१ यूहन्‍ना 3:16 - जिरेल

¹⁶ ज्‍येनला ङिङज्‍ये खित्‍च्‍येते च्‍यि ईन्‍दे सिन ङुरूङगी येशू ख्रीष्‍टकी खाबाते काम ताला छ्या स्‍येक्‍यो। थेकी ङुरूङ लाईदु थे खोरोङ ज्‍यानराङ बिन्‍दा ओतान। ङुरूङगीङ दाक्‍पोन आज्‍यो न्‍वाकी लाईदु दाक्‍पोन ज्‍यान तेरा फाप्‍क्‍यो।

१ यूहन्‍ना 3:16 Iomraidhean Croise

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

यूहन्‍ना 10:11

लेमुते गोठालाचेन ङा ईन। लेमुते गोठालेकी लुई लाईदु थे खोरोङ ज्‍यानराङ तेरग्‍यो।

यूहन्‍ना 13:34

था ङा ख्‍योकोनला दोक खि सिन कोत्‍क्‍यो। च्‍यि सासीन ख्‍योकोन खेराङ नाङ ङिङज्‍ये खितरीङ खि। ङे ख्‍योकोनला ङिङज्‍ये खाबा च्‍योकराङ खाला ख्‍योकोनबरीकीङ खेराङ नाङ ङिङज्‍ये खि।

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

रोमी 16:4

थेबेकी ङाला जोए खिताला झन्‍दै खोपरोङ ज्‍यानोङ तेरा फापा ओतान। ङाला थेबेकी थोक लेमु खाबा ओतान। थेबेकी थोक खाबाते बात ठाउँ ठाउँला जम्‍मा ओङकान्‍ते ज्‍येन ज्‍येन जातकी येशू ख्रीष्‍ट मिओनगीङ गाङेकी खिदुक।

रोमी 5:8

तर ख्रीष्‍टचेन ङुरूङ पापी ओत्‍कीन ओत्‍कीनोङ ङुरूङ लाईदु थे खोरोङ ज्‍यान बिन्‍गीन स्‍यिसुङ। ङुरूङ लाईदु ख्रीष्‍टला थोक खिताला ताङगीन परमेश्‍वरगी ङुरूङला आउदी खाला ङिङज्‍ये खिओ सिन छ्या स्‍ये च्‍युत्‍सुङ।

२ कोरिन्‍थी 4:12

ङ्योकोनगी ङेराङ नाम स्‍यिइताना सिराच्‍योक खाईन दुक्‍पा भोगे खिन काम खाबेकी खित्‍सादु ख्‍योकोनगी नोमुङ मिसिन्‍च्‍येते जुनी ङेता ओत।

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

एफिसी 5:25

थेमे ख्‍योओ मिवे, ख्रीष्‍टकी थे खोरोङ मिओनला चुक खाईन ङिङज्‍ये खासुङा ख्‍योकोनगीङ दाक्‍पोन फेम्‍मेला होथोकराङ खाला ङिङज्‍ये खि। थेकीनी थे खोरोङ मिओन लाईदु थे खोरोङ ज्‍यानराङ बिन्‍गीन स्‍यिसुङ।

फिलिप्‍पी 2:17

ख्रीष्‍टला विश्‍वास खाईन खेराङगी खिन ओताते कामओन ख्‍योकोनगी परमेश्‍वरला भोग बिन्‍दाते च्‍योकराङ ईन। भोग बिन्‍दाते लाक्‍तुराङ थुङच्‍येते पुङा फापाच्‍योक खाला ङा ङाराङ ज्‍यान बिन्‍ला स्‍या फाप्‍सीनोङ ङा खुशीराङ ओत। थेमे ख्‍योकोन गा खित्‍जीन ङाङ ख्‍योकोनताङराङ डिक्‍ला गा खिओ।

फिलिप्‍पी 2:30

च्‍यिला सासीन खेराङ गाङेकी दुरू ङाला मद्धत तेरा मुथुप्‍च्‍या ओङगीन ख्‍योकोन गाङे साटोला ङाला मद्धत खिन ख्रीष्‍टकी खि साबाते काम खित्‍जीन दि झन्‍दै स्‍या ओतान।

१ थिस्‍सलोनिकी 2:8

ङ्योकोनला ख्‍योकोनते आउदी ङिङज्‍ये लाबा ओतान। थोगी ख्‍योकोनला परमेश्‍वरते गा लाङच्‍येते बात लाप्‍ला तेरालाकामा मेन, ख्‍योकोनला लेमु ओङे लाईदु स्‍या फाप्‍सीनोङ ङ्योकोन नाइँ सिरच्‍या मेतान।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

१ पत्रुस 1:18

मोल च्‍याल्‍गीनकामा खेराङ ज्‍युज्‍यु पुर्खे पालोमेकी चले खिन वाबाते छ्याःङ काम लै मिक्‍किच्‍येते रीतिथिति छ्य्‌वापेकी खेराङला टालाते ईन सिन ख्‍योकोनला छ्याराङ ओत। थोक खिताला च्‍यालाते मोल सेरताङ चाँदी मेतान। सेर चाँदीनी ङीमाई छ्याःङ काम लै मिक्‍किच्‍या डुइओ।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

१ यूहन्‍ना 2:6

परमेश्‍वरताङ डिक्‍ला देत्‍कान्‍ते ईन सिन सिरकान्‍ते मिकीचेन काम बात जे खित्‍जीनोङ येशूकी खाबा च्‍योकराङ खिता फाप्‍क्‍यो।

१ यूहन्‍ना 2:9

सुइँदेकी ङानी नाम्‍दाकला देत्‍ला लेमु काम खित्‍कान्‍ते मि ईन खिदुक तर थे खोरोङ आज्‍यो न्‍वाला मिगी थोङसार्मु खिदुक सासीन थेनी थोरूमसाक मुन्‍दाकला देत्‍ला मेलेबा काम खित्‍कान्‍ते मि ईन।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,