेन थेबेकी च्‍यि सिका सिन लेमु खाला ङेन्‍ला थे बात ठीक ईन्‍दाताङ मेन्‍दा डेल्‍च्‍येते खि।

१ थिस्‍सलोनिकी 5:20

सुइँदेकी परमेश्‍वरगी सिर च्‍युताते बात खित्‍जीन थे छ्याःङ काम लै मिक्‍किओ सिराच्‍योक माकेत।

१ थिस्‍सलोनिकी 5:21

खाङ कामताङ बात लेमु ईन्‍दे, खाङ मेलेबा ईन्‍दे सिन लेमु खाला छ्या स्‍येबा खि। जुन कामताङ बात खिता लेमु दुक थे खि,

२ थिस्‍सलोनिकी 2:2

सुइँदेकी प्रभु येशू ग्‍युरला ओङच्‍येते दिन नाम वाओङा सिन गुला देता माफाबो, थे लेप्‍कीन सिन्‍सुङ सिरजीनमेईराङ थेबे बात ङेन्‍ला दि बात पक्‍काराङ ईन्‍ताकाना च्‍यिन्‍ताका सिन ज्‍यीबेकी आते खाला अलमल्‍ल परे माकेत। थोक सिरकान्‍ते मिओनगी दि बातनी पावलबेकी परमेश्‍वर आत्‍मे छ्य्‌वापेई साबाते ईन सासीनोङ, पावलबा खोपरोङगीराङ साबाते ईन सासीनोङ कि पावलबेकी चिट्ठीला टिबाते बात ईन सासीनोङ थोक्‍ते बात ङेनराङ माङेन।

१ तिमोथी 4:1

थेमे था तिरी कोई कोई मिकी मिला छक्‍के खिताला ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात ङेन्‍ला खोपरोङगी येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा तोङगो। दोक खिओ सिन परमेश्‍वर आत्‍मेकी लेमु खाईन साबा ओत।

२ तिमोथी 3:13

थेमे मेलेबा काम खित्‍कानताङ ज्‍येनला छक्‍के खित्‍कान्‍ते मिओनचेन होथोक्‍ते कामकामा खिन देत्‍ला झन झन ङ्येकीन डुइओ। थोक खित्‍जीन थेबेकी ज्‍येनलाङ ङ्ये ज्‍युत्‍क्‍यो, खोपरोङोङ ङ्येक्‍यो।

२ पत्रुस 2:1

गोमा इस्राएलीओन नाङ परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन ओता च्‍योकराङ ख्‍योकोन नाङचेन परमेश्‍वर बात लोप्‍कान्‍ते मि ईन सिन मेन्‍दे बात लोप्‍कान्‍ते मिओन ओङगो। थेबेकी ख्‍योकोनला ङ्ये ज्‍युताला परमेश्‍वर बातताङ डिकराङ मिडिक्‍च्‍येते बात लोप्‍क्‍यो। थेबेकीनी खोपरोङ पापकी मोल च्‍याल्‍ला खोपरोङला पापदुकी डेल्‍कान्‍ते छ्येज्‍यीक शक्ति ओताते प्रभु येशूला मानेराङ मिक्‍किओ। दोक दोक खानामेई थेबे गोःनामा परमेश्‍वर सजाय फाप्‍क्‍यो।

१ यूहन्‍ना 2:18

फिजावे, दि जुग सिन्‍दे बेला लेप्‍सुङ। दि जुग सिन्‍दे खाला ख्रीष्‍टला विरोध खित्‍कान्‍ते मि ओङगो सिन ख्‍योकोनगी थोबाराङ ओत। थरिङोला थोक्‍ते मि काल्‍बेई थेन्‍गीन सिन्‍दा ओत। थोगी ङुरूङगी दि जुग सिन्‍दे बेला लेपाक्‍वा सिन लेमु खाला छ्या स्‍येक्‍यो।

१ यूहन्‍ना 2:7

ङिङज्‍येते फिजावे, प्रभु येशूकी खि सिन कोताते ङे टिगीन ओताते दि बात ख्‍योकोनगी गोमा माथोबाते बातनी मेन। दि बात ख्‍योकोनगी थेला विश्‍वास खिता छोमुमेईराङ थोबाते बात ईन। दि बातचेन ख्‍योकोनगी थोबा ओताते गा लाङच्‍येते बातराङ ईन।

२ यूहन्‍ना 1:7

थेमे सत्‍यते बातताङ मिडिक्‍च्‍येते बात लाप्‍ला ज्‍येनला छक्‍के खित्‍कान्‍ते मिओन दि सा लुङबा खाङ ठाम्‍गीन सिन्‍दा ओत। थेबेकी येशू ख्रीष्‍ट दुरू मि जुनी लाकीन वाबाते मेन सिन सिओ। होथोक्‍ते मिचेन ज्‍येनला छक्‍के खित्‍कान्‍ते थेमे ख्रीष्‍टला विरोध खित्‍कान्‍ते मि ईन।

३ यूहन्‍ना 1:11

ङिङज्‍येते र्‍वा खुईचेन ज्‍येनगी मेलेबा बानी मालोप, लेमुते बानीकामा लोप। लेमुते कामताङ बात खित्‍कान्‍ते मिचेन परमेश्‍वरताङ डिक्‍कान्‍ते ईन। मेलेबा काम खित्‍कान्‍ते मिकीनी परमेश्‍वरला थोङाराङ मेत।

छ्या स्‍ये च्‍युताते बात 2:2

च्‍यि सासीन ख्‍योकोनगी खिन ओताते गाङे काम ङाला छ्या ओत। ख्‍योकोनगी स्‍याप स्‍याप खाईन काम खाबाते थेमे दुक्‍पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्‍कान्‍ते मिओनला ख्‍योकोनगी मन परे माक्‍याबातेङ ङाला छ्या ओत। खोपरोङ येशू ख्रीष्‍टकी खटे खाबाते मि ईन सिन सिरकान्‍तेबाला ख्‍योकोनगी थेबा पक्‍काराङ थोक्‍ते मि ईन्‍दाकाना मेन्‍दाका सिन विचार खाईन ताकीन थेबा थोक्‍ते मि मेन सिन छ्या स्‍येला दुक। थेबानी खोपरोङगी ईन साबा च्‍योक्‍ते मि ईनराङ मेन।