१ यूहन्‍ना 1:7 - जिरेल

⁷ परमेश्‍वर नाम्‍दाकला देता ओता च्‍योकराङ खाला ङुरूङोङ थे नाम्‍दाकला देत्‍कीन लेमु काम खासीन ङुरूङ दाक्‍पोन नाङ ङ्योम्‍बुराङ डिक्‍ला देता थुप्‍क्‍यो। थेमे परमेश्‍वर फुज्‍युङ येशू थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ङुरूङ पाप गाङे माफ ओङगो।

१ यूहन्‍ना 1:7 Iomraidhean Croise

मत्ती 6:12

ङ्योकोनगी ङेराङला मेलेबा खित्‍कान्‍ते मिओनला माफ तेरा च्‍योकराङ खाला ङ्योकोनगी खाबाते पाप माफ नाङ।

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

यूहन्‍ना 12:35

थेरूई थेकी थेबाला “था टिक्‍पी दिनसाककामा स्‍वर्गे नाम्‍दाक ख्‍योकोनताङ देत्‍क्‍यो। थोगी ख्‍योकोन नाम्‍दाकला ख्‍योम। स्‍वर्गे नाम्‍दाक ख्‍योकोनताङ देत देतसाक ख्‍योकोन मुन्‍दाकला ख्‍याम्‍बा माफाबो। मुन्‍दाकला ख्‍याम्‍कान्‍ते मिला थे खोरोङ खापा डुइन ओते सिन छ्याःङ छ्या मेङगो।

यूहन्‍ना 5:4

च्‍यिला सासीन परमेश्‍वर दूतज्‍यीगी बेला बेलाला वाला थे पोखरी छ्यु चले खिन ओतान। थोक खानामेकी जुन नाबाते मि थोङला गाल्‍ला थे पोखरीदु स्‍यूइदुक थेला जस्‍तोराङ मेलेबाज्‍यीक रोग खोबा ओत्‍सीनोङ थे दाक ठाइन ओतान।

रोमी 13:12

था नुप गाल्‍गीन नाम लाङा खाबा ओत। थोगी ङुरूङगी ज्‍येनगी थाहा मेछ्येत्‍स्‍यीत सिन मुन्‍दाकला खित्‍च्‍येते च्‍योक्‍ते मेलेबाते काम खित्‍च्‍येते गाङे तोङा फाप्‍क्‍यो। बरू गाङे ङोन्‍दु ङीमे कार्बोलाराङ खिता ओङच्‍येते च्‍योक्‍ते काम खिताला परमेश्‍वरगी तेरच्‍येते हात हतियार चले खिता फाप्‍क्‍यो। दोकचेन ङुरूङगी परमेश्‍वर शक्ति छ्य्‌वापेकी लेमुते कामकामा खिता फाप्‍क्‍यो साबाते ईन।

१ कोरिन्‍थी 6:11

ख्‍योकोनोङ कोई कोई गोमाबा होथोक्‍ते मिराङ ओतान। तर प्रभु येशू ख्रीष्‍टताङ परमेश्‍वर आत्‍मेकी ख्‍योकोनला ठु खाईन चोके खाबाच्‍योक खाईन पापदुकी टाल्‍गीन बिन्‍दा ओत, ख्‍योकोन सेम खुदुक जोबा ओत थेमे परमेश्‍वर दोन्‍दु दोषी मेन साबा ओत।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

एफिसी 5:8

मुन्‍दाकला देत्‍कीन ख्‍योकोन गोमा मेलेबा कामताङ बात खिन ओतान। प्रभु ख्रीष्‍टताङ जीउज्‍यीकराङ ओङेकी थाचेन ख्‍योकोन नाम्‍दाकला देत्‍कान्‍ते मि ईन। थोगी नाम्‍दाकला देत्‍कान्‍ते मिकी चुक चुक खिता फाप्‍च्‍येते ईन्‍दे ख्‍योकोनगी थोकराङ खि।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।

याकूब 1:17

च्‍यि सासीन लेमुते सिराते जेसुकै ङुरूङला स्‍वर्गने देत्‍कान्‍ते आबा परमेश्‍वरगी तेरग्‍यो। मेलेबाते सिराते थेकी ङुरूङला छ्याःङ मेतेरो। दागार, ङीमाताङ कार्मा जोकान्‍ते थेराङ ईन। दागार ङीमा स्‍याराताङ गाबाच्‍योक खाला थे नोमुङ खुदुक मोन्‍डोओ।

१ पत्रुस 1:19

ख्रीष्‍ट थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ख्‍योकोन लाईदु थे मोल छ्योलाते ईन। ख्रीष्‍टनी परमेश्‍वरला पूजा खिताला सोई खित्‍च्‍येते छ्याःङ खुना खोटी मेताते लुई रीउ च्‍योकराङ ओतान।

१ यूहन्‍ना 1:3

ख्‍योकोनोङ ङ्योकोनताङ ङ्योम्‍बुराङ डिक्‍ला देता थुप्‍स्‍यीत सिनराङ ङेराङगी थोङाते थेमे थोबाते दि बाततेबा ख्‍योकोनलाङ सिओ। ङुरूङचेन आबा परमेश्‍वर थेमे थे फुज्‍युङ येशू ख्रीष्‍टताङ ङ्योम्‍बुराङ डिक्‍ला देत्‍क्‍यो।

१ यूहन्‍ना 1:5

येशू ख्रीष्‍टकी ङेराङला जे साबा ओतान थे बातराङ ङ्योकोन ख्‍योकोनला सिन ओत। च्‍यि सासीन परमेश्‍वर स्‍वर्गे नाम्‍दाक ईन। थेमे मेलेबा सिराते थेकी नोमुङ छ्याःङ मिक्‍किओ।

१ यूहन्‍ना 5:6

येशू ख्रीष्‍ट स्‍वर्गनेकी देमा वाकीन छ्युला स्‍यूला लिन्‍च्‍येते बप्‍तिस्‍मा लाबा ओतान। थेमे ङुरूङ लाईदु थे खोरोङ ज्‍यान बिन्‍गीन स्‍या ओतान। थेकी छ्युला स्‍यूकीन बप्‍तिस्‍मा लाबातेकामा मेन, थे खोरोङ ज्‍यानराङ बिन्‍गीन स्‍या ओतान। दि बाततेबा परमेश्‍वर आत्‍मेकी ईन सिन सिओ। परमेश्‍वर आत्‍माचेन साँचोते बात खित्‍कान्‍ते ईन।

१ यूहन्‍ना 5:8

दि बात सुमकाराङ ताला येशू परमेश्‍वर फुज्‍युङराङ ईन सिन लेमु खाला छ्या स्‍येक्‍यो। दि बात सुमचेन परमेश्‍वर आत्‍मेकी साबाते बात, येशू ख्रीष्‍टकी छ्युला स्‍यूकीन बप्‍तिस्‍मा लाबाते बात थेमे थेकी थे खोरोङ ज्‍यान बिन्‍गीन स्‍याप्‍ते काम ईन।

२ यूहन्‍ना 1:4

थेमे खुई फुज्‍युङ फुमु कोई कोईकी ङुरूङला आबा परमेश्‍वरगी खि सिन कोता च्‍योकराङ खाईन सत्‍यते बात ङेन्‍गीन थेरू खि साबा च्‍योकराङ खाबा थोङगीन ङाला आउदी गा लाबा ओत।

३ यूहन्‍ना 1:4

ङाराङ फिजाओनगी सत्‍यते बात ङेन्‍ला थेरू खि साबा च्‍योकराङ खिदुक्‍लो सिन थोजीन ङाला आउदी गा लाङगीदुक, दि छेत गा लाङच्‍येते बात ङे लाईदु ज्‍येन छ्याःङ मेन।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।

छ्या स्‍ये च्‍युताते बात 7:14

ङे थेला “दिबा सु ईन्‍दे सिन हजूर खोल्‍लाराङ छ्या ओत,” सिन सिरजीन थेकी “दिबाचेन आउदी छ्ये छ्ये दुक्‍पा खपे खाईन वाबाते मि ईन। दिबेकी खोपरोङ खोलाक लुई रीउकी ठाकला टुकीन दोक कार्मु जोबाते ईन।