१ यूहन्‍ना 3:23 - जिरेल

²³ थेकी खि सिन कोतातेचेन थे खोरोङ फुज्‍युङ येशू ख्रीष्‍टला विश्‍वास खित्‍च्‍येते थेमे येशू ख्रीष्‍टकी खि साबाच्‍योक खाला दोक्‍पोईकी ज्‍येनज्‍यीकला ङिङज्‍ये खित्‍च्‍येतेराङ ईन।

१ यूहन्‍ना 3:23 Iomraidhean Croise

मत्ती 22:39

दि छेतराङ ङेन्‍दा फाप्‍च्‍येते ज्‍येनते नियमलाचेन ‘दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन साबा ओत।

मर्कूस 9:7

पत्रुसकी बात खिन खिनलाराङ मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दिकी साबाते बात ङेन,” सिन सिरा थेबेकी थोसुङ।

यूहन्‍ना 1:12

दोक ईन्‍सीनोङ थे वादुक सिन मान खिन थेला विश्‍वास खित्‍कान्‍ते मिओनलाचेन थेकी परमेश्‍वर फुज्‍युङ फुमु ओङच्‍येते अधिकार बिन्‍सुङ।

यूहन्‍ना 13:34

था ङा ख्‍योकोनला दोक खि सिन कोत्‍क्‍यो। च्‍यि सासीन ख्‍योकोन खेराङ नाङ ङिङज्‍ये खितरीङ खि। ङे ख्‍योकोनला ङिङज्‍ये खाबा च्‍योकराङ खाला ख्‍योकोनबरीकीङ खेराङ नाङ ङिङज्‍ये खि।

यूहन्‍ना 14:1

थेमे येशूकी चेलातेबा गाङेला “ख्‍योकोन पीर माकेत, ज्‍यीबाङ माकेत। परमेश्‍वरला विश्‍वास खिता मातोङ। ङालाङ विश्‍वास खिन देत।

यूहन्‍ना 15:12

ङा ख्‍योकोनला दोक खि सिन कोत्‍क्‍यो। च्‍यि सासीन ङे ख्‍योकोनला खाबा च्‍योकराङ खाला ख्‍योकोनगीङ खेराङ नाङ दोक्‍पोईकी ज्‍येनज्‍यीकला ङिङज्‍ये खि।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

यूहन्‍ना 2:23

निस्‍तार चाडगी बेलाला यरूशलेमदु ओत्‍जीन येशूकी अचम्‍बतेन्‍दे काम खाबा थोङगीन परमेश्‍वरगी थेला शक्ति बिन्‍दा ओताक्‍वा सिन मि काल्‍बेईकी थेला विश्‍वास खासुङ।

यूहन्‍ना 3:18

थोगी परमेश्‍वर फुज्‍युङगी पापकी सजायदुकी डेल्‍ग्‍यो सिन थेला विश्‍वास खित्‍कान्‍ते मिला परमेश्‍वरगी सजाय मेतेरो। थेला विश्‍वास मिक्‍किकानगीचेन गाङेकी परमेश्‍वर सजाय ङेत्‍च्‍या ओङा ओत। परमेश्‍वरते दोक्‍पोईकामा ओताते फुज्‍युङला विश्‍वास माक्‍याबेकीराङ थेबेकी सजाय ङेत्‍च्‍या ओङाते ईन।

यूहन्‍ना 6:29

थोक सिरजीन थेकी “परमेश्‍वरगी खि साबाते कामचेन थेकी दुरू ताङाते मिला विश्‍वास खित्‍च्‍येतेराङ ईन,” सिन सिदुक।

शक्ति काम 16:31

थेमे थेबेकी “खुई प्रभु येशूला विश्‍वास खि। दोक खासीन खोत्ताङ खुई खाम्‍बे मि गाङेला परमेश्‍वरगी पापकी सजायदुकी डेल्‍ग्‍यो,” सिन सिदुक।

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

१ थिस्‍सलोनिकी 4:9

थेमे प्रभु येशूला विश्‍वास खित्‍कान्‍ते आज्‍यो न्‍वाकी नाङ दोक्‍पोईकी ज्‍येनज्‍यीकला ङिङज्‍ये खित्‍च्‍येते बातला ङ्योकोनगी ख्‍योकोनला छ्याःङ सिरा माफाप्‍तासीन। दोक्‍पोईकी ज्‍येनज्‍यीकला चुक खाला ङिङज्‍ये खिता फाप्‍कीते सिन परमेश्‍वर थे खोरोङगीराङ ख्‍योकोनला लाप्‍कीन बिन्‍दा ओत।

१ तिमोथी 1:15

येशू ख्रीष्‍ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्‍येते बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन। थेमे पापीओन नाङ आउदी खाला पाप खित्‍कान्‍ते मि ङाराङ ईन।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 4:8

थेमे ज्‍येनतोक भन्‍दाङ दोक्‍पोईकी ज्‍येनज्‍यीकला आउदी खाला ङिङज्‍ये खि। दोक खासीनराङ ज्‍येनगी जति मेलेबा खासीनोङ थोक्‍ते मिला माफ तेरा थुप्‍क्‍यो।

१ यूहन्‍ना 2:7

ङिङज्‍येते फिजावे, प्रभु येशूकी खि सिन कोताते ङे टिगीन ओताते दि बात ख्‍योकोनगी गोमा माथोबाते बातनी मेन। दि बात ख्‍योकोनगी थेला विश्‍वास खिता छोमुमेईराङ थोबाते बात ईन। दि बातचेन ख्‍योकोनगी थोबा ओताते गा लाङच्‍येते बातराङ ईन।

१ यूहन्‍ना 3:11

ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो सिन ख्‍योकोनगी येशू ख्रीष्‍टला विश्‍वास खिता छोमुमेईराङ थोबाते बात ईन।

१ यूहन्‍ना 4:15

येशूला परमेश्‍वर फुज्‍युङ ईन सिन सिरकान्‍ते मित्ताङ परमेश्‍वर ङ्योम्‍बु देत्‍क्‍यो। थेमे होथोक्‍ते मिचेन परमेश्‍वरताङ डिक्‍ला देत्‍क्‍यो।

१ यूहन्‍ना 4:21

परमेश्‍वरला ङिङज्‍ये खित्‍कान्‍ते मिकी दाक्‍पोन आज्‍यो न्‍वालाङ ङिङज्‍ये खि सिन येशू ख्रीष्‍टकी ङुरूङला कोताते ईन।

१ यूहन्‍ना 5:13

ख्‍योकोनगी परमेश्‍वर फुज्‍युङला विश्‍वास खाबा ओत। थोगी ख्‍योकोनगी नोमुङ मिसिन्‍च्‍येते जुनी ङेता ओत सिन लेमु खाला छ्या स्‍येस्‍यीत सिन ङे ख्‍योकोनला दि बाततेबा टिबाते ईन।