१ यूहन्‍ना 1:9 - जिरेल

⁹ बरू ङुरूङगी ए परमेश्‍वर, ङ्योकोनगी दोक दोक पाप खाबाप, थोक खाबाते लेमु मेन्‍दाक्‍वा सिन सासीन थेकी ङुरूङ पाप माफ तेरग्‍यो, ङुरूङगी खाबाते गाङे मेलेबा काम माफ खिओ। च्‍यिला सासीन परमेश्‍वर थे खोरोङगी खिओ साबाच्‍योक खित्‍कान्‍ते थेमे लेमु काम खित्‍कान्‍ते ईन।

१ यूहन्‍ना 1:9 Iomraidhean Croise

मत्ती 3:6

थेमे थेबाबरीकी ङ्योकोनगी दोक दोक पाप खाबाप, थोक खाबाते लेमु मेन्‍दाक्‍वा सिन सानामेई यूहन्‍नेकी थेबाला यर्दन चाङबोदुराङ छ्युला लुगीन बप्‍तिस्‍मा बिन्‍सुङ।

मर्कूस 1:5

यहूदिये अञ्‍चल नाङलेई थेमे यरूशलेम सारगी नाङलेई मि गाङेराङ यूहन्‍ने बात ङेन्‍दाला थेरू वाबा ओतान। थेमे थेबाबरीकी ङ्योकोनगी दोक दोक पाप खाबाप, थोक खाबाते लेमु मेन्‍दाक्‍वा सिन सानामेई यूहन्‍नेकी थेबाला यर्दन चाङबोदुराङ छ्युला लुगीन बप्‍तिस्‍मा बिन्‍सुङ।

लूका 22:57

थेकी थोक सिरजीन पत्रुसकी “खो सुई बात खिन ओते? ङेनी थे मिला ङोराङ मेस्‍येओ,” सिन सिदुक।

यूहन्‍ना 17:25

आबा, खो खालि लेमुते कामताङ बातकामा खित्‍कान्‍ते ईन। दि सा लुङबे मिओनगी खोल्‍ला छ्या मास्‍येसीनोङ ङा खोल्‍ला छ्या स्‍येक्‍यो। ङाला विश्‍वास खित्‍कान्‍ते मिओनगी खुईराङ ङाला ताङाते ईन सिन छ्या स्‍येसुङ।

शक्ति काम 19:18

थेमे येशूला विश्‍वास खित्‍कान्‍तेबे नाङ काल्‍बेईकी वाकीन ङ्योकोन थोरूमोङ स्‍युत्‍च्‍या फुत्‍च्‍या खिन ओतान साकीन खोपरोङगी खाबाते काम गाङे ङोन्‍दु लाःप्‍सुङ।

रोमी 3:26

थोकराङ खाईन थरिङोला येशूला विश्‍वास खित्‍कान्‍ते मिओन पाप माफ बिन्‍ला थेबा दोषी मेन सिरजीनोङ थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

१ कोरिन्‍थी 1:9

परमेश्‍वरचेन थे खोरोङगी खिओ साबा च्‍योकराङ खित्‍कान्‍ते ईन। थेकीराङ ख्‍योकोनला थे खोरोङ फुज्‍युङ ङुरूङ प्रभु येशू ख्रीष्‍टताङ ङ्योम्‍बुराङ डिक्‍ला देताला थे खोरोङ दोन्‍दु स्‍योक सिन काताङाते ईन।

१ कोरिन्‍थी 6:11

ख्‍योकोनोङ कोई कोई गोमाबा होथोक्‍ते मिराङ ओतान। तर प्रभु येशू ख्रीष्‍टताङ परमेश्‍वर आत्‍मेकी ख्‍योकोनला ठु खाईन चोके खाबाच्‍योक खाईन पापदुकी टाल्‍गीन बिन्‍दा ओत, ख्‍योकोन सेम खुदुक जोबा ओत थेमे परमेश्‍वर दोन्‍दु दोषी मेन साबा ओत।

एफिसी 5:26

थेकी थोक खाबातेचेन थेबा परमेश्‍वरला मन परे खित्‍च्‍येते मि ओङस्‍यीत सिनराङ ईन। दोक ओङाला छ्युला लुक्‍ला बप्‍तिस्‍मा तेरजीन थेमे थेजीन लापाते परमेश्‍वर बातकी छ्य्‌वापेई थेकी थेबाला पापदुकी टाल्‍गीन बिन्‍सुङ।

१ तिमोथी 1:15

येशू ख्रीष्‍ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्‍येते बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन। थेमे पापीओन नाङ आउदी खाला पाप खित्‍कान्‍ते मि ङाराङ ईन।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 10:23

ङुरूङचेन परमेश्‍वर खिओ साबा च्‍योकराङ खित्‍कान्‍ते ईन्‍देकी थेकी दाक्‍पोनला तेरग्‍यो साबाते जति गाङे ङेत्‍क्‍यो सिन सिओ। थोगी थेकी थोक खिओ सिन आश खाईन गुकीन देताते ङेत्‍क्‍योतराङ सिन ङुरूङ छ्याःङ शंका मिक्‍किता खाला देता फाप्‍क्‍यो।

हिब्रू 11:11

परमेश्‍वरगी साबा च्‍योकराङ खिओ सिन अब्राहामगी थेला विश्‍वास खाबेकीराङ थे खोरोङ थेमे फेम्‍मेते सारा थोक गान्‍दा गाम्‍मा गाला ओत्‍सीनोङ थेबेते फिजा केसुङ। सारा नोमुङ फिजा क्‍या मुथुप्‍च्‍या ओत्‍सीनोङ परमेश्‍वरगी जमान खाबा च्‍योकराङ खिओ सिन अब्राहामगी थेला विश्‍वास खाबेकी थेबेते फिजा केसुङ।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

१ यूहन्‍ना 1:7

परमेश्‍वर नाम्‍दाकला देता ओता च्‍योकराङ खाला ङुरूङोङ थे नाम्‍दाकला देत्‍कीन लेमु काम खासीन ङुरूङ दाक्‍पोन नाङ ङ्योम्‍बुराङ डिक्‍ला देता थुप्‍क्‍यो। थेमे परमेश्‍वर फुज्‍युङ येशू थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ङुरूङ पाप गाङे माफ ओङगो।

छ्या स्‍ये च्‍युताते बात 15:3

थेमे थेबाचेन परमेश्‍वर काम खित्‍कान्‍ते मोशेकी थे खोरोङ पालोला परमेश्‍वरते जय जय खिन लाबाते लु लिन्‍गीन ओतान। थेमे दोक सिन लुई रीउला छ्ये जोच्‍येते लुङ लिन्‍गीन ओतान। चुक सासीन “गाङे भन्‍दा छ्येज्‍यीक शक्ति ओताते प्रभु परमेश्‍वर, खुई खाबाते कामओन चुक छ्ये छ्येताङ अचम्‍ब लाङच्‍या ईन्‍दाका। खो सधैँभरि सोन्‍ला राज्‍य खिन देत्‍कान्‍ते गेल्‍बो ईन। खुई खित्‍च्‍येते काम गाङे लेमुतेकामा ईन।