१ यूहन्‍ना 1:6 - जिरेल

⁶ थोक ईन्‍देकी ङुरूङ परमेश्‍वरताङ ङ्योम्‍बुराङ डिक्‍ला देत्‍कान्‍ते मि ईन सालाङ मेलेबा कामराङ खिन देत्‍सीन ङुरूङगी ढाँर खाबाते ईन, सत्‍यते परमेश्‍वरगी खि साबाच्‍योक खाबाते मेन।

१ यूहन्‍ना 1:6 Iomraidhean Croise

मत्ती 7:22

था परमेश्‍वरगी न्‍याय खिते छोमु चुक ओङगीते सासीन स्‍वर्गने स्‍यूक्‍पा मेङेत्‍कान्‍ते मि काल्‍बेईकी ङाला ‘ए प्रभु, च्‍यि ङ्योकोनगी खुई मिनगी छ्य्‌वापेई परमेश्‍वरगी सिर च्‍युताते बात खाबा मेतानरो? थेमे च्‍यि ङ्योकोनगी खुई मिन लाकीन मिओनला खोबाते ल्‍हन्‍डीकओन तेन्‍गीन ताङा मेतान? थोकराङ खाईन च्‍यि ङ्योकोनगी खुई मिनगी छ्य्‌वापेई अचम्‍ब अचम्‍बतेन्‍दे काम काल्‍बेई खाबा मेतानरो?’ सिन सिओ।

यूहन्‍ना 11:10

तर नुपला ख्‍याम्‍कान्‍ते मिचेन मुन्‍दाककी खित्‍सादु नार्दोक ग्‍याप्‍ला रिल्‍ग्‍यो,” सिन सिदुक।

यूहन्‍ना 12:35

थेरूई थेकी थेबाला “था टिक्‍पी दिनसाककामा स्‍वर्गे नाम्‍दाक ख्‍योकोनताङ देत्‍क्‍यो। थोगी ख्‍योकोन नाम्‍दाकला ख्‍योम। स्‍वर्गे नाम्‍दाक ख्‍योकोनताङ देत देतसाक ख्‍योकोन मुन्‍दाकला ख्‍याम्‍बा माफाबो। मुन्‍दाकला ख्‍याम्‍कान्‍ते मिला थे खोरोङ खापा डुइन ओते सिन छ्याःङ छ्या मेङगो।

यूहन्‍ना 12:46

ङाला विश्‍वास खित्‍कान सुङ मुन्‍दाकला देता माफाप्‍स्‍यीत सिन स्‍वर्गे नाम्‍दाक ङा दि सा लुङबादु वाबाते ईन।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

यूहन्‍ना 8:55

थे सु ईन्‍दे, चुक्‍ते ईन्‍दे सिन ख्‍योकोनला छ्याःङ छ्या मेत्‍सीनोङ ङालानी लेमु खाला छ्या ओत। ङे थे सु ईन्‍दे, चुक्‍ते ईन्‍दे सिन छ्या मेत साबा ईन्‍सीन ङाङ ख्‍योकोन च्‍योकराङ ढाँर खित्‍कान्‍ते ओङच्‍या ओतान। थे सु ईन्‍दे, चुक्‍ते ईन्‍दे सिन ङालानी लेमु खाला छ्या ओत। थेमे ङा थेकी साबाते बात ङेन्‍ग्‍यो।

१ तिमोथी 4:2

ढाँर खित्‍कान्‍तेबेकी होथे ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात लेमु बात ईन सिन ज्‍येनला लोप्‍क्‍यो। थोक्‍ते मि सेमचेन स्‍यिङ दो च्‍योकराङ स्‍येन्‍दे गाला ओतेकी खोपरोङगी थोक मेलेबा बात लोप्‍जीनोङ छ्याःङ च्‍योक मालाङो।

याकूब 2:14

आज्‍यो न्‍वावे, सुइँदा मिकी ङा येशू ख्रीष्‍टला विश्‍वास खित्‍कान्‍ते मि ईन खिदुक तर थेकी खि साबाते काम मिक्‍किदुक सासीन थे मिला च्‍यि लेमु ओङगीतेरो? च्‍यि थोक्‍ते मि पापकी सजायदुकी थारा थुप्‍क्‍योतरो?

याकूब 2:16

थेला गोच्‍येते छ्याःङ मेतेरा खाईन ख्‍योकोन सुइँदेकी “लो लेमु खाला ग्‍युक थेमे खाँपा गाल्‍ला सुबा खाङ सोला ठोम्‍मु खाला ङ्योल,” सालाकामा च्‍यि होथे मिला खइँदा लेमु ओङगो?

याकूब 2:18

थेमे कोईकी चुक सिते सासीन ङा येशू ख्रीष्‍टला विश्‍वास खिओ, ज्‍येनगीचेन थेकी खि साबाच्‍योक खाला काम खिदुक सिन सिओ। दोक सिरकान्‍ते मिला ङा च्‍यि सिते सासीन छ्याःङ काम मिक्‍किता खाला येशू ख्रीष्‍टला विश्‍वास खिओ सिन लो खो ङाला तेन। थेला विश्‍वास खिओ सिन ङानी खोल्‍ला कामराङ खाला तेन्‍ग्‍यो सिन सिओ।

१ यूहन्‍ना 1:10

तर ङुरूङगी ङे नोमुङ छ्याःङ पाप खाबाराङ मेत सिन सासीन ङुरूङगी परमेश्‍वर ढाँर खित्‍कान्‍ते ईन साबाते ईन। ङुरूङगी दोक सासीन परमेश्‍वर बात दाक्‍पोन सेमला ज्‍य्‌वाबा मुथुबो।

१ यूहन्‍ना 1:3

ख्‍योकोनोङ ङ्योकोनताङ ङ्योम्‍बुराङ डिक्‍ला देता थुप्‍स्‍यीत सिनराङ ङेराङगी थोङाते थेमे थोबाते दि बाततेबा ख्‍योकोनलाङ सिओ। ङुरूङचेन आबा परमेश्‍वर थेमे थे फुज्‍युङ येशू ख्रीष्‍टताङ ङ्योम्‍बुराङ डिक्‍ला देत्‍क्‍यो।

१ यूहन्‍ना 1:8

ङे छ्याःङ पाप खाबा मेत सासीनचेन ङुरूङगी दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम खाबाते ईन। थोक सासीन सत्‍यते परमेश्‍वरगी साबाते बात ङुरूङगी दाक्‍पोन सेमगी नाङ ज्‍य्‌वाबा मुथुबो।

१ यूहन्‍ना 2:4

सुइँदेकी परमेश्‍वर सु ईन्‍दे, च्‍यि खिते सिन ङाला लेमु खाला छ्या ओत खिदुक तर परमेश्‍वरगी खि सिन कोताते मिक्‍किदुक सासीन थे ढाँर खित्‍कान्‍ते ईन। थोक्‍ते मिकी सत्‍यते परमेश्‍वरगी साबाते बात दाक्‍पोन सेमगी नाङ ज्‍य्‌वाबा मुथुबो।

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।