१ यूहन्‍ना 3:3 - जिरेल

³ तिरी पक्‍काराङ दोक ओङगो सिन आश खाला देत्‍कान्‍ते मिकीचेन ख्रीष्‍टकी च्‍योकराङ मेलेबा काम सिराते छ्याःङ मिक्‍किता खाला देत्‍क्‍यो।

१ यूहन्‍ना 3:3 Iomraidhean Croise

मत्ती 5:48

बात दोक दोक ईन्‍देकी स्‍वर्गने देत्‍कान्‍ते ख्‍योकोन आबा परमेश्‍वरगी जे कुरोङ लेमुकामा खाबाच्‍योक खाला ख्‍योकोनगीङ लेमुकामा खि।

लूका 6:36

थोगी आबा परमेश्‍वरगी मिओनला ङिङज्‍ये खाबा च्‍योकराङ खाला ख्‍योकोनगीङ ज्‍येनला ङिङज्‍ये खि।

यूहन्‍ना 17:19

दिबेकीङ पूरो खाला ङे खाबाच्‍योक खिता थुप्‍स्‍यीत सिनराङ ङा खोल्‍ला मन परे खित्‍च्‍येते कामताङ बातकामा खिओ।

शक्ति काम 15:9

थेबेकी येशूला विश्‍वास खाबेकी खित्‍सादु परमेश्‍वरगी थेबे पाप गाङे माफ बिन्‍गीन थेबे सेम लेमु जोसुङ। थोक खाईन थेकी ङुरूङ यहूदीताङ थेबाला दोक्‍पोईराङ सम्‍झे खाबा ओत।

रोमी 15:12

थेमे यशैयेकीङ “था तिरी यिशै सन्‍तान नाङ मिज्‍यीक केइओ। थेकीचेन ज्‍येन ज्‍येन जातकी मि गाङेला राज्‍य खिओ। थेमे थेबा गाङेकी खोपरोङला लेमु खित्‍कान्‍ते थेकामा ईन सिन थेलाराङ भर परे खिओ,” सिन साबा ओतान।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

कलस्‍सी 1:5

परमेश्‍वरगी था तिरी खेराङला स्‍वर्गने तेरग्‍यो सिन साबातेबा ङेत्‍क्‍यो सिन खेराङगी आश खाईन देताते पक्‍काराङ ङेत्‍क्‍यो सिन छ्या स्‍येबेकीराङ ख्‍योकोनगी थोक लेमु खिन ओताते ईन। परमेश्‍वरगी खेराङला तेरग्‍यो साबाते ङेत्‍क्‍यो सिनचेन ख्‍योकोनगी सत्‍यते बात थोनामेई छ्या स्‍येबा ओत। सत्‍यते बातचेन गा लाङच्‍येते बात ईन।

२ थिस्‍सलोनिकी 2:16

ङुरूङ आबा परमेश्‍वरगी ङुरूङला ङिङज्‍ये खाईन थे खोरोङ दयेकी जहिलेङ आँट तेरगीन देत्‍ला तिरी तेरग्‍यो सिन साबातेबा गाङे पक्‍काराङ ङेत्‍क्‍यो सिन आश खाला देत ज्‍युत्‍क्‍यो। दोक खित्‍कान्‍ते परमेश्‍वरताङ ङुरूङ प्रभु येशू ख्रीष्‍ट थे खोरोङगीराङ ख्‍योकोनला आँट बिन्‍ला ख्‍योकोनगी खिन ओताते लेमुते कामताङ बात गाङे खिनराङ देत ज्‍युत्‍स्‍यीत सिन ङ्योकोन प्रार्थना खिओ।

तीतस 3:7

दोक खाईन थेकी ङुरूङला दया खाईन दोषी मेन सिन साबा ओतेकी ङुरूङगी आश खाईन गुकीन देताते थेकी तेरग्‍यो साबाते नोमुङ मिसिन्‍च्‍येते जुनी ङेत्‍च्‍या ओङा ओत।

हिब्रू 12:14

थुपासम्‍म ख्‍योकोन ज्‍येन गाङेताङ डिक्‍ला थुन्‍ला देत। सेम खुदुक गालाते मिओनगी खिता फापा च्‍योकराङ परमेश्‍वरला मन परे खित्‍च्‍येते कामताङ बातकामा खि। दोक मिक्‍किकान्‍ते सुङगीङ प्रभु परमेश्‍वरला थोङा मेङेदो।

