१ यूहन्‍ना 3:11 - जिरेल

¹¹ ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो सिन ख्‍योकोनगी येशू ख्रीष्‍टला विश्‍वास खिता छोमुमेईराङ थोबाते बात ईन।

१ यूहन्‍ना 3:11 Iomraidhean Croise

यूहन्‍ना 13:4

थेमे साप सेइन सेइनलाराङ लाकीन थेकी थे खोरोङगी लाक्‍तु खोन्‍दाते खोलाक टोल्‍गीन केतापा तौलिज्‍यीक च्‍यिसुङ।

यूहन्‍ना 15:12

ङा ख्‍योकोनला दोक खि सिन कोत्‍क्‍यो। च्‍यि सासीन ङे ख्‍योकोनला खाबा च्‍योकराङ खाला ख्‍योकोनगीङ खेराङ नाङ दोक्‍पोईकी ज्‍येनज्‍यीकला ङिङज्‍ये खि।

गलाती 6:2

दोक्‍पोईकी ज्‍येनज्‍यीक ख्‍याल ज्‍याक्‍ला ख्‍योकोन गाङेकी खेराङ नाङ सुला नाम च्‍यि मद्धत खिता फाप्‍कीका मद्धत बिन। दोक खानामेई ख्‍योकोनगी ख्रीष्‍टकी खि साबाते नियम ङेन्‍दाते ईन।

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

१ थिस्‍सलोनिकी 4:9

थेमे प्रभु येशूला विश्‍वास खित्‍कान्‍ते आज्‍यो न्‍वाकी नाङ दोक्‍पोईकी ज्‍येनज्‍यीकला ङिङज्‍ये खित्‍च्‍येते बातला ङ्योकोनगी ख्‍योकोनला छ्याःङ सिरा माफाप्‍तासीन। दोक्‍पोईकी ज्‍येनज्‍यीकला चुक खाला ङिङज्‍ये खिता फाप्‍कीते सिन परमेश्‍वर थे खोरोङगीराङ ख्‍योकोनला लाप्‍कीन बिन्‍दा ओत।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 3:8

था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।

१ पत्रुस 4:8

थेमे ज्‍येनतोक भन्‍दाङ दोक्‍पोईकी ज्‍येनज्‍यीकला आउदी खाला ङिङज्‍ये खि। दोक खासीनराङ ज्‍येनगी जति मेलेबा खासीनोङ थोक्‍ते मिला माफ तेरा थुप्‍क्‍यो।

१ यूहन्‍ना 1:5

येशू ख्रीष्‍टकी ङेराङला जे साबा ओतान थे बातराङ ङ्योकोन ख्‍योकोनला सिन ओत। च्‍यि सासीन परमेश्‍वर स्‍वर्गे नाम्‍दाक ईन। थेमे मेलेबा सिराते थेकी नोमुङ छ्याःङ मिक्‍किओ।

१ यूहन्‍ना 4:11

ङिङज्‍येते फिजावे, थेकी थे खोरोङ फुज्‍युङ देमा ताङगीन ङुरूङला दोक खाईन ङिङज्‍ये खाबेकी ङुरूङगीङ दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो।

१ यूहन्‍ना 4:21

परमेश्‍वरला ङिङज्‍ये खित्‍कान्‍ते मिकी दाक्‍पोन आज्‍यो न्‍वालाङ ङिङज्‍ये खि सिन येशू ख्रीष्‍टकी ङुरूङला कोताते ईन।

१ यूहन्‍ना 4:7

ङिङज्‍येते फिजावे, ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो। च्‍यिला सासीन ज्‍येनला ङिङज्‍ये खित्‍च्‍येते परमेश्‍वरगी खित ज्‍युत्‍च्‍येते ईन। ज्‍येनला ङिङज्‍ये खित्‍कान्‍ते मिचेन परमेश्‍वर फुज्‍युङ फुमु ओङाते मि ईन। थोक्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओङगो।

२ यूहन्‍ना 1:5

थोरूमोङ ङा खोल्‍ला ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो सिन सिओ। दोक खिइ सिन ङा खोल्‍ला बिन्‍ती खिओ। ईन्‍दाका दि खुई गोमा माथोबाते बात मेन। दि बात ङुरूङगी येशूला विश्‍वास खिता छोमुमेईराङ थोबाते बात ईन।