१ यूहन्‍ना 2:16 - जिरेल

¹⁶ दि सा लुङबे मिओनगीनी जसकीङ दाक्‍पोनला जे जे खिता सेम लाङगीदुक थेराङ खित्‍च्‍येते, मिगी थोङाते जति जेसुकैते लोभ खित्‍च्‍येते थेमे ङा छेत सुङ मेन सिराच्‍योक खित्‍च्‍येतेकामा खिओ। थोक खि सिन आबा परमेश्‍वरगी साबाते ईनराङ मेन। दोक खित्‍च्‍येतेनी दि सा लुङबे मि खोपरोङ सेमगी नाङदुई ओङच्‍येते ईन।

१ यूहन्‍ना 2:16 Iomraidhean Croise

मत्ती 4:8

लोईन थेकी येशूला आउदी थोम्‍बोज्‍यीक बोमदु खेरगीन दि सा लुङबा खाङ ओताते जोदाते टेक्‍टेते लुङबा गाङे थेमे लुङबा लुङबाला ओताते जेसुकै सम्‍पत्तिताङ गेल्‍बो दरवारतेबा गाङे तेन्‍सुङ।

मत्ती 5:28

ङाचेन ख्‍योकोनला च्‍यि सिते सासीन सुइँदेकी सुइँदा फेम्‍मे मिला खइँदा मेलेबा विचारगी तासुङ सासीनकामाङ थेकी थे फेम्‍मे मित्ताङ रन्‍डीबाजी खाबा छेतराङ ईन सिन सिओ।

लूका 4:5

थेमे शैतानगी थेला आउदी थोम्‍बोज्‍यीक बोमदु खेरगीन च्‍याकीन रकस्‍यिकला दि सा लुङबा खाङ ओताते जोदाते टेक्‍टेते लुङबा गाङे तेन्‍सुङ।

रोमी 13:14

खेराङला जे जे खिता सेम लाङगीदुक थे थेराङ माकेत। दाक्‍पोन खुशीला ख्‍याम्‍बा लेमु मेन साला बरू ख्‍योकोनगी जे खासीनोङ प्रभु येशू ख्रीष्‍टकी खित ज्‍युता चाला च्‍योक्‍तेकामा खि।

१ कोरिन्‍थी 10:6

थेबेकी च्‍यि खित्‍जीन चुक चुक ओङसुङा सिन छ्या स्‍येनामेई ङुरूङगी थेबेकी च्‍योकराङ मेलेबा काम खित्‍च्‍येते सेम खिता मेङगो सिन खोबा फाप्‍क्‍यो। ख्‍योकोनगीङ थेबेकी खाबाच्‍योक माकेत।

गलाती 5:17

दाक्‍पोन खुशीला ख्‍याम्‍कान्‍ते मिकी परमेश्‍वर आत्‍मेकी खित ज्‍युता चालाच्‍योक खिता मोछोलो। थोकराङ खाला परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिकीचेन दाक्‍पोन सेमला लाबा लाबा खिता मोछोलो। दोक खाला परमेश्‍वर आत्‍मेकी खित ज्‍युत्‍च्‍येते कामताङ दाक्‍पोन खुशीला ख्‍याम्‍च्‍येते बात डिकराङ मिडिगो। दाक्‍पोन खुशीला माख्‍याम्‍स्‍यीत सिन परमेश्‍वर आत्‍मेकी ख्‍योकोनला थे खोरोङगी खि साबाच्‍योक खित ज्‍युता छोल्‍ग्‍यो।

गलाती 5:24

येशू ख्रीष्‍टताङ जीउज्‍यीकराङ ओङाते मिओनगीचेन थानामेई थोक मिक्‍किओ सिन दाक्‍पोन खुशीला ख्‍याम्‍च्‍येते बानी येशू ख्रीष्‍ट टाँए खाईन स्‍याप्‍ते स्‍यिङगी थामला टाँए खाईन सिन्‍दा ओत। थोक खाईन दाक्‍पोन खुशीला ख्‍याम्‍च्‍येते बानी ताङगीन सिन्‍दा ओतेकी था थेबेकी दाक्‍पोनला च्‍यि च्‍यि खिता सेम लाङगीका थोकराङ खिता माफाबो।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

