१ यूहन्‍ना 2:12 - जिरेल

¹² फिजावे, येशू ख्रीष्‍टकी खाबाते कामगी खित्‍सादु ख्‍योकोन पाप माफ ओङा ओतेकी ङा ख्‍योकोनला दि बात टिगीन ओत।

१ यूहन्‍ना 2:12 Iomraidhean Croise

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

लूका 5:20

थेकी ठाक्‍पा खिता थुप्‍क्‍यो सिन थेबेकी थे खोरोङला थोक विश्‍वास खाबा थोङगीन येशूकी थे कुज्‍येला “फुज्‍यो, ङे खुई खाबाते पाप गाङे माफ खाबान,” सिन सिदुक।

शक्ति काम 10:43

थेमे परमेश्‍वर बात खित्‍कान्‍ते मि गाङेकी गोमाकाराङ येशू ख्रीष्‍ट विषयला बात खाईन थेला विश्‍वास खित्‍कान गाङेला परमेश्‍वरगी थेबेकी खाबाते पाप गाङे माफ तेरग्‍यो। दोक खाला पाप माफ तेरच्‍येते थेकी येशू ख्रीष्‍टकी खाबाते कामगी खित्‍सादु खिओ सिरच्‍येते बात खाबा ओतान,” सिन सिदुक।

शक्ति काम 13:38

बात दोक दोक ईन्‍देकी आज्‍यो न्‍वावे, येशूकी खित्‍सादुराङ खेराङ पाप माफ ओङगो सिन था ख्‍योकोन गाङेकी लेमु खाला छ्या स्‍येबा खि।

शक्ति काम 4:12

थोगी मिओनला दुक्‍पादुकी डेल्‍कान्‍ते खालि येशू ख्रीष्‍टकामा ईन। मि गाङेला पापताङ दुक्‍पादुकी डेल्‍कान्‍ते ज्‍येन सुङ मेतेकी परमेश्‍वरगी थेलाराङ दि सा लुङबादु ताङाते ईन। थेकीकामा ङुरूङला पापकी सजायदुकी डेला थुप्‍क्‍यो,” सिन सिदुक।

१ कोरिन्‍थी 6:11

ख्‍योकोनोङ कोई कोई गोमाबा होथोक्‍ते मिराङ ओतान। तर प्रभु येशू ख्रीष्‍टताङ परमेश्‍वर आत्‍मेकी ख्‍योकोनला ठु खाईन चोके खाबाच्‍योक खाईन पापदुकी टाल्‍गीन बिन्‍दा ओत, ख्‍योकोन सेम खुदुक जोबा ओत थेमे परमेश्‍वर दोन्‍दु दोषी मेन साबा ओत।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

एफिसी 4:32

बरू दोक्‍पोईकी ज्‍येनज्‍यीकला ङिङज्‍ये खाला दुक्‍पाला तो। थेमे ख्रीष्‍टकी खाबाते कामगी खित्‍सादु परमेश्‍वरगी खेराङ पाप माफ बिन्‍दा च्‍योकराङ खाला ख्‍योकोनगीङ दाक्‍पोनला मेलेबा खित्‍कानला माफ बिन।

कलस्‍सी 1:14

परमेश्‍वर फुज्‍युङगी खाबाते कामगी खित्‍सादु ङुरूङ पापकी सजायदुकी ठाला ओत, ङुरूङ पाप गाङे माफ ओङा ओत।

१ यूहन्‍ना 1:4

दोक ओङला ङुरूङ छ्याःङ पीर मिक्‍किता खाला आउदी गा खिन देता थुप्‍स्‍यीत सिन ङ्योकोन दि बाततेबा टिगीन ओत।

१ यूहन्‍ना 1:7

परमेश्‍वर नाम्‍दाकला देता ओता च्‍योकराङ खाला ङुरूङोङ थे नाम्‍दाकला देत्‍कीन लेमु काम खासीन ङुरूङ दाक्‍पोन नाङ ङ्योम्‍बुराङ डिक्‍ला देता थुप्‍क्‍यो। थेमे परमेश्‍वर फुज्‍युङ येशू थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ङुरूङ पाप गाङे माफ ओङगो।

१ यूहन्‍ना 1:9

बरू ङुरूङगी ए परमेश्‍वर, ङ्योकोनगी दोक दोक पाप खाबाप, थोक खाबाते लेमु मेन्‍दाक्‍वा सिन सासीन थेकी ङुरूङ पाप माफ तेरग्‍यो, ङुरूङगी खाबाते गाङे मेलेबा काम माफ खिओ। च्‍यिला सासीन परमेश्‍वर थे खोरोङगी खिओ साबाच्‍योक खित्‍कान्‍ते थेमे लेमु काम खित्‍कान्‍ते ईन।

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।

१ यूहन्‍ना 2:21

सत्‍यते बात च्‍यि ईन्‍दे सिन ख्‍योकोनला छ्या मेत सिन ङे दि बात टिबाते मेन। सत्‍यते बात ख्‍योकोनला लेमुराङ खाला छ्या ओत। सत्‍यते बात खित्‍कान्‍तेकी नोमुङ ढाँर मिक्‍किओ सिनोङ ख्‍योकोनला छ्याराङ ओत।

१ यूहन्‍ना 2:7

ङिङज्‍येते फिजावे, प्रभु येशूकी खि सिन कोताते ङे टिगीन ओताते दि बात ख्‍योकोनगी गोमा माथोबाते बातनी मेन। दि बात ख्‍योकोनगी थेला विश्‍वास खिता छोमुमेईराङ थोबाते बात ईन। दि बातचेन ख्‍योकोनगी थोबा ओताते गा लाङच्‍येते बातराङ ईन।