१ यूहन्‍ना 2:15 - जिरेल

¹⁵ ख्‍योकोन सुङगीङ परमेश्‍वरला माने मिक्‍किकान्‍ते दि सा लुङबे मिओनगी खिताच्‍योक माकेत, दि सा लुङबे सम्‍पत्तिताङ होदोक्‍ते छ्याःङ कुरोतेङ लोभ माकेत। परमेश्‍वरला माने मिक्‍किकान्‍ते दि सा लुङबे मिओनगी खिताच्‍योक खित्‍कान्‍ते मिकीचेन आबा परमेश्‍वरला ङिङज्‍ये खिता मुथुबो।

१ यूहन्‍ना 2:15 Iomraidhean Croise

मत्ती 4:8

लोईन थेकी येशूला आउदी थोम्‍बोज्‍यीक बोमदु खेरगीन दि सा लुङबा खाङ ओताते जोदाते टेक्‍टेते लुङबा गाङे थेमे लुङबा लुङबाला ओताते जेसुकै सम्‍पत्तिताङ गेल्‍बो दरवारतेबा गाङे तेन्‍सुङ।

मत्ती 6:24

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो।

लूका 16:13

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो,” सिन सिदुक।

यूहन्‍ना 15:19

ख्‍योकोनोङ दि सा लुङबे मिराङ ईन्‍दा ईन्‍सीन थेबेकी ख्‍योकोनला खोपरोङ मिला च्‍योकराङ खाला ङिङज्‍ये खित्‍च्‍या ओतान। ख्‍योकोनला ङे थेबे नाङदुई छाने खाबाते ईन्‍देकी ख्‍योकोनचेन दि सा लुङबे मि मेन। थोगीराङ थेबेकी ख्‍योकोनला मिगी थोङसार्मु खिओ।

रोमी 12:2

था ख्‍योकोनगी परमेश्‍वरला माने मिक्‍किकान्‍ते दि सा लुङबे मिओनते च्‍योक्‍ते चालचलनताङ बानी बिवारा गाङे थोङ। खेराङ सेम परमेश्‍वरला खुदुक जोला नाङ साला ख्‍योकोन सेम लेमु ओताते मि ओङा फाप्‍क्‍यो। दोक ओङनामेई परमेश्‍वरगी खेराङला च्‍यि च्‍यि खि सिरच्‍या ईन्‍दाका सिन ख्‍योकोनगी लेमु खाला छ्या स्‍येबा थुप्‍क्‍यो। दोक खाला ख्‍योकोनगी परमेश्‍वरला मन परे खित्‍च्‍येतेताङ लेमुते काम च्‍यि ईन्‍दाका सिन डेला थुप्‍क्‍यो।

गलाती 1:10

ङे दोक सिन सिनोङ थोरूमोङ च्‍यि परमेश्‍वरला मेन्‍देकी मिओनला खुशी ज्‍वाप्‍लाका ङे दि बातओन साबाते ईन्‍दासीन सिराच्‍योक लाङगीदुक? ना मिओनगी ङाराङला लेमु मि सिरस्‍यीत सिन ङे दोक साबाते ईन सिराच्‍योक लाङगीका? ङा थोक खाला मि मान छोल्‍कान्‍ते ईन्‍सीन ङा ख्रीष्‍टकी काम खित्‍कान्‍ते ईन सिन ङे चुक खाला सिरा थुप्‍च्‍या ओतानेरो?

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।

याकूब 1:27

आबा परमेश्‍वरगी खि साबाच्‍योक खित्‍च्‍या सिरातेनी सुङ मेत्‍कीन दुक्‍पा ङेता ओताते ट्वारा टिङग्रेताङ ख्‍योबो स्‍याप्‍ते फेम्‍मे मिओन दुक्‍पा थोङला थेबाला लेमु खित्‍च्‍येते थेमे परमेश्‍वरला छ्या मेस्‍येकान्‍ते दि सा लुङबे मिओनगी खिताच्‍योक मेलेबा काम मिक्‍किच्‍येते ईन।

याकूब 4:4

ख्‍योकोनचेन परमेश्‍वरला माने खिता ताङाते मि ईन। दि सा लुङबे मि च्‍योकराङ सम्‍पत्ति छ्य्‌वापा सेम लै खित्‍कानताङ दाक्‍पोन विचारकामा खित्‍कान्‍ते मि परमेश्‍वरताङ डिक्‍पा मुथुबो सिन च्‍यि ख्‍योकोनला छ्या मेत? सम्‍पत्ति छ्य्‌वापा सेम लै खित्‍कानताङ दाक्‍पोन विचारकामा खित्‍कान्‍ते मिनी परमेश्‍वरताङ डिक्‍पाराङ मुथुबो।

१ यूहन्‍ना 3:17

दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?

१ यूहन्‍ना 4:5

होथे मेन्‍दे बात लोप्‍कान्‍ते मिओन दि सा लुङबे मि ईन्‍देकी थेबेकी खालि दि सा लुङबे मिओनगी खित्‍च्‍येते च्‍योक्‍ते बात खिओ। थेमे थेबा च्‍योक्‍ते मिकीङ होथेबे बातराङ ङेन्‍ग्‍यो।

१ यूहन्‍ना 5:10

थोगी येशू परमेश्‍वर फुज्‍युङ ईन सिन थेला विश्‍वास खित्‍कान्‍ते मिकी थे परमेश्‍वर फुज्‍युङ ईन सिरच्‍येते बातला छ्याःङ शंका मिक्‍किओ। थे परमेश्‍वर फुज्‍युङ मेन सिन सिरकान्‍ते मिकीचेन परमेश्‍वरनी ढाँर खित्‍कान्‍ते ईन साबाते ईन। च्‍यिला सासीन थोक्‍ते मिकी परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात पत्तेराङ खाबा मेङगो।