१ यूहन्‍ना 3:7 - जिरेल

⁷ फिजावे, सुङगीङ ख्‍योकोनला छक्‍के खाला येशू ख्रीष्‍ट छ्य्‌वापेई ठाल मुज्‍युत्‍स्‍यीत। परमेश्‍वरगी खि साबाच्‍योक खित्‍कान्‍ते मिकीचेन येशू ख्रीष्‍टकी खाबा च्‍योकराङ खिओ। येशू ख्रीष्‍टचेन लेमुते कामताङ बातकामा खित्‍कान्‍ते ईन।

१ यूहन्‍ना 3:7 Iomraidhean Croise

मत्ती 5:20

बात दोक ईन्‍देकी ङा च्‍यि सिते सासीन धर्मे गुरूओनताङ फरिसी पाटी मिकी खिताच्‍योक खाला मेन्‍देकी लेमु खाईन परमेश्‍वर नियम ङेन्‍सीनकामा ख्‍योकोन स्‍वर्गे राज्‍यने स्‍यूक्‍पा ङेत्‍क्‍यो।

लूका 1:75

थोक खानामेई ङुरूङगी जुनी खाङराङ थेकी खि साबा साबा ङेन्‍ला थेला मन परे खित्‍च्‍येते काम खिन देता थुप्‍क्‍यो सिन अब्राहामताङ बात खाबा ओतान।

शक्ति काम 10:35

थेमे जातला छ्ये टेक्‍टे जे ईन्‍सीनोङ थेला माने खित्‍कानताङ थेकी खि साबा साबाच्‍योक खित्‍कान गाङेला परमेश्‍वरगी मन परे खिओ सिन ङे लेमु खाईन छ्या स्‍येसुङ।

रोमी 2:13

च्‍यिला सासीन परमेश्‍वर नियम छ्या ओत्‍जीनमेईराङ सुङलाङ परमेश्‍वरगी दोषी मेन मिसिरो। जसकी परमेश्‍वर नियमला साबा च्‍योकराङ खाईन काम खाला दुक होथोक्‍ते मिओनलाराङ थेकी दोषी मेन सिओ।

१ कोरिन्‍थी 6:9

ज्‍येनला अन्‍याय खित्‍कानताङ मेलेबा काम खित्‍कान्‍ते मि सुङ परमेश्‍वर राज्‍यने स्‍यूक्‍पा मेङेदो सिन च्‍यि ख्‍योकोनला छ्या मेत? ख्‍योकोन सुङगीङ दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम माकेत। चुक सासीन रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, ल्‍हा लु माने खित्‍कान्‍तेबा, मि ख्‍यावा फेम्‍मेताङ ङ्याल्‍कान्‍तेबा, ख्‍योओ मिकी फेम्‍मे मि च्‍योक खाला ख्‍योओ मि ज्‍याक्‍ला खिता मेङच्‍येते काम खित्‍कान्‍तेबा,

एफिसी 5:6

सुइँदेकी होदोक्‍ते कामताङ बात खिता छ्याःङ मेलेबा मेन सासीनोङ ख्‍योकोनगी थेबे बात ङेनराङ माङेन। परमेश्‍वरगी खि साबाते माङेन्‍ला होदोक दोक्‍ते काम खित्‍कान्‍ते मिओनला था थेकी स्‍येदाङगी चूर गाल्‍ला सजाय तेरग्‍यो।

एफिसी 5:9

चुक सासीन नाम्‍दाकला देत्‍कान्‍ते मिकीचेन लेमुते कामताङ बात खिओ, परमेश्‍वरगी खि साबा साबाच्‍योक खिओ थेमे साँचोते बातकामा खिओ।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

हिब्रू 1:8

परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बातचेन परमेश्‍वर बातला “परमेश्‍वर, खो सधैँभरि राज्‍य खिनराङ देत्‍क्‍यो। खुई सुङलाङ थिचोमिचो मिक्‍किता खाला लेमु खाला राज्‍य खिओ।

हिब्रू 7:2

थेमे अब्राहामगीचेन थे खोरोङगी लडाइँला ग्‍याल्‍गीन ठ्वाकीन खुलाबाते जेसुकैते बो च्‍युताम्‍बे नाङ बोज्‍यीक टाल्‍गीन थेला बिन्‍दा ओतान। मल्‍कीसेदेक साबाते काका पाका मिक्‍किता खाला राज्‍य खित्‍कान्‍ते गेल्‍बो साबाते ईन। थेकी राज्‍य खाबाते शालेम सारगी अर्थचेन आनन्‍दे सार साबाते ईन। थोक ईन्‍देकी मल्‍कीसेदेकचेन आनन्‍दे सारगी गेल्‍बोङ ओतान।

याकूब 1:22

परमेश्‍वर बात ङेन्‍ला थेरू साबा च्‍योकराङ खि। थोक मिक्‍किकान्‍ते मिकीचेन दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबातेकामा ईन।

याकूब 2:19

परमेश्‍वर दोक्‍पोईकामा ओत सिन खुई साबाते बात पक्‍काराङ ईन। परमेश्‍वर दोक्‍पोईकामा ओत सिरच्‍येते बातनी ल्‍हन्‍डीक स्‍यिन्‍डीपकीङ ईन सिन सिओ। थेमे परमेश्‍वर ज्‍यीबेकी थेबाङ थुरथुर दारग्‍यो।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।

१ यूहन्‍ना 2:26

ख्‍योकोनला छक्‍के खाला येशू ख्रीष्‍ट छ्य्‌वापेई डेला छोल्‍कान्‍ते मिओन चुक्‍ते ईन्‍दे सिराला ङे दि बाततेबा टिबाते ईन।

१ यूहन्‍ना 2:29

थेकी मेलेबा कामताङ बात सिराते नोमुङ छ्याःङ खाबा मेत सिन ख्‍योकोनला छ्याराङ ओत। थोगी लेमुते कामताङ बात खित्‍कान्‍ते मिचेन गाङे परमेश्‍वर फुज्‍युङ फुमु ओङाते मि ईन सिनोङ ख्‍योकोनला छ्याराङ ओत।

१ यूहन्‍ना 3:18

बात दोक ईन्‍देकी फिजावे, ङुरूङगी ज्‍येनला ङिङज्‍ये खिओ सिन खेकीकामा मेन, सत्‍यते परमेश्‍वरगी खि साबाच्‍योक खाला कामगीराङ खाला तेन्‍दा फाप्‍क्‍यो।

१ यूहन्‍ना 3:3

तिरी पक्‍काराङ दोक ओङगो सिन आश खाला देत्‍कान्‍ते मिकीचेन ख्रीष्‍टकी च्‍योकराङ मेलेबा काम सिराते छ्याःङ मिक्‍किता खाला देत्‍क्‍यो।

१ यूहन्‍ना 4:17

थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाबा ओत्‍नामेई था मि गाङे न्‍याय खिते छोमु ङुरूङगी छ्याःङ ज्‍यीबा खिता माफाबो। च्‍यिला सासीन दि सा लुङबादु ओत्‍सीनोङ ङुरूङ येशू ख्रीष्‍ट च्‍योकराङ खाईन परमेश्‍वरताङ डिगीन देता ओत।