१ यूहन्‍ना 1:8 - जिरेल

⁸ ङे छ्याःङ पाप खाबा मेत सासीनचेन ङुरूङगी दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम खाबाते ईन। थोक सासीन सत्‍यते परमेश्‍वरगी साबाते बात ङुरूङगी दाक्‍पोन सेमगी नाङ ज्‍य्‌वाबा मुथुबो।

१ यूहन्‍ना 1:8 Iomraidhean Croise

यूहन्‍ना 8:44

ख्‍योकोनचेन खेराङ आबा शैतानताङ डिक्‍कान्‍ते मि ईन। थेमे ख्‍योकोन खेराङ आबेकी खित्‍च्‍येते कामकामा खिता सेम खिदुक। थेकीनी च्‍याक दि जुग शुरू ओङजीनमेईराङ मि सेत्‍च्‍येतेकामा खिन ओत। ईन्‍दाते बातला थेकी बान्‍दा गा मिक्‍किओ। साँचोते बात सिरातेचेन थेकी नोमुङ मिक्‍किओ। ढाँर खित्‍च्‍येतेनी थेते बानीराङ ईन्‍देकी थेचेन ढाँर खित्‍कान्‍ते ईन। ढाँर खित्‍च्‍येते सिराते गाङे थे छ्य्‌वापेईराङ ओङच्‍येते ईन।

रोमी 3:10

मि गाङे पापी ईन सिन परमेश्‍वर बातलाङ दोक सिन टिबा ओत। चुक सासीन “गल्‍ती मिक्‍किकान्‍ते सिराते सुङ मेत। मि गाङे दोषी ईन।

रोमी 3:23

च्‍यिला सासीन मि गाङेकी पाप खाबेकी खित्‍सादु सुङ परमेश्‍वर दोन्‍दु जस्‍तो लेमु ओङा फाप्‍च्‍या ओतान उस्‍तोराङ मायाङसुङ।

१ कोरिन्‍थी 3:18

ख्‍योकोन सुङगीङ दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम माकेत। च्‍यि सासीन दि सा लुङबे मिकी कोईला आउदी बुद्धि ओताते मि ईन सिओ। ख्‍योकोन नाङ सुइँदाला खेराङ होथेबेकी साबा च्‍योक्‍ते मि ईन सिराच्‍योक लाङगीदुक सासीन बरू ख्‍योकोनगी ङानी छ्याःङ मेस्‍येकान्‍ते मि ईन सिराच्‍योक खि। दोक खाला छ्ये मिक्‍किकान्‍ते मिराङ बुद्धि ओताते मि ईन।

गलाती 6:3

दोक खाला दोक्‍पोईकी ज्‍येनज्‍यीकला मद्धत खिता साटोला सुइँदा मि ङानी ज्‍येन च्‍योक मेन सिराच्‍योक खाला छ्ये खिदुक सासीन थोक्‍ते मि लेम्‍बा ईन। थेचेन थे खोरोङगी विचार खाबा च्‍योक्‍ते मि मेन।

१ तिमोथी 6:5

थेमे जहिलेङ थोम्‍मुकामा खिन देत्‍च्‍येते ओङगो। थेबे सेम मेलेबा ओतेकी सत्‍यते बात थेबाला छ्याःङ काम लै मिक्‍किओ। थेबेकी परमेश्‍वरला माने खित्‍च्‍येतेचेन सम्‍पत्ति ज्‍वा थुप्‍क्‍यो सिनकामा ईन।

२ तिमोथी 3:13

थेमे मेलेबा काम खित्‍कानताङ ज्‍येनला छक्‍के खित्‍कान्‍ते मिओनचेन होथोक्‍ते कामकामा खिन देत्‍ला झन झन ङ्येकीन डुइओ। थोक खित्‍जीन थेबेकी ज्‍येनलाङ ङ्ये ज्‍युत्‍क्‍यो, खोपरोङोङ ङ्येक्‍यो।

याकूब 1:22

परमेश्‍वर बात ङेन्‍ला थेरू साबा च्‍योकराङ खि। थोक मिक्‍किकान्‍ते मिकीचेन दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबातेकामा ईन।

याकूब 1:26

सुइँदेकी ङानी परमेश्‍वरगी खि साबाच्‍योक खित्‍कान्‍ते मि ईन खिदुक तर खोपरोङ खाचेन थाताला मोज्‍योदुक सासीन थोक्‍ते मिकीनी दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबाते ईन। थोक्‍ते मिकी जस्‍तोराङ लेमु काम खासीनोङ थोक खाबेकी थेला छ्याःङ फाइदा मेङगो।

याकूब 3:2

ङुरूङ गाङेकी थोकज्‍यीक मेन्‍सीनोङ थोकज्‍यीक दाक गल्‍ती खिओ। दाक्‍पोन खा थाताला ज्‍याक्‍ला बात खित्‍कान्‍ते मिकीचेन गल्‍ती मिक्‍किओ। थोक्‍ते मिकी दाक्‍पोनला पूरो खाला काबूला ज्‍य्‌वाबा थुप्‍क्‍यो।

२ पत्रुस 2:13

थेबेकी ज्‍येनला जस्‍तो मेलेबा खाला दुक उस्‍तोराङ खाला परमेश्‍वरगी थेबालाङ मेलेबा खिओ। थेबेकीनी ङीमे खोङलाराङ खोपरोङला खिता सेम लाबा लाबा खिओ। ख्‍योकोनताङ ङ्योम्‍बु रूला साजीन थुङजीन थेबेकी ख्‍योकोनलाङ खोपरोङ मेलेबा बानी बिवाराराङ लाप्‍ला खोपरोङ च्‍योकराङ जोइओ। ख्‍योकोनलाङ खोपरोङगी च्‍योकराङ खिता लोप्‍जीन थेबाला गा लाङगो।

१ यूहन्‍ना 1:10

तर ङुरूङगी ङे नोमुङ छ्याःङ पाप खाबाराङ मेत सिन सासीन ङुरूङगी परमेश्‍वर ढाँर खित्‍कान्‍ते ईन साबाते ईन। ङुरूङगी दोक सासीन परमेश्‍वर बात दाक्‍पोन सेमला ज्‍य्‌वाबा मुथुबो।

१ यूहन्‍ना 1:6

थोक ईन्‍देकी ङुरूङ परमेश्‍वरताङ ङ्योम्‍बुराङ डिक्‍ला देत्‍कान्‍ते मि ईन सालाङ मेलेबा कामराङ खिन देत्‍सीन ङुरूङगी ढाँर खाबाते ईन, सत्‍यते परमेश्‍वरगी खि साबाच्‍योक खाबाते मेन।

१ यूहन्‍ना 2:4

सुइँदेकी परमेश्‍वर सु ईन्‍दे, च्‍यि खिते सिन ङाला लेमु खाला छ्या ओत खिदुक तर परमेश्‍वरगी खि सिन कोताते मिक्‍किदुक सासीन थे ढाँर खित्‍कान्‍ते ईन। थोक्‍ते मिकी सत्‍यते परमेश्‍वरगी साबाते बात दाक्‍पोन सेमगी नाङ ज्‍य्‌वाबा मुथुबो।

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

२ यूहन्‍ना 1:2

ङ्योकोनगी ख्‍योकोनला ङिङज्‍ये खित्‍च्‍येतेचेन सत्‍यते परमेश्‍वर ङुरूङताङ ङ्योम्‍बु देतेकी थेमे थे सधैँभरि ङुरूङताङ ङ्योम्‍बु देत्‍च्‍येते ईन्‍देकीराङ ईन।

३ यूहन्‍ना 1:3

कोई कोई आज्‍यो न्‍वाकी थेपेकी वाकीन खो आउदी खाला सत्‍यते बात ङेन्‍च्‍याक्‍वा थेमे थे बातला खि साबा च्‍योकराङ खिन देत्‍च्‍याक्‍वा सिन ङाला लाःप्‍सुङ। दि बात थोनामेई ङाला आउदी गा लासुङ।