१ यूहन्‍ना 2:18 - जिरेल

¹⁸ फिजावे, दि जुग सिन्‍दे बेला लेप्‍सुङ। दि जुग सिन्‍दे खाला ख्रीष्‍टला विरोध खित्‍कान्‍ते मि ओङगो सिन ख्‍योकोनगी थोबाराङ ओत। थरिङोला थोक्‍ते मि काल्‍बेई थेन्‍गीन सिन्‍दा ओत। थोगी ङुरूङगी दि जुग सिन्‍दे बेला लेपाक्‍वा सिन लेमु खाला छ्या स्‍येक्‍यो।

१ यूहन्‍ना 2:18 Iomraidhean Croise

मत्ती 24:11

मि काल्‍बेईकी खोपरोङ परमेश्‍वर बात खित्‍कान्‍ते मि ईन साला मेन्‍दे बात लाप्‍ला काल्‍बेईला छक्‍के खिओ।

मत्ती 24:24

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

मत्ती 24:5

परमेश्‍वरगी तोङगो साबाते ख्रीष्‍ट ङाराङ ईन सिरकान्‍ते मिओन था काल्‍बेई ओङगो। थेबा वाला थोक्‍ते बात खाला मि काल्‍बेईला छक्‍के खिओ।

मर्कूस 13:6

परमेश्‍वरगी मिओनला जोए खिताला तोङगो साबाते मि ङाराङ ईन सिरकान्‍ते मि था काल्‍बेई ओङगो। थेबा वाला थोक्‍ते बात खाला मि काल्‍बेईला छक्‍के खिओ।

यूहन्‍ना 21:5

थेमे थेकी थेबाला “ए होइबावे, ख्‍योकोनगी छ्याःङ माथेप्‍सुङ?” सिन सिरजीन थेबेकी “अहँ, दोक्‍पोईओङ माथेप्‍सुङ,” सिन सिदुक।

रोमी 13:11

थेमे ज्‍येनोङ बात च्‍यि सासीन था गोमा च्‍योकराङ मेन सिन ख्‍योकोनगी विचार खि। काम खिता फाप्‍च्‍या ओत सिन ङिक गाल्‍सादुकी ङिक छेत्‍ला लाङाच्‍योक खाला था ख्‍योकोनगी झन लेमु खाला काम खि। च्‍यिला सासीन ङुरूङगी गोमा येशू ख्रीष्‍टला विश्‍वास खिताला स्‍यूक्‍पे बेलाला परमेश्‍वरगी ङुरूङला पूरो खाला पापदुकी टाल्‍ला स्‍वर्गने देताला खेरच्‍येते समय आदोराङ बाँकी ओतान। थेकी थोक खित्‍च्‍येते समय था काल्‍बा बाँकी मेत।

रोमी 13:12

था नुप गाल्‍गीन नाम लाङा खाबा ओत। थोगी ङुरूङगी ज्‍येनगी थाहा मेछ्येत्‍स्‍यीत सिन मुन्‍दाकला खित्‍च्‍येते च्‍योक्‍ते मेलेबाते काम खित्‍च्‍येते गाङे तोङा फाप्‍क्‍यो। बरू गाङे ङोन्‍दु ङीमे कार्बोलाराङ खिता ओङच्‍येते च्‍योक्‍ते काम खिताला परमेश्‍वरगी तेरच्‍येते हात हतियार चले खिता फाप्‍क्‍यो। दोकचेन ङुरूङगी परमेश्‍वर शक्ति छ्य्‌वापेकी लेमुते कामकामा खिता फाप्‍क्‍यो साबाते ईन।

हिब्रू 1:2

थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।

१ पत्रुस 1:20

दि सा नाम ज्‍वा भन्‍दा गोमाकाराङ परमेश्‍वरगी थेला मिओनला पापदुकी डेलाला छाने खाबा ओतान। थेमे ख्‍योकोनला दोक खाला लेमु खिताला थे दि जुग सिन्‍दे खाला देमा वाबाते ईन।

१ पत्रुस 1:5

ख्‍योकोनगी प्रभु येशूला विश्‍वास खितेकी खित्‍सादु था दि जुग सिन्‍दे खाला ख्‍योकोनला पूरो खाला पापदुकी टाल्‍ला स्‍वर्गने खेरच्‍येते समय ओङ ओङसाकराङ परमेश्‍वरगी थे खोरोङ शक्तिकी ख्‍योकोनला मेलेबा काम खित्‍से छ्य्‌वापेई जोए खाला ज्‍य्‌वाक्‍यो।

१ पत्रुस 4:7

थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

२ पत्रुस 2:1

गोमा इस्राएलीओन नाङ परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन ओता च्‍योकराङ ख्‍योकोन नाङचेन परमेश्‍वर बात लोप्‍कान्‍ते मि ईन सिन मेन्‍दे बात लोप्‍कान्‍ते मिओन ओङगो। थेबेकी ख्‍योकोनला ङ्ये ज्‍युताला परमेश्‍वर बातताङ डिकराङ मिडिक्‍च्‍येते बात लोप्‍क्‍यो। थेबेकीनी खोपरोङ पापकी मोल च्‍याल्‍ला खोपरोङला पापदुकी डेल्‍कान्‍ते छ्येज्‍यीक शक्ति ओताते प्रभु येशूला मानेराङ मिक्‍किओ। दोक दोक खानामेई थेबे गोःनामा परमेश्‍वर सजाय फाप्‍क्‍यो।

२ पत्रुस 3:3

दि बातज्‍यीक ख्‍योकोनगी लेमु खाला छ्या स्‍येबा खि। च्‍यि सासीन येशू ख्रीष्‍ट दुरू ग्‍युरला ओङा भन्‍दा गोमाचेन दाक्‍पोन खुशी खिन मेलेबा मेलेबा काम खित्‍कान्‍ते मिओनगी ख्‍योकोन खिस्‍यी खिन

१ यूहन्‍ना 2:22

थोक ईन्‍सीन था सुला ढाँर खित्‍कान्‍ते ईन सिन सिरच्‍ये? जसकी येशू परमेश्‍वरगी तोङगो साबाते ख्रीष्‍ट मेन खिदुक थेचेन ढाँर खित्‍कान्‍ते ईन। ख्रीष्‍टला विरोध खित्‍कान्‍ते मि होथेराङ ईन। थोक्‍ते मिकीचेन येशू परमेश्‍वर फुज्‍युङ मेन थेमे परमेश्‍वर थे आबा मेन सिन सिओ।

१ यूहन्‍ना 4:1

ङिङज्‍येते फिजावे, सुइँदेकी ङाला दि बात परमेश्‍वर आत्‍मेकी सिर च्‍युताते ईन सिन सिरजीनमेईराङ थोक्‍ते मि गाङे बात पत्ते माकेत। बरू थेबेकी साबाते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन लेमु खाला छ्या स्‍येबा खि। च्‍यिला सासीन परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन सा लुङबा खाङ ठाम्‍गीन सिन्‍दा ओत।

१ यूहन्‍ना 4:3

दि बात मेन सिरकान्‍ते मिकीचेन परमेश्‍वर आत्‍मेकी सिर च्‍युताते बात खाबाते मेन। थोक्‍ते मिनी ख्रीष्‍टला विरोध खित्‍कान्‍ते मिकी सिर च्‍युताते बात लोप्‍कान्‍ते ईन। ख्रीष्‍टला विरोध खित्‍कान्‍ते मि ओङगो सिन ख्‍योकोनगी थोबाराङ ओत। थे मि थरिङोला दि सा लुङबादु वाकीन सिन्‍दाङ ओत।

२ यूहन्‍ना 1:7

थेमे सत्‍यते बातताङ मिडिक्‍च्‍येते बात लाप्‍ला ज्‍येनला छक्‍के खित्‍कान्‍ते मिओन दि सा लुङबा खाङ ठाम्‍गीन सिन्‍दा ओत। थेबेकी येशू ख्रीष्‍ट दुरू मि जुनी लाकीन वाबाते मेन सिन सिओ। होथोक्‍ते मिचेन ज्‍येनला छक्‍के खित्‍कान्‍ते थेमे ख्रीष्‍टला विरोध खित्‍कान्‍ते मि ईन।

यहूदा 1:18

थेबेकीचेन “प्रभु येशू ख्रीष्‍ट ग्‍युरला ओङा भन्‍दा गोमा थेला विश्‍वास खित्‍कान्‍ते मिओनला खिस्‍यी खित्‍कान्‍ते मितेबा ओङगो। खोपरोङ सेम मेलेबा ओतेकी थेबेकी खोपरोङला जे खिता सेम लाङगीदुक थेराङ खिओ,” सिन साबा ओतान, मेन?