१ यूहन्‍ना 3:24 - जिरेल

²⁴ परमेश्‍वरगी खि सिन कोताते खित्‍कान्‍ते मिओनचेन थेत्ताङ डिक्‍ला देत्‍क्‍यो। थोक्‍ते मिओनताङ परमेश्‍वर ङ्योम्‍बुराङ देत्‍क्‍यो। परमेश्‍वर ङुरूङताङ ङ्योम्‍बु देत्‍क्‍यो सिन ङुरूङगी चुक खाला छ्या स्‍येकीते? दि बातचेन ङुरूङगी थेकी ङुरूङला बिन्‍दाते थे खोरोङ आत्‍मे छ्य्‌वापेई छ्या स्‍येक्‍यो।

१ यूहन्‍ना 3:24 Iomraidhean Croise

यूहन्‍ना 10:38

तर ङेङ आबेकी खित्‍च्‍येते च्‍योक्‍ते काम खित्‍जीनोङ ङा थेराङ दुका सिन ख्‍योकोन पत्ते मिक्‍किओ सासीन ङे खाबाते कामतेबा ताला आबाताङ ङा दोक्‍पोईराङ दुका सिन छ्या स्‍येबा खि,” सिन सिदुक।

यूहन्‍ना 14:17

थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो। दि सा लुङबे मिओनगी दिङ सु ईन्‍देरो सिराच्‍योक खाला थेला छ्याःङ वास्‍ता मिक्‍किओ। च्‍यिला सासीन थेबेकी थे सु ईन्‍दे सिन छ्याङ मेस्‍येओ, थेला थोङाङ मुथुबो। तर ख्‍योकोनगीचेन थेला छ्या स्‍येक्‍यो। थे ख्‍योकोनताङ नोमुङ माठाला खाला ख्‍योकोन सेमगी नाङराङ देत्‍क्‍यो।

यूहन्‍ना 17:21

थेबे लाईदु ङा च्‍यिला प्रार्थना खिते सासीन दिबा गाङे सेमज्‍यीकराङ खाला डिक्‍ला देत्‍स्‍यीत। थेमे आबा खोत्ताङ ङा दोक्‍पोईराङ ईन्‍देकी दिबाबरीङ ङुरूङताङ जीउज्‍यीकराङ ओङस्‍यीत। थोक ओङनामेकी ङाला आबा खुईराङ ताङाते दुका सिन दि सा लुङबे मिओनगी पत्ते खिओ।

१ कोरिन्‍थी 3:16

ख्‍योकोन खेराङराङ परमेश्‍वर मन्‍दिर ईन थेमे परमेश्‍वर आत्‍मा ख्‍योकोन नाङ देत्‍क्‍यो सिन च्‍यि ख्‍योकोनला छ्या मेत?

१ कोरिन्‍थी 6:19

परमेश्‍वरगी ख्‍योकोनला बिन्‍दाते परमेश्‍वर आत्‍मा ख्‍योकोन नाङ देत्‍क्‍यो। थोगी ख्‍योकोन जीउ परमेश्‍वर आत्‍मे मन्‍दिर ईन सिन च्‍यि ख्‍योकोनला छ्या मेत? थोक ईन्‍देकी ख्‍योकोनगी खेराङ खुशी खिता मेङेदो। परमेश्‍वर ख्‍योकोन मालिक ईन।

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।

२ तिमोथी 1:14

थेमे लोप सिन खोल्‍ला जिम्‍मा बिन्‍दा ओताते बात खुदुक जोला मालोप। ङुरूङ सेमगी नाङ देत्‍कान्‍ते परमेश्‍वर आत्‍मे छ्य्‌वापेई खुई दि काम खिता थुप्‍क्‍यो।

१ यूहन्‍ना 2:24

थोक ईन्‍देकी खेराङगी येशूला विश्‍वास खिता छोमुमेई थोबाते बात ङेन्‍गीन देता मातोङ। थेरू खि साबाच्‍योक खिनराङ देत्‍सीन ख्‍योकोनचेन परमेश्‍वर फुज्‍युङ थेमे आबा परमेश्‍वरताङ डिक्‍ला देता ङेत्‍क्‍यो।

१ यूहन्‍ना 2:3

थेमे परमेश्‍वरगी खि सिन कोताते खानामेकी ङुरूङगी परमेश्‍वर सु ईन्‍दे, च्‍यि खिते सिन लेमु खाला छ्या स्‍येक्‍यो।

१ यूहन्‍ना 2:5

सुइँदेकी परमेश्‍वरगी खि सिन कोताते खिदुक सासीन थे खोरोङगी ङिङज्‍ये खाईन खिता चालाते काम परमेश्‍वरगी थोक्‍ते मि जुनीदु पूरो खाला खिओ। ङुरूङगी दाक्‍पोन परमेश्‍वरताङ डिक्‍ला देत्‍कान्‍ते ईन सिन चुक खाला छ्या स्‍येकीते सासीन

१ यूहन्‍ना 2:6

परमेश्‍वरताङ डिक्‍ला देत्‍कान्‍ते ईन सिन सिरकान्‍ते मिकीचेन काम बात जे खित्‍जीनोङ येशूकी खाबा च्‍योकराङ खिता फाप्‍क्‍यो।

१ यूहन्‍ना 3:22

थेमे ङुरूङगी जे नाङ सासीनोङ परमेश्‍वरगी दाक तेरग्‍यो। च्‍यिला सासीन ङुरूङ थेकी खि सिन कोताते ङेन्‍ग्‍यो थेमे थेला मन परे खित्‍च्‍येते काम खिओ।

१ यूहन्‍ना 4:7

ङिङज्‍येते फिजावे, ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो। च्‍यिला सासीन ज्‍येनला ङिङज्‍ये खित्‍च्‍येते परमेश्‍वरगी खित ज्‍युत्‍च्‍येते ईन। ज्‍येनला ङिङज्‍ये खित्‍कान्‍ते मिचेन परमेश्‍वर फुज्‍युङ फुमु ओङाते मि ईन। थोक्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओङगो।