१ यूहन्‍ना 3:13 - जिरेल

¹³ न्‍वावे, दि सा लुङबे मिओनगी ख्‍योकोनला मिगी थोङसार्मु खित्‍जीन थेबेकी च्‍यिला थोक खिताका सिराच्‍योक माकेत।

१ यूहन्‍ना 3:13 Iomraidhean Croise

मत्ती 10:22

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ। थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मत्ती 24:9

ख्‍योकोनला दुक्‍पा तेरस्‍यीत थेमे सेत्‍स्‍यीत सिन थेजीन ज्‍येनगी ख्‍योकोनला जिन च्‍युत्‍ला छ्ये छ्ये मि लाःक्‍तु सोम्‍पे खिओ। ङे मि ईन्‍देकीराङ गाङे लुङबा लुङबाला मिओनगी ख्‍योकोनला मिगी थोङसार्मु खिओ।

मर्कूस 13:13

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ। थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

लूका 21:17

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ।

लूका 6:22

थेमे परमेश्‍वर ओत्‍सादुई वाबाते मि ङाला विश्‍वास खाबेकी खित्‍सादु ज्‍येनगी ख्‍योकोनला मिगी थोङसार्मु खिओ। ख्‍योकोनला खाम्‍बाताङ युलदुकी देन्‍ग्‍यो। थेबेकी ख्‍योकोनला नाना-भाँती दोष लै खिओ, मेलेबा मि ईन सिन सिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

यूहन्‍ना 17:14

ङे दिबाला खुई साबाते बातओन लापाप। दि सा लुङबे मिओनगी दिबाला किला च्‍योकराङ खासुङ। दिबाङ ङा च्‍योकराङ दि सा लुङबे मि मेन्‍देकीराङ ज्‍येनतेबेकी दिबाला थोक खासुङ।

यूहन्‍ना 3:7

थोगी ङे खोल्‍ला मि लोक्‍ला क्‍याराङ फाप्‍क्‍यो सिन सिरजीन खो अचम्‍ब माने माकेत।

यूहन्‍ना 7:7

दि सा लुङबे मिओनगी ख्‍योकोनला छ्याःङ मिक्‍किओ। तर ङे थेबाला ख्‍योकोनगी दि दि मेलेबा काम खिन दुक सिन साबेकी खित्‍सादु थेबेकी ङालाचेन मिगी थोङसार्मु खिओ।

शक्ति काम 3:12

थोक खाईन खोपरोङ फेरो खाङ जम्‍मा ओङाते मिओनला बात खिन पत्रुसकी “ए इस्राएलीवे, दि कुज्‍ये ख्‍याम्‍बा थुप्‍च्‍या गाला थोङजीन ख्‍योकोन च्‍यिला दोक खाला छक्‍क परे खिते? ख्‍योकोन च्‍यिला ख्‍याराच्‍योक खाला ङ्योकोनला तालाराङ देत्‍कीते? च्‍यि ख्‍योकोनगी दि मिला ङ्योकोनगी ङेराङ शक्तिकी ख्‍याम्‍बा थुप्‍च्‍या जोबाते ईन्‍दासीन साबाप? ना ङेत परमेश्‍वरला आउदी खाला माने खित्‍कान्‍ते मि ईन्‍देकी थोक खिता थुपासीन साबे?

रोमी 8:7

दाक्‍पोन खुशीला ख्‍याम्‍कान्‍ते मिचेन परमेश्‍वर विरोध खित्‍कान्‍ते ईन। थोक्‍तेबेकी परमेश्‍वर नियम मेङेनो। थेबेकी थेरू खि साबाच्‍योक खिताराङ मुथुबो।

२ तिमोथी 3:12

ईन्‍दालाचेन येशू ख्रीष्‍टताङ जीउज्‍यीकराङ ओङगीन परमेश्‍वरला मन परे खित्‍च्‍येते काम खिता छोल्‍कान्‍ते मि गाङेला ज्‍येनगी दाक खेदापानी खिओ।

याकूब 4:4

ख्‍योकोनचेन परमेश्‍वरला माने खिता ताङाते मि ईन। दि सा लुङबे मि च्‍योकराङ सम्‍पत्ति छ्य्‌वापा सेम लै खित्‍कानताङ दाक्‍पोन विचारकामा खित्‍कान्‍ते मि परमेश्‍वरताङ डिक्‍पा मुथुबो सिन च्‍यि ख्‍योकोनला छ्या मेत? सम्‍पत्ति छ्य्‌वापा सेम लै खित्‍कानताङ दाक्‍पोन विचारकामा खित्‍कान्‍ते मिनी परमेश्‍वरताङ डिक्‍पाराङ मुथुबो।

छ्या स्‍ये च्‍युताते बात 17:7

ङा छक्‍क परे खाबा थोङगीन थे दूतकी ङाला “खो च्‍यिला थोक खाईन छक्‍क परे खाबे?” सिन ठिसुङ। थेमे थेकी याङराङ ङाला “थे फेम्‍मे मि थेमे थेला खुरकान्‍ते गोः दुईनताङ रोज्‍यो च्‍युताम्‍बा खाबाते जन्‍तु अर्थ च्‍यि ईन्‍दे सिन ङे खोल्‍ला लाःप्‍ला बिनगी।