१ यूहन्‍ना 2:4 - जिरेल

⁴ सुइँदेकी परमेश्‍वर सु ईन्‍दे, च्‍यि खिते सिन ङाला लेमु खाला छ्या ओत खिदुक तर परमेश्‍वरगी खि सिन कोताते मिक्‍किदुक सासीन थे ढाँर खित्‍कान्‍ते ईन। थोक्‍ते मिकी सत्‍यते परमेश्‍वरगी साबाते बात दाक्‍पोन सेमगी नाङ ज्‍य्‌वाबा मुथुबो।

१ यूहन्‍ना 2:4 Iomraidhean Croise

यूहन्‍ना 8:44

ख्‍योकोनचेन खेराङ आबा शैतानताङ डिक्‍कान्‍ते मि ईन। थेमे ख्‍योकोन खेराङ आबेकी खित्‍च्‍येते कामकामा खिता सेम खिदुक। थेकीनी च्‍याक दि जुग शुरू ओङजीनमेईराङ मि सेत्‍च्‍येतेकामा खिन ओत। ईन्‍दाते बातला थेकी बान्‍दा गा मिक्‍किओ। साँचोते बात सिरातेचेन थेकी नोमुङ मिक्‍किओ। ढाँर खित्‍च्‍येतेनी थेते बानीराङ ईन्‍देकी थेचेन ढाँर खित्‍कान्‍ते ईन। ढाँर खित्‍च्‍येते सिराते गाङे थे छ्य्‌वापेईराङ ओङच्‍येते ईन।

तीतस 1:10

थरिङोला थेपा थोक खाला ङेन्‍दा फाप्‍च्‍येते बातताङ मिडिक्‍च्‍येते बात लोप्‍कान्‍ते मि काल्‍बेई दुक। थेबेकी सुङगीङ बात मेङेन्‍दा खाला खालि छ्याःङ काम लै मिक्‍किच्‍येते बातओन लाप्‍ला येशूला विश्‍वास खित्‍कान्‍ते मिओनला छक्‍के खिओ। दोक खित्‍कान्‍तेबा काल्‍बा च्‍योक्‍ते जीउला खतकी चिनु जोकान्‍ते यहूदीराङ ईन।

तीतस 1:16

खोपरोङ होथोक्‍ते मि ईन्‍सीनोङ थेबेकीचेन परमेश्‍वर सु ईन्‍दे, चुक्‍ते ईन्‍दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्‍वरला माने खित्‍कान्‍ते मि मेन सिन दाक छ्या स्‍येक्‍यो। थेबाला थोङजीन परमेश्‍वरला गा मालाङो, थेबेकी परमेश्‍वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।

१ यूहन्‍ना 1:10

तर ङुरूङगी ङे नोमुङ छ्याःङ पाप खाबाराङ मेत सिन सासीन ङुरूङगी परमेश्‍वर ढाँर खित्‍कान्‍ते ईन साबाते ईन। ङुरूङगी दोक सासीन परमेश्‍वर बात दाक्‍पोन सेमला ज्‍य्‌वाबा मुथुबो।

१ यूहन्‍ना 1:6

थोक ईन्‍देकी ङुरूङ परमेश्‍वरताङ ङ्योम्‍बुराङ डिक्‍ला देत्‍कान्‍ते मि ईन सालाङ मेलेबा कामराङ खिन देत्‍सीन ङुरूङगी ढाँर खाबाते ईन, सत्‍यते परमेश्‍वरगी खि साबाच्‍योक खाबाते मेन।

१ यूहन्‍ना 1:8

ङे छ्याःङ पाप खाबा मेत सासीनचेन ङुरूङगी दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम खाबाते ईन। थोक सासीन सत्‍यते परमेश्‍वरगी साबाते बात ङुरूङगी दाक्‍पोन सेमगी नाङ ज्‍य्‌वाबा मुथुबो।

१ यूहन्‍ना 2:3

थेमे परमेश्‍वरगी खि सिन कोताते खानामेकी ङुरूङगी परमेश्‍वर सु ईन्‍दे, च्‍यि खिते सिन लेमु खाला छ्या स्‍येक्‍यो।

१ यूहन्‍ना 2:9

सुइँदेकी ङानी नाम्‍दाकला देत्‍ला लेमु काम खित्‍कान्‍ते मि ईन खिदुक तर थे खोरोङ आज्‍यो न्‍वाला मिगी थोङसार्मु खिदुक सासीन थेनी थोरूमसाक मुन्‍दाकला देत्‍ला मेलेबा काम खित्‍कान्‍ते मि ईन।

१ यूहन्‍ना 3:6

थेत्ताङ डिक्‍ला देत्‍कान्‍ते मिकीचेन सुङगीङ पाप खिन मेदेदो। पाप खिनराङ देत्‍कान्‍ते मि सुङगीङ थेला थोङाङ मेत, थे सु ईन्‍दे, चुक्‍ते ईन्‍दे सिन छ्याङ स्‍येबा मेत।

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

१ यूहन्‍ना 4:7

ङिङज्‍येते फिजावे, ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो। च्‍यिला सासीन ज्‍येनला ङिङज्‍ये खित्‍च्‍येते परमेश्‍वरगी खित ज्‍युत्‍च्‍येते ईन। ज्‍येनला ङिङज्‍ये खित्‍कान्‍ते मिचेन परमेश्‍वर फुज्‍युङ फुमु ओङाते मि ईन। थोक्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओङगो।