१ यूहन्‍ना 1:3 - जिरेल

³ ख्‍योकोनोङ ङ्योकोनताङ ङ्योम्‍बुराङ डिक्‍ला देता थुप्‍स्‍यीत सिनराङ ङेराङगी थोङाते थेमे थोबाते दि बाततेबा ख्‍योकोनलाङ सिओ। ङुरूङचेन आबा परमेश्‍वर थेमे थे फुज्‍युङ येशू ख्रीष्‍टताङ ङ्योम्‍बुराङ डिक्‍ला देत्‍क्‍यो।

१ यूहन्‍ना 1:3 Iomraidhean Croise

यूहन्‍ना 17:11

था ङा काल्‍बासाक दुरू मेदेदो। ङा खो ओत्‍साने ओङगीन ओत। दोक ईन्‍सीनोङ दिबाबरीनी दुरूराङ देत्‍क्‍यो। थोगी आबा खुई ङाला बिन्‍दाते खोरोङ शक्तिकीराङ दिबाला मेलेबा ओङसादुई जोए खाला स्‍योक। सेमला पाप सिराते छ्याःङ मेताते खोकामा ईन। खुई दिबाला जोए खाईन ज्‍याक्‍नामेई आबा खोत्ताङ ङा दोक्‍पोईराङ ईन्‍दा च्‍योकराङ खाला दिबाबरीङ सेमज्‍यीकराङ खाला डिक्‍ला देता थुप्‍क्‍यो।

यूहन्‍ना 17:21

थेबे लाईदु ङा च्‍यिला प्रार्थना खिते सासीन दिबा गाङे सेमज्‍यीकराङ खाला डिक्‍ला देत्‍स्‍यीत। थेमे आबा खोत्ताङ ङा दोक्‍पोईराङ ईन्‍देकी दिबाबरीङ ङुरूङताङ जीउज्‍यीकराङ ओङस्‍यीत। थोक ओङनामेकी ङाला आबा खुईराङ ताङाते दुका सिन दि सा लुङबे मिओनगी पत्ते खिओ।

यूहन्‍ना 17:25

आबा, खो खालि लेमुते कामताङ बातकामा खित्‍कान्‍ते ईन। दि सा लुङबे मिओनगी खोल्‍ला छ्या मास्‍येसीनोङ ङा खोल्‍ला छ्या स्‍येक्‍यो। ङाला विश्‍वास खित्‍कान्‍ते मिओनगी खुईराङ ङाला ताङाते ईन सिन छ्या स्‍येसुङ।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

यूहन्‍ना 19:35

ख्‍योकोनगी दि बात पक्‍काराङ ईन्‍दाते दुका सिन पत्ते खित्‍स्‍यीत सिन थे खोरोङ मिगीराङ दोक दोक ओङाते थोङकान्‍ते मिकी दि बाततेबा साबाते ईन। थेकी मेन्‍दाते सिराते बातज्‍यीगोङ मिक्‍किता खाईन जस्‍तो जस्‍तो थोङा ओतान उस्‍तो उस्‍तोराङ साबा ओत।

शक्ति काम 13:32

थोगी था ङ्योकोन ख्‍योकोनला दि गा लाङच्‍येते बात सिओ। च्‍यि सासीन परमेश्‍वरगी येशूला स्‍यिसादुकी सोम्‍बो लोगीन ङुरूङ ज्‍युज्‍यु पुर्खाताङ खाबाते जमान ङुरूङ लाईदु पूरो खाबाते ईन। परमेश्‍वरगी येशूला स्‍यिसादुकी सोम्‍बो लोइओ सिरच्‍येते बात थेकी गोमाका ‘खो ङे फुज्‍युङ ईन। थरिङमेई ङा खुई आबा ईन,’ सिन दोस्रो भजनला टिक च्‍युता ओतान।

