१ यूहन्‍ना 2:11 - जिरेल

¹¹ दाक्‍पोन आज्‍यो न्‍वाला मिगी थोङसार्मु खित्‍कान्‍ते मिकीचेन थे खोरोङगी च्‍यि खिन ओते, खापा डुइन ओते सिन छ्याःङ छ्या मेस्‍येओ। मुन्‍दाकला देत्‍कीन मेलेबा काम खिन ओतेकी खित्‍सादु थे अन्‍ध च्‍योकराङ गाला ओङगो।

१ यूहन्‍ना 2:11 Iomraidhean Croise

यूहन्‍ना 12:35

थेरूई थेकी थेबाला “था टिक्‍पी दिनसाककामा स्‍वर्गे नाम्‍दाक ख्‍योकोनताङ देत्‍क्‍यो। थोगी ख्‍योकोन नाम्‍दाकला ख्‍योम। स्‍वर्गे नाम्‍दाक ख्‍योकोनताङ देत देतसाक ख्‍योकोन मुन्‍दाकला ख्‍याम्‍बा माफाबो। मुन्‍दाकला ख्‍याम्‍कान्‍ते मिला थे खोरोङ खापा डुइन ओते सिन छ्याःङ छ्या मेङगो।

यूहन्‍ना 12:40

चुक सासीन “प्रभु परमेश्‍वरगी थेबे मिक छ्याःङ मोथोङच्‍या जोला दुक। थेमे थेबे सेमोङ छ्याःङ छ्या मेस्‍येच्‍या जोकीन बिन्‍ला दुक। थोक ईन्‍देकीराङ थेबा परमेश्‍वरगी खाबाते काम थोङसीनोङ छ्याःङ खोबा मुथुप्‍च्‍या गाल्‍ला दुक थेमे परमेश्‍वर बात थोसीनोङ छ्याःङ छ्या मेस्‍येच्‍या गाल्‍ला दुक,” साकीन “थोगीराङ थेबा ङे छ्य्‌वापा लै मिक्‍किदुक। थोक खाबा ईन्‍सीन ङा थेबाला थेबे पापदुकी टाल्‍ला लेमु खित्‍च्‍या ओतान,” सिन प्रभु परमेश्‍वरगी साबाते बादोङ साबा ओतान।

२ कोरिन्‍थी 3:14

थेजीन इस्राएलीओन छ्याःङ मोखोच्‍या गाला ओतान। थेबा थोरूमोङ थोकराङ ओतेकी मोशेकी टिबाते परमेश्‍वर नियम पढे खित्‍जीन थेबेकी छ्याःङ मोखोदुक। ख्रीष्‍टकी छ्य्‌वापेईकामा थे बात लेमु खाला खोबा थुप्‍क्‍यो।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

२ पत्रुस 1:9

होदोक दोक मिक्‍किकान्‍ते मिचेन अन्‍ध च्‍योकराङ ईन। थोक्‍ते मिकी तिरी बात छ्याःङ विचार मिक्‍किओ। थे खोरोङगी गोमा खाबाते पापदुकी थेला प्रभु येशू ख्रीष्‍टकी टाला ओत सिरच्‍येते बादोङ थेकी टोक ज्‍येत्‍कीन सिन्‍दा ओङगो।

१ यूहन्‍ना 1:6

थोक ईन्‍देकी ङुरूङ परमेश्‍वरताङ ङ्योम्‍बुराङ डिक्‍ला देत्‍कान्‍ते मि ईन सालाङ मेलेबा कामराङ खिन देत्‍सीन ङुरूङगी ढाँर खाबाते ईन, सत्‍यते परमेश्‍वरगी खि साबाच्‍योक खाबाते मेन।

१ यूहन्‍ना 2:10

दाक्‍पोन आज्‍यो न्‍वाला ङिङज्‍ये खित्‍कान्‍ते मिचेन नाम्‍दाकला देत्‍ला लेमु काम खित्‍कान्‍ते ईन। लेमु काम खानामेई थेला छ्याःङ मेलेबा मेङगो।

१ यूहन्‍ना 2:9

सुइँदेकी ङानी नाम्‍दाकला देत्‍ला लेमु काम खित्‍कान्‍ते मि ईन खिदुक तर थे खोरोङ आज्‍यो न्‍वाला मिगी थोङसार्मु खिदुक सासीन थेनी थोरूमसाक मुन्‍दाकला देत्‍ला मेलेबा काम खित्‍कान्‍ते मि ईन।

१ यूहन्‍ना 3:15

दाक्‍पोन आज्‍यो न्‍वाला मिगी थोङसार्मु खित्‍कान्‍ते मिचेन ज्‍यानमारा ईन। थोक्‍ते मि नोमुङ मिसिन्‍च्‍येते जुनी ङेताते मि मेन सिन ख्‍योकोनला छ्याराङ ओत।

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

छ्या स्‍ये च्‍युताते बात 3:17

ख्‍योकोनचेन ङेल्‍ला जेसुकै दाङा ख्‍योपा ओत, ङेल्‍ला मादाङच्‍या मोख्‍योप्‍च्‍या सिराते छ्याःङ मेत। ङेल्‍लानी था छ्याःङ मोगोओ खिदुक। खेराङ दुक्‍पा ङेताते, थोङजीनोङ ङिङज्‍ये लाङच्‍या गालाते, छ्याःङ मेत्‍कान गालाते, अन्‍ध गालाते थेमे ताजीनोङ ङोचा लाङच्‍या पेर्दुङबाराङ गालातेनी ख्‍योकोनला छ्याराङ मिन्‍दुक।