१ यूहन्‍ना 2:7 - जिरेल

⁷ ङिङज्‍येते फिजावे, प्रभु येशूकी खि सिन कोताते ङे टिगीन ओताते दि बात ख्‍योकोनगी गोमा माथोबाते बातनी मेन। दि बात ख्‍योकोनगी थेला विश्‍वास खिता छोमुमेईराङ थोबाते बात ईन। दि बातचेन ख्‍योकोनगी थोबा ओताते गा लाङच्‍येते बातराङ ईन।

१ यूहन्‍ना 2:7 Iomraidhean Croise

मत्ती 5:43

थेमे ‘दाक्‍पोन युल्‍बाला ङिङज्‍ये खि, शत्रुओनलाचेन किला च्‍योकराङ खि,’ सिन ङुरूङ ज्‍युज्‍यु पुर्खाला लापा ओतान सिनोङ ख्‍योकोनला छ्याराङ ओत।

यूहन्‍ना 13:34

था ङा ख्‍योकोनला दोक खि सिन कोत्‍क्‍यो। च्‍यि सासीन ख्‍योकोन खेराङ नाङ ङिङज्‍ये खितरीङ खि। ङे ख्‍योकोनला ङिङज्‍ये खाबा च्‍योकराङ खाला ख्‍योकोनबरीकीङ खेराङ नाङ ङिङज्‍ये खि।

शक्ति काम 17:19

थेमे थेबेकी पावलला अरियोपागस सिराते मिटिङ खित्‍च्‍येते खाम्‍बापा खेरगीन च्‍याकीन “खुई लोप्‍कीन ख्‍याम्‍बाते बात ङ्योकोनला छ्या स्‍येबा सेम लासुङ।

हिब्रू 6:9

ङिङज्‍येते आज्‍यो न्‍वावे, ङ्योकोनगी खाबाते दि बातओन थोला ख्‍योकोन ज्‍यीबा माकेत। ख्‍योकोनचेन थे काम लै मिक्‍किच्‍येते स्‍यीङ च्‍योक्‍ते मेन। थेमे ख्‍योकोन परमेश्‍वर छ्य्‌वापेई नोमुङ ठाल्‍ला मोन्‍डोओ सिन ङ्योकोनला लेमु खाला छ्या ओत। परमेश्‍वरगी ख्‍योकोनला पूरो खाला पापदुकी डेल्‍ग्‍यो।

१ यूहन्‍ना 2:24

थोक ईन्‍देकी खेराङगी येशूला विश्‍वास खिता छोमुमेई थोबाते बात ङेन्‍गीन देता मातोङ। थेरू खि साबाच्‍योक खिनराङ देत्‍सीन ख्‍योकोनचेन परमेश्‍वर फुज्‍युङ थेमे आबा परमेश्‍वरताङ डिक्‍ला देता ङेत्‍क्‍यो।

१ यूहन्‍ना 3:11

ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो सिन ख्‍योकोनगी येशू ख्रीष्‍टला विश्‍वास खिता छोमुमेईराङ थोबाते बात ईन।

१ यूहन्‍ना 3:2

ङिङज्‍येते फिजावे, था ङुरूङ परमेश्‍वर फुज्‍युङ फुमु ओङगीन सिन्‍दा ओत। था तिरी ङुरूङ चुक ओङोङा सिरच्‍येते बात थोरूमसाक ङुरूङला छ्या मेत। दि बातज्‍यीकचेन ङुरूङला लेमु खाला छ्या ओत। च्‍यि सासीन येशू ख्रीष्‍ट ग्‍युरला ओङे छोमु ङुरूङोङ थे च्‍योकराङ ओङगो। च्‍यिला सासीन थे जस्‍तो दुक उस्‍तोराङ ङुरूङगी थेला थोङा ङेत्‍क्‍यो।

१ यूहन्‍ना 3:21

ङिङज्‍येते फिजावे, दाक्‍पोनते ङे च्‍यिला थोक खाताका सिन मेलेबा लाङच्‍येते छ्याःङ मेत्‍सीन ङुरूङला परमेश्‍वर दोन्‍दु छ्याःङ ज्‍यीबा मालाङो।

१ यूहन्‍ना 3:23

थेकी खि सिन कोतातेचेन थे खोरोङ फुज्‍युङ येशू ख्रीष्‍टला विश्‍वास खित्‍च्‍येते थेमे येशू ख्रीष्‍टकी खि साबाच्‍योक खाला दोक्‍पोईकी ज्‍येनज्‍यीकला ङिङज्‍ये खित्‍च्‍येतेराङ ईन।

१ यूहन्‍ना 4:1

ङिङज्‍येते फिजावे, सुइँदेकी ङाला दि बात परमेश्‍वर आत्‍मेकी सिर च्‍युताते ईन सिन सिरजीनमेईराङ थोक्‍ते मि गाङे बात पत्ते माकेत। बरू थेबेकी साबाते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन लेमु खाला छ्या स्‍येबा खि। च्‍यिला सासीन परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन सा लुङबा खाङ ठाम्‍गीन सिन्‍दा ओत।

१ यूहन्‍ना 4:11

ङिङज्‍येते फिजावे, थेकी थे खोरोङ फुज्‍युङ देमा ताङगीन ङुरूङला दोक खाईन ङिङज्‍ये खाबेकी ङुरूङगीङ दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो।

१ यूहन्‍ना 4:21

परमेश्‍वरला ङिङज्‍ये खित्‍कान्‍ते मिकी दाक्‍पोन आज्‍यो न्‍वालाङ ङिङज्‍ये खि सिन येशू ख्रीष्‍टकी ङुरूङला कोताते ईन।

१ यूहन्‍ना 4:7

ङिङज्‍येते फिजावे, ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो। च्‍यिला सासीन ज्‍येनला ङिङज्‍ये खित्‍च्‍येते परमेश्‍वरगी खित ज्‍युत्‍च्‍येते ईन। ज्‍येनला ङिङज्‍ये खित्‍कान्‍ते मिचेन परमेश्‍वर फुज्‍युङ फुमु ओङाते मि ईन। थोक्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओङगो।