१ यूहन्‍ना 1:2 - जिरेल

² मिओनला जुनी तेरकान्‍ते थे दुरू वाकीन ङ्योकोनगी थेला थोङाते ईन। ङ्योकोन ङेराङगी थोङाते थेमे थोबाते बात ख्‍योकोनला सिओ। मिओनला नोमुङ मिसिन्‍च्‍येते जुनी तेरकान्‍ते थे दुरू ओङा भन्‍दा गोमा आबा परमेश्‍वरताङ ङ्योम्‍बुराङ ओतान।

१ यूहन्‍ना 1:2 Iomraidhean Croise

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 1:4

मिओनला नोमुङ मिसिन्‍च्‍येते जुनी तेरकान्‍तेङ थे बात सिरातेराङ ईन। बत्ती पारनामेकी नाम्‍दाक गाल्‍ला लेमु खाला थोङा च्‍योकराङ खाला होदि जुनी तेरकान्‍तेचेन मिओन लाईदु स्‍वर्गे नाम्‍दाक ओङसुङ।

यूहन्‍ना 10:28

ङा थेबाला नोमुङ मिसिन्‍च्‍येते जुनी तेरग्‍यो। थोगी थेबा नरककुण्‍डमा स्‍यूक्‍पा माफाबो। थेमे ङे लाःक्‍तुकी सुङगीङ थेबाला ठ्वाला खेरा मुथुबो।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 15:27

शुरूमेकीराङ ख्‍योकोन ङात्ताङ द्वामा देत्‍कीन ख्‍याम्‍गीन खाबाते मि ईन्‍देकी ख्‍योकोनगीङ ङा सु ईन्‍दे, ङे च्‍यि खिते सिन ज्‍येनला लोप्‍क्‍यो।

यूहन्‍ना 16:28

ङा आबा ओत्‍सानेकी दि सा लुङबादु वाबाते ईन। थेमे याङराङ थे ओत्‍सानेराङ ग्‍युरला डुइन ओत,” सिन सिदुक।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

यूहन्‍ना 17:5

दि सा लुङबा ज्‍वा भन्‍दा गोमा ङा आबा खोत्ताङराङ छ्येज्‍यीक मान ङेत्‍कीन देता ओतान। आबा खोरोङ दोन्‍दु ङा होथोक छ्येज्‍यीक मान ङेत्‍कीन देताते बात था मिओनला खुई छ्या स्‍ये छ्युत।

यूहन्‍ना 19:35

ख्‍योकोनगी दि बात पक्‍काराङ ईन्‍दाते दुका सिन पत्ते खित्‍स्‍यीत सिन थे खोरोङ मिगीराङ दोक दोक ओङाते थोङकान्‍ते मिकी दि बाततेबा साबाते ईन। थेकी मेन्‍दाते सिराते बातज्‍यीगोङ मिक्‍किता खाईन जस्‍तो जस्‍तो थोङा ओतान उस्‍तो उस्‍तोराङ साबा ओत।

यूहन्‍ना 21:14

थे खोरोङ सोम्‍बो लोक्‍नामेकी थेकी चेलातेबाला ठेता खाबाते दि पालो सुमगी बाजि ओतान।

यूहन्‍ना 3:13

परमेश्‍वर ओत्‍सादुई वाबाते मि ङा बाई थातासाक स्‍वर्गने ज्‍येन मि सुङ ख्‍योलाङ मेत, थेनेकी देमा वाबाङ मेत।

यूहन्‍ना 7:29

ङालानी लेमु खाला छ्या ओत। च्‍यिला सासीन ङा थे ओत्‍सादुईराङ वाबाते ईन। थेमे ङाला तोङकान्‍तेङ थेराङ ईन,” सिन सिदुक।

यूहन्‍ना 8:38

ङाचेन आबाताङ देता ओते बेलाला ङाराङगी थोङाते बात ख्‍योकोनला लाःप्‍क्‍यो। ख्‍योकोनचेन खेराङ आबेकी जे साबा थोकीदुक थे थेराङ खिदुक,” सिन सिदुक।

शक्ति काम 10:41

ईन्‍दानी यहूदी गाङेताङचेन थेकी ठेता माक्‍यासुङ। ङेराङगी थोङातेताङ थोबाते बात ज्‍येनला लोपाला परमेश्‍वरगी गोमा खटे खाबातेबा ङ्योकोनगीकामा थेला थोङा ङेत्‍सुङ। थे सोम्‍बो लोक्‍नामेई ङ्योकोनगी थेत्ताङ ङ्योम्‍बुराङ साप थुङाङ खाबाते ईन।

शक्ति काम 2:32

दाऊदकी गोमाका साबा ओता च्‍योकराङ खाईन परमेश्‍वरगी येशूला स्‍यिसादुकी सोम्‍बो लोक्‍सुङ। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 3:15

दोस्‍यिककामा मेन, ख्‍योकोनगीनी मिओनला जुनी तेरकान्‍तेलाराङ सेत च्‍युताते ईन। परमेश्‍वरगीचेन थेला स्‍यिसादुकीङ सोम्‍बो लोक्‍पा ओत। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 5:32