तीतस 2:12

परमेश्‍वर दयेकी खित्‍सादु चुक चुक खिता फाप्‍कीते सिन ङुरूङ लोप्‍कीन ओत। थोगी ङुरूङगी परमेश्‍वरगी माकेत साबाते काम खित्‍च्‍येते थेमे पापताङ लोभ खित्‍च्‍येते ताङला दाक्‍पोन सेम काबूला ज्‍य्‌वाबा थुप्‍क्‍यो थेमे दि कलि जुगला थेकी खि साबा साबाच्‍योक खिन थेला झन लेमु खाला माने खिता थुप्‍क्‍यो।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

याकूब 3:15

ख्‍योकोनगी बात खाबा च्‍योक्‍ते बुद्धिनी परमेश्‍वरगी बिन्‍दाते ईनराङ मेन। दिनी दि सा लुङबे मिओनगी बात खित्‍च्‍येते च्‍योक्‍ते बुद्धि बात ईन। दोक्‍ते बुद्धिनी दाक्‍पोन खुशी खित्‍कान्‍ते मित्ताङ ओङच्‍येते बुद्धि ईन। थेमे शैतानगी कोता कोता ङेन्‍कान्‍ते मिओनताङ ओङच्‍येते बुद्धि ईन।

याकूब 4:16

ख्‍योकोन ङा दोक खितामीन, थोक खितामीन सिन छ्ये खिन बात खिदुक। थोक खाला छ्ये खित्‍च्‍येते लेमु मेन।

१ पत्रुस 1:14

लाःपा कोताते ङेन्‍कान्‍ते फिजा च्‍योकराङ ओङला परमेश्‍वरगी कोताते ङेन। गोमाबा ख्‍योकोन छ्याःङ छ्या मेस्‍येकान्‍ते मि च्‍योक दाक्‍पोन सेमला लाबा लाबा खिन ओतान, था थोक माकेत।

१ पत्रुस 2:11

ङिङज्‍येते आज्‍यो न्‍वावे, ख्‍योकोन दुरू टिक्‍पी दिनकामा देत्‍च्‍येते ईन्‍देकी मि लुङबे मि च्‍योकराङ ईन। थोगी ओर्च्‍ये, ख्‍योकोन ङे दोक्‍ते कामताङ बात खिता मेङगो सिन छ्या ओत्‍कीन ओत्‍कीनोङ ङे दोक माक्‍याबाला ओङराङ मेङगो सिराच्‍योक खाला खेराङ सेमला लाबा लाबा खित्‍च्‍येते नोमुङ छ्याःङ माकेत।

२ पत्रुस 2:10

खास खालाचेन खोपरोङ सेम मेलेबा ओत्‍कीन दाक्‍पोन खुशी खिन खिता मेङच्‍या आउदी मेलेबा मेलेबा काम खित्‍कान्‍ते थेमे परमेश्‍वरताङ ज्‍येन सुङगीङ अधीनला मेदेत्‍कान्‍तेबाला चुक खाला सजाय तेरा फाप्‍कीते सिन थेला लेमु खाला छ्या ओत। परमेश्‍वर बातताङ मिडिक्‍च्‍येते बात लोप्‍कान्‍ते होथे मिओनगी सुङताङ ज्‍यीबा ख्‍यारा मिक्‍किता खाला ङा ङाराङ ईन सिराच्‍योक खिओ। थेबेकीनी पाप खित्‍कान्‍ते परमेश्‍वर दूतओनलाङ छ्याःङ ज्‍यीबा मिक्‍किता खाला विरोध खिओ।

२ पत्रुस 2:18

च्‍यिला सासीन थेबेकी काम लै खित्‍च्‍येते बात सिराते छ्याःङ मोलोबो। खोपरोङ जे बादोङ छ्या स्‍येकान ईन सिराच्‍योक खाला आउदी छ्ये छ्ये बात खिओ। दाक्‍पोन खुशी खिन दि सा लुङबे मिओनगी खित्‍च्‍येते च्‍योक्‍ते खिता मेङच्‍या ङोचा लाङच्‍येते काम खिता ताङगीन भर्खर भर्खर परमेश्‍वरला विश्‍वास खिताला स्‍यूबाते मिओनला दिबेकी होथोक्‍ते काम खासीन छ्याःङ मेङगो साला लोक्‍ला गोमा खाबाते होथोक्‍ते कामराङ खित ज्‍युत्‍कीदुक।