शक्ति काम 13:41

थेबेकी चुक साबा ओताने सासीन ‘ङे बातला ईनराङ मेन सिन खिस्‍यी खित्‍कान्‍ते मिवे, लेमु खाला ङेन। ङा ख्‍योकोन नाङ कामज्‍यीक खिओ। थे काम च्‍यि ईन्‍दे सिन सुइँदेकी ख्‍योकोनला लेमु खाईन लाप्‍कीन बिन्‍सीनोङ ख्‍योकोनगीचेन परमेश्‍वरगी थोक खाबाते ईनराङ मेन सिन पत्ते मिक्‍किओ। थोगी ख्‍योकोन गाङे सजाय ङेत्‍ला स्‍यिइओ,’ सिन परमेश्‍वरगी साबाते बात टिबा ओतान,” सिन सिदुक।

शक्ति काम 2:42

येशूला विश्‍वास खित्‍कान्‍तेबेकी येशू ख्रीष्‍टकी खटे खाबाते मिओनगी लापाते बातओन लेमु खाला ङेन्‍गीन ओतान। थेबा ङ्योम्‍बुराङ डिक्‍ला देत्‍च्‍येते, प्रभु भोज साच्‍येते थेमे परमेश्‍वरला प्रार्थना खित्‍च्‍येते खिन ओतान।

शक्ति काम 20:27

परमेश्‍वरगी मिओनला पापदुकी डेलाला च्‍यि खाबा ओते थेमे थेबाला चुक खिते सिरच्‍येते बातबरी छ्याःङ बाँकी मोज्‍योबा खाईन ङे ख्‍योकोनला गाङे साकीन बिन्‍दा ओत।

शक्ति काम 4:20

ङ्योकोननी ङेराङगी थोङातेताङ थोबाते बात मिओनला मोलोपा खाला खाराक्‍पा देताराङ मुथुबो,” सिन सिदुक।

रोमी 15:27

खोपरोङ खुशीकीराङ थेबेकी थोक खाबा ओतान। ईन्‍दाका थेबेकी दोक खिता फाप्‍च्‍येतेराङ ईन। च्‍यिला सासीन परमेश्‍वरगी खोपरोङला आशी बिन्‍गीन लेमु खानामेई यहूदी परमेश्‍वर सन्‍तानओनगी ज्‍येन ज्‍येन जातकी मिलाङ थे बात लाप्‍कीन बिन्‍देकी थेबेकीङ परमेश्‍वरगी तेरच्‍येते आशी ङेत्‍च्‍या ओङाते ईन। दोक खाईन थेबेकी यहूदीओनला परमेश्‍वरगी बिन्‍दाते आशी ङेत्‍नामेई थेबेकीङ खोपरोङताङ ओताते सम्‍पत्ति यहूदीओनताङ गोला साच्‍येते ठीकराङ ईन।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

१ कोरिन्‍थी 1:9

परमेश्‍वरचेन थे खोरोङगी खिओ साबा च्‍योकराङ खित्‍कान्‍ते ईन। थेकीराङ ख्‍योकोनला थे खोरोङ फुज्‍युङ ङुरूङ प्रभु येशू ख्रीष्‍टताङ ङ्योम्‍बुराङ डिक्‍ला देताला थे खोरोङ दोन्‍दु स्‍योक सिन काताङाते ईन।

१ कोरिन्‍थी 15:1

आज्‍यो न्‍वावे, ख्‍योकोनला ठेम्‍बा लोङाला ङा थरिङोङ ङे ख्‍योकोनला गोमाका लापाते गा लाङच्‍येते बातराङ सिन ओत। थेजीन ङे ख्‍योकोनला लापाते बात ख्‍योकोनगी ङेन्‍सुङ। थेमे थे सत्‍यते बात ईन सिन ख्‍योकोनगी थोरूमसाक ङेन्‍दा ताङा मिन्‍दुक।

२ कोरिन्‍थी 13:14

लो प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत, परमेश्‍वरगी ख्‍योकोनला ङिङज्‍ये खिन देत्‍स्‍यीत थेमे परमेश्‍वर आत्‍मा ख्‍योकोन गाङेताङ ङ्योम्‍बुराङ देत्‍स्‍यीत।

