१ यूहन्ना 2:13 - जिरेल13 छ्येवे, दि सा नाम ज्वा भन्दा गोमामेईराङ ओताते ख्रीष्टला ख्योकोनगी छ्या स्येबा ओतेकी ङा ख्योकोनला दि बात टिगीन ओत। स्याराते मिवे, ख्योकोनगी खेराङला मेलेबा खित्कान्ते शैतानला ग्याल्गीन सिन्दा ओतेकी ङा ख्योकोनला दि बात टिगीन ओत। फिजावे, ख्योकोनगी आबा परमेश्वर सु ईन्दे, चुक्ते ईन्दे सिन छ्या स्येबा ओतेकी ङे ख्योकोनला दि बात टिबाते ईन। Faic an caibideil |
१ यूहन्ना 2:13
36 Iomraidhean Croise
सोन देप्जीन कोई कोई लामला फाप्क्यो। लामला फाप्कीन छ्योज्युङमेकी तुकीन सोबाते सोन साबातेचेन स्वर्गे राज्य बात थोकान्तेबे नाङ थरीज्यीक मिला साबाते ईन। थोक्ते मितेचेन स्वर्गे राज्य बात ङेन्च्ये सेमराङ मेतेकी थे बात थोसीनोङ थे च्यि ईन्दे सिन लेमु खाला मोखोओ। थोक ईन्देकी मिला मेलेबा खित्कान्ते शैतानगी थेबेकी थोबाते बात होत्ताराङ टोक ज्येत ज्युत्क्यो।
याङराङ थेकी “आबेकी ओताते जति गाङे ङे जिम्माला बिन्दा ओत। थेमे ङाला गाङे बात छ्या स्ये च्युता ओत। ङा चुक्ते ईन्दे सिन आबेकीकामा छ्या स्येक्यो। थोकराङ खाला आबा चुक्ते ईन्दे सिनोङ ङेकामा छ्या स्येक्यो। ङेकामा मेन, ङे छ्या स्ये ज्युता चालाते मिओनगीङ आबाला लेमु खाला छ्या स्येक्यो,” सिन सिदुक।
परमेश्वरगी सा नाम जोजीन “मुन्दाकते ठाउँदु नाम्दाक ओङस्यीत,” सिन साबा ओतान। होथोक सिरकान्ते परमेश्वरगीराङ मुन्दाकते ठाउँदु नाम्दाक ओङ च्युताच्योक खाईन थे खोरोङ सु ईन्दे थेमे थेत्ताङ चुक छ्येज्यीक शक्ति ओते सिन ङुरूङला छ्या स्ये च्युत्सुङ। दि बात ङुरूङगी ख्रीष्टला ताकीन छ्या स्येबाते ईन।
छ्येवे, दि सा लुङबा ज्वा भन्दा गोमामेईराङ ओताते ख्रीष्टला ख्योकोनगी छ्या स्येबा ओतेकी ङे ख्योकोनला दि बात टिबाते ईन। स्याराते मिवे, ख्योकोनगी परमेश्वर शक्ति ङेता ओतेकी, परमेश्वर बात खेराङ सेमला ज्याक्पेकी थेमे खेराङला मेलेबा खित्कान्ते शैतानला ग्याल्गीन सिन्दा ओतेकी ङे ख्योकोनला दि बात टिबाते ईन।
ङुरूङला ज्येनोङ बात च्यि छ्या ओते सासीन परमेश्वर फुज्युङगी दुरू वाकीन परमेश्वर सु ईन्दे, चुक्ते ईन्दे सिन ङुरूङला छ्या स्ये च्युत्सुङ। थेकी दोक खानामेई ङुरूङ सत्यते परमेश्वरताङ डिक्पा थुप्सुङ थेमे परमेश्वर फुज्युङ येशू ख्रीष्टताङ डिक्पा थुप्सुङ। येशू ख्रीष्टचेन सत्यते परमेश्वर ईन, नोमुङ मिसिन्च्येते जुनी तेरकान्तेङ थेराङ ईन।
Sanasan