१ यूहन्‍ना 1:4 - जिरेल

⁴ दोक ओङला ङुरूङ छ्याःङ पीर मिक्‍किता खाला आउदी गा खिन देता थुप्‍स्‍यीत सिन ङ्योकोन दि बाततेबा टिगीन ओत।

१ यूहन्‍ना 1:4 Iomraidhean Croise

यूहन्‍ना 15:11

ख्‍योकोन ङा च्‍योकराङ छ्याःङ पीर मिक्‍किता खाला गा खिन देत्‍स्‍यीत। दोक खाला ख्‍योकोन जहिलेङ गा खिन देता थुप्‍स्‍यीत सिनराङ ङे ख्‍योकोनला दि बातओन साबाते ईन।

यूहन्‍ना 16:24

थातासाक ख्‍योकोनगी ङे मिन लाकीन आबाताङ छ्याःङ नाङ खाबा मेत। था ख्‍योकोनगी आबाला नाङ खि। ख्‍योकोनगी नाङ खाबाते ङेत्‍नामेकी छ्याःङ पीर मिक्‍किता खाला ख्‍योकोन आउदी खाला गा खिओ।

यूहन्‍ना 3:29

बेउलेकी बेउली फाङमा खिओ। बेउलीचेन बेउला ओत्‍सापा डुइओ। थेमे बेउले र्‍वाचेन थे खादुराङ देत्‍ला थेकी साबाते बात ङेन्‍ग्‍यो। थेमे बेउला ओत्‍सापा बेउली डोच्‍येते बात थोला आउदी गा खिओ। थोक खाला मिओन थे ओत्‍सापा डुइदुक सिरा थोजीन ङाला गा लाङगीदुक।

२ कोरिन्‍थी 1:24

ङा ख्‍योकोनला ङे साबा च्‍योकराङ खाला येशूला विश्‍वास खिता फाप्‍क्‍यो सिन कर लै मिक्‍किओ। ख्‍योकोनगी थेला खित्‍च्‍येते विश्‍वासका ठीकराङ दुक। ङानी खालि ख्‍योकोनला लेमु ओङला ख्‍योकोनगी गा खिन देता ङेत्‍स्‍यीत सिरच्‍येते कामताङ बातकामा खिओ।

एफिसी 3:19

थेमे मिकी जति बुद्धि खिये खासीनोङ खोबा मुथुप्‍च्‍या खाला ख्रीष्‍टकी ङुरूङला चुक ङिङज्‍ये खिते सिन ख्‍योकोनगी खोबा थुप्‍स्‍यीत सिनोङ ङा प्रार्थना खिओ। परमेश्‍वरगी ख्‍योकोनला थे खोरोङ बुद्धि थेमे शक्ति बिन्‍ला थे खोरोङ च्‍योकराङ लेमु ओङाला गोच्‍येते जति तेरस्‍यीत सिनराङ ङा ख्‍योकोन लाईदु दोक दोक खाला प्रार्थना खिओ।

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।

२ यूहन्‍ना 1:12

ङे ख्‍योकोनला सिरा फाप्‍च्‍येते बात थोरूमोङ काल्‍बेई ओत। ईन्‍सीनोङ ङा थे बाततेबा चिट्ठीला मिटिगो। बरू ख्‍योकोनताङ ठेत्‍ला ङ्योम्‍बुराङ देत्‍ला बात खिताप सिन ख्‍योकोनला होत्ता ठेत्‍च्‍ये आश खाबा ओत। दोक खाईन ठेता थुप्‍सीन ङुरूङ छ्याःङ पीर मिक्‍किता खाला गा खिन देता थुप्‍क्‍यो।