१ यूहन्‍ना 2:3 - जिरेल

³ थेमे परमेश्‍वरगी खि सिन कोताते खानामेकी ङुरूङगी परमेश्‍वर सु ईन्‍दे, च्‍यि खिते सिन लेमु खाला छ्या स्‍येक्‍यो।

१ यूहन्‍ना 2:3 Iomraidhean Croise

लूका 6:46

थेमे ख्‍योकोन ङे साबाते बात ङेनराङ मेङेन्‍कान मिङ ङाला माने खित्‍च्‍या सिन प्रभु खो छ्ये ईन सिन च्‍यिला सिते?

यूहन्‍ना 14:15

ख्‍योकोनगी ङाला ङिङज्‍ये खासीन ङे खि सिन कोतातेङ खिओ।

यूहन्‍ना 15:10

ख्‍योकोनगी ङे खि सिन कोताते ङेन्‍सीन ङा ख्‍योकोनला ङिङज्‍ये खिन देत्‍क्‍यो। ङेङ आबेकी खि सिन कोताते ङेन्‍दा ओत। थोगी थेकी ङाला ङिङज्‍ये खिनराङ देत्‍क्‍यो।

यूहन्‍ना 15:14

ख्‍योकोनगी ङे खि सिन कोताते ङेन्‍सीन ख्‍योकोन ङे र्‍वाओन ईन।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

हिब्रू 5:9

दोक खाईन परमेश्‍वरगी खि साबाते जति पूरो खाबा ओतेकी थे खोरोङ बात ङेन्‍कान्‍तेबाला थेकी पूरो खाला पापदुकी टाल्‍ला सधैँ स्‍वर्गने देत ज्‍युत्‍क्‍यो।

१ यूहन्‍ना 2:13

छ्येवे, दि सा नाम ज्‍वा भन्‍दा गोमामेईराङ ओताते ख्रीष्‍टला ख्‍योकोनगी छ्या स्‍येबा ओतेकी ङा ख्‍योकोनला दि बात टिगीन ओत। स्‍याराते मिवे, ख्‍योकोनगी खेराङला मेलेबा खित्‍कान्‍ते शैतानला ग्‍याल्‍गीन सिन्‍दा ओतेकी ङा ख्‍योकोनला दि बात टिगीन ओत। फिजावे, ख्‍योकोनगी आबा परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओतेकी ङे ख्‍योकोनला दि बात टिबाते ईन।

१ यूहन्‍ना 3:14

ङुरूङगी स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओत सिन ङुरूङला छ्या ओत। च्‍यिला सासीन ङुरूङ दाक्‍पोन आज्‍यो न्‍वाला ङिङज्‍ये खिओ। ज्‍येनला ङिङज्‍ये मिक्‍किकान्‍ते मिचेन स्‍यिला सजाय ङेत्‍सादुकी थोरूमोङ थारा मेङगो।

१ यूहन्‍ना 3:19

थोक खासीन ङुरूङगी दाक्‍पोन सत्‍यते परमेश्‍वरताङ डिक्‍कान्‍ते मि ईन सिन सिरा थुप्‍क्‍यो। थेमे परमेश्‍वर दोन्‍दु छ्याःङ ज्‍यीबा खिता माफाबो।

१ यूहन्‍ना 3:6

थेत्ताङ डिक्‍ला देत्‍कान्‍ते मिकीचेन सुङगीङ पाप खिन मेदेदो। पाप खिनराङ देत्‍कान्‍ते मि सुङगीङ थेला थोङाङ मेत, थे सु ईन्‍दे, चुक्‍ते ईन्‍दे सिन छ्याङ स्‍येबा मेत।

१ यूहन्‍ना 4:13

परमेश्‍वरगी ङुरूङला थे खोरोङ आत्‍मा बिन्‍दा ओतेकी ङुरूङ परमेश्‍वरताङ डिक्‍ला देत्‍क्‍यो थेमे थे ङुरूङताङ ङ्योम्‍बुराङ देत्‍क्‍यो सिन लेमु खाला छ्या स्‍येक्‍यो।

१ यूहन्‍ना 4:7

ङिङज्‍येते फिजावे, ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो। च्‍यिला सासीन ज्‍येनला ङिङज्‍ये खित्‍च्‍येते परमेश्‍वरगी खित ज्‍युत्‍च्‍येते ईन। ज्‍येनला ङिङज्‍ये खित्‍कान्‍ते मिचेन परमेश्‍वर फुज्‍युङ फुमु ओङाते मि ईन। थोक्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओङगो।

१ यूहन्‍ना 5:19

दि सा लुङबा गाङे मिला मेलेबा खित्‍कान्‍ते शैतान अधीनला ओत। ईन्‍सीनोङ ङुरूङचेन परमेश्‍वर फुज्‍युङ फुमु ईन सिन ङुरूङला लेमु खाला छ्या ओत।

१ यूहन्‍ना 5:2

ङुरूङ परमेश्‍वर फुज्‍युङ फुमुला ङिङज्‍ये खित्‍कान्‍ते ईन सिन दि बातकी छ्य्‌वापेई छ्या स्‍येक्‍यो। चुक सासीन ङुरूङ परमेश्‍वरला ङिङज्‍ये खिओ थेमे थेकी खि सिन कोताते खिओ।

१ यूहन्‍ना 5:3

परमेश्‍वरला ङिङज्‍ये खित्‍च्‍या सिरातेचेन थेकी खि सिन कोताते खित्‍च्‍येते ईन। थेकी खि सिन कोताते खिताला दुक्‍पाङ मेत।

छ्या स्‍ये च्‍युताते बात 12:17

थोक ओङनामेईनी थे डुक थे फेम्‍मे मित्ताङ झन आउदी खाईन स्‍येदाङ खासुङ। थेमे थे डुक थे फेम्‍मे मि सन्‍तानताङ जीला थेबाला दुक्‍पा तेराला गाल्‍सुङ। थे फेम्‍मे मि सन्‍तानचेन परमेश्‍वरगी कोताते खिन येशू सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मिओन ईन।

छ्या स्‍ये च्‍युताते बात 14:12

परमेश्‍वरगी कोताते खिन येशूला विश्‍वास खिन देत्‍कान्‍ते परमेश्‍वर सन्‍तानओनगी जस्‍तो दुक्‍पा ओङसीनोङ सेम मेसेता खाला थोक्‍ते दुक्‍पा खपे खिन देता फाप्‍क्‍यो।

छ्या स्‍ये च्‍युताते बात 22:14

दाक्‍पोन खोलाक टुला सफा जोला ज्‍य्‌वाकान्‍ते मिओन भाग्‍यमानी ईन। थोक खानामेई थेबेकी नोमुङ मिसिन्‍च्‍येते जुनी ङेत्‍च्‍येते दोङबो फलफूल सा ङेत्‍क्‍यो। थेबा थे सारगी गोनेकी खाला थे नाङ स्‍यूक्‍पा ङेत्‍क्‍यो।