१ यूहन्‍ना 3:12 - जिरेल

¹² ङुरूङगी कयिनगी खाबाच्‍योक खिता मेङगो। मिला मेलेबा खित्‍कान्‍ते शैतानताङ डिक्‍कान्‍ते ईन्‍देकी थेकी थे खोरोङ न्‍वालाराङ सेता ओतान। थेकी च्‍यिला न्‍वातेला सेता ओताने छ्या ओत? न्‍वाते च्‍योक खाला लेमुते कामताङ बात खित्‍कान्‍ते मि मेन्‍देकीराङ थेकी न्‍वातेला सेता ओतान।

१ यूहन्‍ना 3:12 Iomraidhean Croise

मत्ती 13:19

सोन देप्‍जीन कोई कोई लामला फाप्‍क्‍यो। लामला फाप्‍कीन छ्योज्‍युङमेकी तुकीन सोबाते सोन साबातेचेन स्‍वर्गे राज्‍य बात थोकान्‍तेबे नाङ थरीज्‍यीक मिला साबाते ईन। थोक्‍ते मितेचेन स्‍वर्गे राज्‍य बात ङेन्‍च्‍ये सेमराङ मेतेकी थे बात थोसीनोङ थे च्‍यि ईन्‍दे सिन लेमु खाला मोखोओ। थोक ईन्‍देकी मिला मेलेबा खित्‍कान्‍ते शैतानगी थेबेकी थोबाते बात होत्ताराङ टोक ज्‍येत ज्‍युत्‍क्‍यो।

मत्ती 13:38

स्‍यीङ साबातेचेन दि सा लुङबा ईन। ठे सोन साबाते स्‍वर्गे राज्‍य बात ङेन्‍गीन परमेश्‍वर छ्य्‌वापा लै खाईन सिन्‍दाते मिओन ईन। थेमे ह्रीमा साबातेचेन मिला मेलेबा खित्‍कान्‍ते शैतानताङ डिक्‍कान्‍ते मिओन ईन।

मत्ती 23:35

ख्‍योकोनगी थोक खितेकी परमेश्‍वरगी खि साबाच्‍योक खित्‍कान्‍ते मिओन नाङ सेताते मि गाङे हर हिसाब था परमेश्‍वरगी ख्‍योकोनताङ लिन्‍ग्‍यो। हाबिलदुकी लाला परमेश्‍वर मन्‍दिर नाङदु कोठाताङ थेरू थानगी किल्‍दुराङ सेताते बरकिये फुज्‍युङ जकरिये पालोसाक हर हिसाब परमेश्‍वरगी मालाबाला मोतोङो।

मत्ती 27:23

थोक सिरजीन पिलातसकी “ख्‍योकोन च्‍यिला दोक खाला छेरा खिते? दि मिकी च्‍यि मेलेबा काम खाला दुकारो?” सिन ल्‍वा चाल्‍सुङ। ईन्‍सीनोङ थे बातला नामज्‍योकराङ मेसेता खाईन थेबाबरी “थेला तोङा मेङगो, थेला स्‍यिङगी थामला टाँए खाला सेत,” सिनकामा झन मिता खाच्‍या खाला छेरा खिन फिराला स्‍यूसुङ।

मत्ती 5:37

थोगी ख्‍योकोनगी ईन्‍दे बातला ईन सि, मेन्‍सीन मेनकामा सि। दोक मिक्‍किता खाईन खइँदा बातला ना क्‍याल्‍सीन थोकचेन शैतानगी खित च्‍युताते ईन।

लूका 11:51

च्‍यि सासीन हाबिलदुकी लाला परमेश्‍वर मन्‍दिर नाङदु कोठाताङ थेरू थानगी किल्‍दुराङ सेताते जकरिये पालोसाक हर हिसाब परमेश्‍वरगी मालाबाला मोतोङो। दि हर हिसाबचेन परमेश्‍वरगी ख्‍योकोन सन्‍तानला मेन्‍देकी ख्‍योकोनताङराङ लिन्‍ग्‍यो।

यूहन्‍ना 10:32

थोक खित्‍जीन थेकी थेबाला “ङे ख्‍योकोन मिगी दोन्‍दुराङ आबेकी ङाला खि साबाते लेमुते काम काल्‍बेई खाईन तेन्‍दा ओत। थे कामओन नाङ खाङ काम लेमु मालाबेकी ख्‍योकोन ङाला दोई ग्‍याप्‍ला सेता छोल्‍गीते?” सिन सिदुक।

यूहन्‍ना 8:40

परमेश्‍वरगी सिरजीन ङाराङगी जस्‍तो थोबा ओतान होथे साँचोते बातराङ ङे ख्‍योकोनला लाःपाप। थोक ईन्‍सीनोङ ख्‍योकोननी ङाला सेताका छोल्‍गीदुक। दोक्‍ते मेलेबाते कामनी अब्राहामगी खाबा मेतान।

यूहन्‍ना 8:41

ख्‍योकोनचेन खेराङ आबेकी खित्‍च्‍येते च्‍योक्‍ते काम खिदुक,” सिन सिदुक। थेकी साबाच्‍योक ईनराङ मेन सिन थेबेकी “ङ्योकोननी ज्‍येन मि फिजा मेन। ङ्योकोनते आबाज्‍यीककामा ओत, थेचेन परमेश्‍वरराङ ईन,” सिन सिदुक।

शक्ति काम 7:52

परमेश्‍वर बात खित्‍कान्‍तेबे नाङ खाङलाचेन ख्‍योकोन ज्‍युज्‍यु पुर्खेकी मेलेबा खाबा मेतानेरो? थेबेकीनी परमेश्‍वरगी खि साबा च्‍योककामा खित्‍कान्‍ते तिरी दुरू ओङगो सिन परमेश्‍वर बात खित्‍कान्‍तेबा गाङेला खेदा खाईन सेता ओतान। थेमे तिरी थेबेकी ओङगो साबाते वानामेकी ख्‍योकोनगीचेन थे परमेश्‍वरगी तोङगो साबाते ईनराङ मेन सिन दुक्‍पा बिन्‍गीन सेत्‍सुङ।

१ थिस्‍सलोनिकी 2:14

चुक सासीन आज्‍यो न्‍वावे, परमेश्‍वर बात ङेन्‍देकी ख्‍योकोनगीङ येशू ख्रीष्‍टताङ जीउज्‍यीकराङ ओङाते यहूदिये लुङबादु ओताते परमेश्‍वर मिओनगी च्‍योकराङ खाईन दुक्‍पा भोगे खासुङ। होथेबाला खोपरोङ यहूदीओनगी दुक्‍पा बिन्‍दा च्‍योकराङ ख्‍योकोनलाङ खेराङ लुङबे मिओनगीराङ दुक्‍पा बिन्‍दा ओतान।

हिब्रू 11:4

हाबिलगी परमेश्‍वरला विश्‍वास खाईन कयिनगी खाबाच्‍योक मेन्‍देकी परमेश्‍वरला चढे खिता फाप्‍च्‍येतेराङ भोग बिन्‍गीन चढे खाबा ओतान। थेकी भोग बिन्‍गीन चढे खाबाते मन परे खाईन परमेश्‍वरगी हाबिलचेन थे खोरोङगी खि साबा च्‍योकराङ खित्‍कान्‍ते ईन सिन साबा ओतान। थोगी हाबिल थाङबो जुगलाराङ स्‍यिइन गाल्‍सीनोङ थेकी खाबाते काम ताला परमेश्‍वरला चुक खाला विश्‍वास खिता फाप्‍च्‍या ईन्‍दाका सिन ङुरूङगी थोरूमसाक लोपा थुप्‍क्‍यो।

हिब्रू 12:24

येशू देत्‍सादुराङ ख्‍योकोन ख्‍योलाते ईन। थेकी खित्‍सादुराङ परमेश्‍वरगी मिओनताङ तिरी खिओ साबाते जमान पूरो ओङाते ईन। येशू स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी मि पाप माफ तेरच्‍या खाबाते ईन। थोगी येशू स्‍याप्‍तेचेन हाबिल स्‍याप्‍ते च्‍योक मेन, दिनी खापान खापान छ्येते बात ईन।

१ पत्रुस 4:4

तर था ख्‍योकोनगी थोक्‍ते मेलेबा काम खिता ताङेकी थोरूमसाक होथोक्‍ते कामराङ खिन ओताते मिओनचेन ख्‍योकोन च्‍यिला खोपरोङगी च्‍योकराङ मिक्‍किका सिन छक्‍क परे खिदुक। थेमे ख्‍योकोनला ईन्‍दा मेन्‍दा साला ख्‍योकोन विरोध खिदुक।

१ यूहन्‍ना 3:8

पाप खिनराङ देत्‍कान्‍ते मिचेन शैतानताङ डिक्‍कान्‍ते ईन। शैतानगीनी च्‍याक दि जुग शुरू ओङजीनमेईराङ पापकामा खिन ओत। शैतानगी खित्‍च्‍येते काम गाङे ङ्ये च्‍युत्‍ला खतम ज्‍वाप्‍लाराङ परमेश्‍वर फुज्‍युङ दुरू वाबाते ईन।

यहूदा 1:11

था थेबाला आउदी मेलेबा ओङगो। च्‍यिला सासीन थेबेकी कयिनगी खाबा च्‍योकराङ खिदुक। पैसे लोभ खाईन बालामगी खाबा च्‍योकराङ मेलेबा काम खिदुक। थेमे कोरहेकी च्‍योक खाला छ्ये छ्ये मि विरोध खिदुक। दोक खाबेकी थेबाङ कोरह च्‍योकराङ सजाय ङेत्‍ला स्‍यिइओ।

छ्या स्‍ये च्‍युताते बात 17:6

थे फेम्‍मे मिचेन परमेश्‍वर सन्‍तानओनला सेत्‍कीन थेबे ठाक थुकीन जा ओतान। थेबाचेन जति दुक्‍पा ओङजीनोङ येशू ख्रीष्‍ट सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मि ओतान। थे फेम्‍मे मिला थोङजीन ङाला आउदी अचम्‍ब लासुङ।