हिब्रू 6:18

परमेश्‍वरगी पालोई खाबाते बात बान्‍दा फरक परे मिक्‍किओ सिन छ्या स्‍येबाला बात ङि ओत। बातज्‍यीकचेन परमेश्‍वरगी मिओनला ङा दोक दोक खिओ सिन जमान खाबा ओतान। थेमे ज्‍येनतेचेन खाबाते जमान पक्‍काराङ पूरो खिओ सिन ना क्‍याला ओतान। दि बात ङि नोमुङ खुदुक ड्वा मुथुबो। परमेश्‍वरगी नोमुङ ढाँर मिक्‍किओ। दोक ईन्‍देकी थेकी खिओ साबाच्‍योक पक्‍काराङ खिओ सिन दाक्‍पोनगी आश खाईन देताते बातला ङुरूङ छ्याःङ शंका मिक्‍किता खाला देता थुप्‍क्‍यो।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

याकूब 4:8

ख्‍योकोन परमेश्‍वर दोन्‍दु ग्‍युक। थेमे थे ख्‍योकोन दोन्‍दु ओङगो। ख्‍योकोन पापीओनगी था पाप खिता थोङ। परमेश्‍वरगी खि साबातेङ ङेन्‍दा छोल्‍च्‍या, दाक्‍पोन खुशीङ खिता छोल्‍कान्‍ते सेम ङि ओताते मिओनगीङ था थोक्‍ते बानी थोङ।

१ पत्रुस 1:15

बरू सेमला पाप सिराते छ्याःङ मोज्‍योबा खाला काम बात जे खासीनोङ खेराङला थे खोरोङ दोन्‍दु स्‍योक सिन कातोङकान्‍ते परमेश्‍वरगी खाबा च्‍योकराङ खि। थे सेमला पाप सिराते छ्याःङ मेत।

१ पत्रुस 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। थेकी ङुरूङला आउदी ङिङज्‍ये खाईन लोक्‍ला केर ज्‍युताच्‍योक खाईन साम्‍बाते जुनी बिन्‍सुङ। थेकी येशू ख्रीष्‍टला स्‍यिसादुकी सोम्‍बो लोक्‍पा ओतेकी थेकी खिओ साबाच्‍योक पक्‍काराङ खिओ सिन ङुरूङ आश खाईन गुकीन देताते बात नोमुङ फरक परे मिक्‍किओ।

२ पत्रुस 1:4

थेकी जमान खाईन तेरग्‍यो साबाते आशी ङेत्‍नामेई ङुरूङगी खोपरोङ सेम मेलेबा ओतेकी दि सा लुङबे मिओनगी च्‍योक दाक्‍पोन सेमला लाबा लाबा मिक्‍किता खाला थेकी खिता च्‍योकराङ लेमु खिता थुप्‍क्‍यो।

२ पत्रुस 3:14

थोगी ङिङज्‍येते आज्‍यो न्‍वावे, था तिरी दोक दोक ओङगो सिन खेराङ गुकीन देता ओतेकी ख्‍योकोन छ्याःङ गल्‍ती मेताते, सुङगीङ दिबेकी दोक दोक गल्‍ती खाबा ओत सिरा मुथुप्‍च्‍या थेमे परमेश्‍वरताङ डिक्‍ला देत्‍कान्‍ते मि ओङा थुप्‍स्‍यीत सिन ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि।

१ यूहन्‍ना 2:6

परमेश्‍वरताङ डिक्‍ला देत्‍कान्‍ते ईन सिन सिरकान्‍ते मिकीचेन काम बात जे खित्‍जीनोङ येशूकी खाबा च्‍योकराङ खिता फाप्‍क्‍यो।

१ यूहन्‍ना 4:17

थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाबा ओत्‍नामेई था मि गाङे न्‍याय खिते छोमु ङुरूङगी छ्याःङ ज्‍यीबा खिता माफाबो। च्‍यिला सासीन दि सा लुङबादु ओत्‍सीनोङ ङुरूङ येशू ख्रीष्‍ट च्‍योकराङ खाईन परमेश्‍वरताङ डिगीन देता ओत।