१ यूहन्‍ना 3:21 - जिरेल

²¹ ङिङज्‍येते फिजावे, दाक्‍पोनते ङे च्‍यिला थोक खाताका सिन मेलेबा लाङच्‍येते छ्याःङ मेत्‍सीन ङुरूङला परमेश्‍वर दोन्‍दु छ्याःङ ज्‍यीबा मालाङो।

१ यूहन्‍ना 3:21 Iomraidhean Croise

रोमी 14:22

जे सोसीन थुसीनोङ पा मोफोगो सिन खेराङगी छ्या स्‍येबाते बात परमेश्‍वरगीकामा छ्या स्‍येसीन लेमु ईन। ख्‍योकोनगी सोकीन थुकीन खानामेई थरिङ ङे थोक खाबाते ठीक खाताकाना माक्‍याताका सिन विचार खित्‍जीन ङे थोक खाबाते ठीकराङ ईन सिराच्‍योक लासुङ सासीन ख्‍योकोनगी पाप खाबाते मेन। ख्‍योकोन भाग्‍यमानी ईन।

१ कोरिन्‍थी 4:4

ङाराङ काम खित्‍जीन ङे खइँदा गल्‍ती खाबा ओत सिराच्‍योक ङाला मालाङदुक। दोक सिरजीनमेईराङ ङे छ्याःङ गल्‍ती खाबा मेत सिन साबाते मेन। ङे खाबाते काम खाङ ठीक ईन्‍दे, खाङ ठीक मेन्‍दे सिन डेल्‍कान्‍ते प्रभु येशूकामा ईन।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

एफिसी 3:12

ङुरूङ प्रभु येशू ख्रीष्‍टकी खाबाते कामगी खित्‍सादु थेमे थेला विश्‍वास खाबेकी खित्‍सादु था ङुरूङ छ्याःङ ज्‍यीबा मिक्‍किता खाला ढुक्‍क ओङला परमेश्‍वर दोन्‍दु ड्वा थुप्‍क्‍यो।

१ तिमोथी 2:8

थेमे ङा च्‍यि सिते सासीन येशू ख्रीष्‍ट मिओन जम्‍मा ओङजीन गाङेपा ख्‍योओ मिओनगी प्रार्थना खिता फाप्‍क्‍यो। प्रार्थना खिताला लाक्‍पा लोङजीन थेबा मेलेबा काम खिता ताङगीन सिन्‍दाते मि ओङा फाप्‍क्‍यो। थेबेकी सुङताङ स्‍येदाङ खुरा मेङगो। थेमे थेबा थोम्‍मु जीङगा खिता छोल्‍कान्‍ते मि ओङा मेङगो।

हिब्रू 10:22

बात दोक दोक ईन्‍देकी छ्याःङ शंका मिक्‍किता खाला परमेश्‍वरला विश्‍वास खिन सेमदु पाप सिराते छ्याःङ मोज्‍योबा खाला ङुरूङ थे दोन्‍दु ड्वा फाप्‍क्‍यो। च्‍यिला सासीन येशू ख्रीष्‍टकी खाबाते कामगी खित्‍सादु ङुरूङ पाप गाङे माफ ओङेकी था ईन्‍सीन ङे पाप पूरो खाईन माफ ओङसुङ सिन ङुरूङ ढुक्‍क खाला देता थुप्‍च्‍या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।

हिब्रू 4:16

थोगी शैतानगी दुक्‍पा तेरा छोल्‍जीन ङुरूङ छ्याःङ ज्‍यीबा मिक्‍किता खाला मद्धत नाङ सिन परमेश्‍वर दोन्‍दु ड्वा फाप्‍क्‍यो। परमेश्‍वर ङुरूङला दया खित्‍कान्‍ते ईन्‍देकी जहिलेङ थेकी ङुरूङला ङिङज्‍ये खाला मद्धत तेरग्‍यो।

१ यूहन्‍ना 2:28

थेमे था फिजावे, ख्‍योकोन येशू ख्रीष्‍टताङ डिक्‍लाराङ देत। थोक खाईन देत्‍सीन थे ग्‍युरला ओङे छोमु सजाय ङेत्‍कीता सिन छ्याःङ ज्‍यीबा थेमे ङोचा मिक्‍किता खाला ङुरूङ थे दोन्‍दु ड्वा थुप्‍क्‍यो।

१ यूहन्‍ना 2:7

ङिङज्‍येते फिजावे, प्रभु येशूकी खि सिन कोताते ङे टिगीन ओताते दि बात ख्‍योकोनगी गोमा माथोबाते बातनी मेन। दि बात ख्‍योकोनगी थेला विश्‍वास खिता छोमुमेईराङ थोबाते बात ईन। दि बातचेन ख्‍योकोनगी थोबा ओताते गा लाङच्‍येते बातराङ ईन।

१ यूहन्‍ना 3:2

ङिङज्‍येते फिजावे, था ङुरूङ परमेश्‍वर फुज्‍युङ फुमु ओङगीन सिन्‍दा ओत। था तिरी ङुरूङ चुक ओङोङा सिरच्‍येते बात थोरूमसाक ङुरूङला छ्या मेत। दि बातज्‍यीकचेन ङुरूङला लेमु खाला छ्या ओत। च्‍यि सासीन येशू ख्रीष्‍ट ग्‍युरला ओङे छोमु ङुरूङोङ थे च्‍योकराङ ओङगो। च्‍यिला सासीन थे जस्‍तो दुक उस्‍तोराङ ङुरूङगी थेला थोङा ङेत्‍क्‍यो।

१ यूहन्‍ना 3:20

खइँदा खानामेई कहिले कहिले ङुरूङला ङे च्‍यिला थोक खाताका सिन मेलेबा लाङगो। थोक लाङजीन ङुरूङगी ङे सेमगी बात परमेश्‍वरला छ्या मेताते मेन, थे खापान खापान छ्ये ईन, थेकी छ्या मेस्‍येच्‍येते बात छ्याःङ मेत सिरच्‍येते बात टोक ज्‍येता मेङगो।

१ यूहन्‍ना 4:17

थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाबा ओत्‍नामेई था मि गाङे न्‍याय खिते छोमु ङुरूङगी छ्याःङ ज्‍यीबा खिता माफाबो। च्‍यिला सासीन दि सा लुङबादु ओत्‍सीनोङ ङुरूङ येशू ख्रीष्‍ट च्‍योकराङ खाईन परमेश्‍वरताङ डिगीन देता ओत।

१ यूहन्‍ना 5:14

ङुरूङगी खाबाते प्रार्थना परमेश्‍वरगी पक्‍काराङ थोक्‍यो सिन ङुरूङला छ्याराङ ओत। ङुरूङगी खइँदा बातकी लाईदु प्रार्थना खासीन थेमे थे बात परमेश्‍वरगी खिता चाला च्‍योकराङ ईन्‍सुङ सासीन ङुरूङगी थेला जे नाङ सासीनोङ थेकी ङेन्‍ग्‍यो।