एफिसी 3:6

थे बातचेन दिराङ ईन। च्‍यि सासीन येशू ख्रीष्‍टकी खाबाते कामगी खित्‍सादु थाचेन परमेश्‍वरगी ज्‍येन ज्‍येन जातकी मिलाङ थे खोरोङगी छाने खाबाते इस्राएलीओनला तेरच्‍येते जति गाङे तेरच्‍या ओङा ओत, थेबालाङ ज्‍येन गाङेताङ डिक्‍पा खाईन जीउज्‍यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्‍या ओङा ओत। दि बाततेबा थेबाला लोप्‍च्‍येते गा लाङच्‍येते बातला साबा ओत।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

फिलिप्‍पी 2:1

ख्रीष्‍टताङ जीउज्‍यीकराङ ओङनामेई थेकी ख्‍योकोनला आँट तेरगीन देत्‍क्‍यो। थेमे परमेश्‍वरगी ख्‍योकोनला ङिङज्‍ये खित्‍च्‍येते ईन्‍देकी ख्‍योकोन सेम ढुक्‍क खाला देता थुप्‍क्‍यो। थोकराङ खाला परमेश्‍वर आत्‍मेकी खित्‍सादु ख्‍योकोन थेत्ताङ ङ्योम्‍बुराङ डिक्‍ला देता थुप्‍क्‍यो। थेमे ख्‍योकोनगी खेराङ नाङ पीर फापा ओतातेबाला पीर माकेत सिन सिरच्‍येते थेमे दुक्‍पा ङेता ओतातेबाला ताच्‍येते खिओ। ख्‍योकोन नाङ बात दोकराङ मेन ओना?

फिलिप्‍पी 3:10

थोगी ङानी ख्रीष्‍टला झन लेमु खाला छ्या स्‍येबा छोल्‍ग्‍यो। थेमे थे सोम्‍बो लोक्‍पा ओतेकी थेत्ताङ ओताते शक्ति ङेङ ङेत्‍स्‍यीत सिन सेम खिओ। थेकी दुक्‍पा भोगे खाईन थे खोरोङ ज्‍यानोङ बिन्‍दा ओतान। थेकी खाबा च्‍योकराङ खिताप सिन ङाङ ङाराङ खुशी मिक्‍किता खाला दुक्‍पा भोगे खिन स्‍या फाप्‍सीनोङ नाइँ मिसिरो।

कलस्‍सी 1:13

थेकीराङ ङुरूङला मुन्‍दाक राज्‍य गेल्‍बो शैतान लाःक्‍तुकी टाल्‍गीन थे खोरोङ ङिङज्‍येते फुज्‍युङ राज्‍यदु खुलाबा ओत।

१ थिस्‍सलोनिकी 1:10

दोस्‍यिककामा मेन, थेबेकीचेन था स्‍वर्गनेकी ग्‍युरला ओङगो साबाते परमेश्‍वर फुज्‍युङ येशूला ख्‍योकोन गुकीनराङ देत्‍ला दुक्‍लो सिरच्‍येते बादोङ खिदुक। थेला परमेश्‍वरगी स्‍यिसादुकी सोम्‍बो लोक्‍पा ओत। मिओनला था तिरी परमेश्‍वरगी स्‍येदाङगी चूर गाल्‍ला तेरच्‍येते सजायदुकी ङुरूङला जोए खित्‍कान्‍ते थेराङ ईन।

१ तिमोथी 6:2

थेबे मालिकतेबाङ येशू ख्रीष्‍टला विश्‍वास खित्‍कान्‍ते ईन्‍सीन थानी आज्‍यो न्‍वाराङ ईन सिराच्‍योक खाला मालिकतेबाला मान खिता तोङा मेङगो। बरू मालिकओनलाङ परमेश्‍वरगी ङिङज्‍ये खिओ, थेबाङ येशू ख्रीष्‍टला विश्‍वास खित्‍कान ईन साला थेबाला लेमु ओङस्‍यीत सिन झन लेमु खाला काम खिता फाप्‍क्‍यो। ङे साबाते दि बाततेबा गाङे चुक खिता फाप्‍कीते सिन खुई गाङेला लाप्‍ला कोत्‍ला बिन।

