१ यूहन्‍ना 1:5 - जिरेल

⁵ येशू ख्रीष्‍टकी ङेराङला जे साबा ओतान थे बातराङ ङ्योकोन ख्‍योकोनला सिन ओत। च्‍यि सासीन परमेश्‍वर स्‍वर्गे नाम्‍दाक ईन। थेमे मेलेबा सिराते थेकी नोमुङ छ्याःङ मिक्‍किओ।

१ यूहन्‍ना 1:5 Iomraidhean Croise

यूहन्‍ना 1:19

यूहन्‍नाला थे सु ईन्‍दे सिन ठिला स्‍योक सिन यहूदीओनते छ्ये छ्ये मिकी यरूशलेमदुई पूजारीओनताङ लेवी थरगी मिओनला ताङसुङ। थेमे थेबेकी यूहन्‍ना ओत्‍सादु लेप्‍कीन थेला “खो सु ईन्‍दे?” सिन ठिसुङ।

यूहन्‍ना 1:4

मिओनला नोमुङ मिसिन्‍च्‍येते जुनी तेरकान्‍तेङ थे बात सिरातेराङ ईन। बत्ती पारनामेकी नाम्‍दाक गाल्‍ला लेमु खाला थोङा च्‍योकराङ खाला होदि जुनी तेरकान्‍तेचेन मिओन लाईदु स्‍वर्गे नाम्‍दाक ओङसुङ।

यूहन्‍ना 1:9

थे नाम्‍दाक सिराते पक्‍काराङ स्‍वर्गनेकी वाबाते ईन। थेमे दि सा लुङबे मि नाङ वाला गाङेला नाम्‍दाक तेरकान्‍ते थेराङ ईन।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

यूहन्‍ना 9:5

दि सा लुङबादु देत देतसाक दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन,” सिन सिदुक।

१ कोरिन्‍थी 11:23

प्रभु भोज चुक खाला सा फाप्‍कीते सिन प्रभु येशू थे खोरोङगी ङाला लाप्‍कीन बिन्‍दाते बातराङ ङेङ ख्‍योकोनला लाप्‍कीन बिन्‍दा ओतान। चुक सासीन थेला मेलेबा खित्‍कान्‍ते मिओनगी पक्रे खिते छोमु ग्‍वासे थोक खिता भन्‍दा गोमा प्रभु येशूकी स्‍योबेनज्‍यीक लाःक्‍तु लाबा ओतान।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

याकूब 1:17

च्‍यि सासीन लेमुते सिराते जेसुकै ङुरूङला स्‍वर्गने देत्‍कान्‍ते आबा परमेश्‍वरगी तेरग्‍यो। मेलेबाते सिराते थेकी ङुरूङला छ्याःङ मेतेरो। दागार, ङीमाताङ कार्मा जोकान्‍ते थेराङ ईन। दागार ङीमा स्‍याराताङ गाबाच्‍योक खाला थे नोमुङ खुदुक मोन्‍डोओ।

१ यूहन्‍ना 3:11

ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो सिन ख्‍योकोनगी येशू ख्रीष्‍टला विश्‍वास खिता छोमुमेईराङ थोबाते बात ईन।

छ्या स्‍ये च्‍युताते बात 21:23

नाम्‍दाक ओङाला थेरू दागार ङीमा गोकीन मेतान। मिगी ताराङ मुथुप्‍च्‍या झिलिमिली नाम्‍दाकला देत्‍कान्‍ते परमेश्‍वर थेरू ओतेकी थे सारला नाम्‍दाक छ्याङे जोच्‍याक्‍वा। लुई रीउराङ थे सारदु नाम्‍दाक तेरकान्‍ते बत्ती दुका।

छ्या स्‍ये च्‍युताते बात 22:5

थेरू था नुप सिराते नोमुङ मेङगो। नाम्‍दाक ओङे लाईदु थेरू बत्तीङ पोरा माफाबो, ङीमे नाम्‍दाकोङ मोगोओ। प्रभु परमेश्‍वरराङ थेबाताङ देतेकी थेराङ थेबे नाम्‍दाक ईन। था थेबेकी सधैँभरि राज्‍य खिनराङ देत्‍क्‍यो।