हिब्रू 2:12

परमेश्‍वरताङ बात खिन थेकी “खो सु ईन्‍दे, च्‍यि खिते सिन ङा ङाराङ न्‍वाओनला लेमु खाला लोप्‍क्‍यो। खोल्‍ला छ्ये ज्‍वाप्‍ला थेबा गाङेराङ जम्‍मा ओङा ओते बेलाला ङा खुईते जय जय ओङस्‍यीत सिन सिओ,” सिन साला दुक।

हिब्रू 3:1

बात दोक दोक ईन्‍देकी आज्‍यो न्‍वावे, ख्‍योकोनचेन स्‍वर्गने देताला परमेश्‍वरगी थे खोरोङ दोन्‍दु स्‍योक सिन काताङाते मि ईन्‍देकी येशू चुक छ्ये ईन्‍दे सिरच्‍येते बातकीतेकामा ध्‍यान खिन देत। थेचेन परमेश्‍वरगीराङ खटे खाईन ताङाते थेमे गाङे भन्‍दा छ्येते पूजारी ईन। थे पक्‍काराङ होदोक छ्ये ईन सिन ङुरूङ थेला विश्‍वास खिओ।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

१ पत्रुस 5:1

थाचेन ङा ख्‍योकोन नाङ येशू ख्रीष्‍ट मिओनला ताकान्‍ते मिओनला बातज्‍यीक बात ङि सिरामीन। ङा ङाराङोङ ख्‍योकोन च्‍योकराङ येशू ख्रीष्‍ट मिओनला ताकान्‍ते मिज्‍यीक ईन। ख्रीष्‍टकी भोगे खाबाते दुक्‍पातेबा ङे गाङे ङाराङ मिगीराङ थोङाते ईन। था थे छ्येज्‍यीक शक्ति ङेत्‍ला ग्‍युरला ओङजीन ङाङ मान ङेत्‍ला थेत्ताङ देता ङेत्‍क्‍यो सिनोङ ङाला छ्या ओत। येशू ख्रीष्‍ट मिओनला ताकान्‍ते मिओन ख्‍योकोनगी ओर्च्‍ये दोक खि।

२ पत्रुस 1:16

ङुरूङ प्रभु येशू ख्रीष्‍ट चुक छ्येज्‍यीक शक्ति ङेत्‍ला दुरू ग्‍युरला ओङगीते सिन ख्‍योकोनला लोप्‍जीन ङ्योकोनगी थाराङ ङेराङगी जोबाते बात लापाते मेन। थे चुक छ्ये ईन्‍दे सिननी ङ्योकोनगी ङेराङ मिगीराङ थोङाते ईन।

१ यूहन्‍ना 1:1

ङ्योकोन दि बात गाङेला सिओ। च्‍यि सासीन दि सा नाम ज्‍वा भन्‍दा गोमामेईराङ थे बात सिराते ओतान। मिओनला जुनी तेरकान्‍तेचेन थेराङ ईन। थेकी साबाते बातओन ङ्योकोनगी ङेराङ नामज्‍योककीराङ थोबाते ईन। थेमे ङेराङ मिगीराङ थेला थोङाते ईन। थेत्ताङनी ङ्योकोन ङ्योम्‍बुराङ देतातेङ ईन।

१ यूहन्‍ना 1:5

येशू ख्रीष्‍टकी ङेराङला जे साबा ओतान थे बातराङ ङ्योकोन ख्‍योकोनला सिन ओत। च्‍यि सासीन परमेश्‍वर स्‍वर्गे नाम्‍दाक ईन। थेमे मेलेबा सिराते थेकी नोमुङ छ्याःङ मिक्‍किओ।

१ यूहन्‍ना 1:7

परमेश्‍वर नाम्‍दाकला देता ओता च्‍योकराङ खाला ङुरूङोङ थे नाम्‍दाकला देत्‍कीन लेमु काम खासीन ङुरूङ दाक्‍पोन नाङ ङ्योम्‍बुराङ डिक्‍ला देता थुप्‍क्‍यो। थेमे परमेश्‍वर फुज्‍युङ येशू थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ङुरूङ पाप गाङे माफ ओङगो।