ङ्योकोन खालि ङेराङगी थोङातेताङ थोबाते बातकामा खिओ। दि बाततेबा ईन्‍दातेराङ ईन सिन परमेश्‍वर आत्‍मेकीङ छ्या स्‍ये ज्‍युत्‍क्‍यो। परमेश्‍वर आत्‍माचेन परमेश्‍वरगी थे खोरोङगी खि साबा साबा खित्‍कान्‍ते मिओनला बिन्‍दा ओत,” सिन सासुङ।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

२ तिमोथी 1:10

ङुरूङला पापदुकी डेल्‍कान्‍ते येशू ख्रीष्‍ट देमा वाबेकी थे खोरोङगी ङुरूङला दया खिओ सिन साबाते बात परमेश्‍वरगी छ्या स्‍ये च्‍युत्‍सुङ। थेमे येशू ख्रीष्‍टकी दुरू वाकीन स्‍यिच्‍येते कालला ग्‍यालेकी थेकी मिओनला नोमुङ मिसिन्‍च्‍येते जुनी तेरग्‍यो थेमे थोक्‍ते मि नोमुङ मिस्‍यिओ। दि बातचेन गा लाङच्‍येते बातलाराङ साबा ओत।

तीतस 1:2

ङे थेबे नाङ दि काम खित्‍जीन थेबेकी नोमुङ मिसिन्‍च्‍येते जुनी ङेत्‍क्‍यो सिरच्‍येते बात पक्‍काराङ ईन सिन आश खाला गुला देता थुप्‍क्‍यो। दोक खाला मिओनला नोमुङ मिसिन्‍च्‍येते जुनी तेरग्‍यो सिन परमेश्‍वरगी थाङबो जुगलाराङ साबा ओतान। थेकी नोमुङ ढाँर मिक्‍किओ।

१ पत्रुस 5:1

थाचेन ङा ख्‍योकोन नाङ येशू ख्रीष्‍ट मिओनला ताकान्‍ते मिओनला बातज्‍यीक बात ङि सिरामीन। ङा ङाराङोङ ख्‍योकोन च्‍योकराङ येशू ख्रीष्‍ट मिओनला ताकान्‍ते मिज्‍यीक ईन। ख्रीष्‍टकी भोगे खाबाते दुक्‍पातेबा ङे गाङे ङाराङ मिगीराङ थोङाते ईन। था थे छ्येज्‍यीक शक्ति ङेत्‍ला ग्‍युरला ओङजीन ङाङ मान ङेत्‍ला थेत्ताङ देता ङेत्‍क्‍यो सिनोङ ङाला छ्या ओत। येशू ख्रीष्‍ट मिओनला ताकान्‍ते मिओन ख्‍योकोनगी ओर्च्‍ये दोक खि।

१ यूहन्‍ना 1:1

ङ्योकोन दि बात गाङेला सिओ। च्‍यि सासीन दि सा नाम ज्‍वा भन्‍दा गोमामेईराङ थे बात सिराते ओतान। मिओनला जुनी तेरकान्‍तेचेन थेराङ ईन। थेकी साबाते बातओन ङ्योकोनगी ङेराङ नामज्‍योककीराङ थोबाते ईन। थेमे ङेराङ मिगीराङ थेला थोङाते ईन। थेत्ताङनी ङ्योकोन ङ्योम्‍बुराङ देतातेङ ईन।

१ यूहन्‍ना 2:25

थेबाताङ डिक्‍ला देता ङेत्‍च्‍येतेराङ येशू ख्रीष्‍टकी ङुरूङला तेरग्‍यो साबाते नोमुङ मिसिन्‍च्‍येते जुनी ईन।

१ यूहन्‍ना 3:5

मिओनगी खाबाते पापकी सजाय भोगे खाला थेबाला पापदुकी डेलालाराङ येशू ख्रीष्‍ट दुरू वाबाते ईन सिन ख्‍योकोनला छ्याराङ ओत। थेकी नोमुङ पाप खाबा मेत।

१ यूहन्‍ना 3:8

पाप खिनराङ देत्‍कान्‍ते मिचेन शैतानताङ डिक्‍कान्‍ते ईन। शैतानगीनी च्‍याक दि जुग शुरू ओङजीनमेईराङ पापकामा खिन ओत। शैतानगी खित्‍च्‍येते काम गाङे ङ्ये च्‍युत्‍ला खतम ज्‍वाप्‍लाराङ परमेश्‍वर फुज्‍युङ दुरू वाबाते ईन।

१ यूहन्‍ना 4:14

आबा परमेश्‍वरगी दि सा लुङबे मिओनला पापदुकी डेलाला थे खोरोङ फुज्‍युङला देमा ताङा ओतान। थेकी थेला देमा ताङाते ईन सिन ङ्योकोनगी ङेराङ मिगीराङ थोङाते थेमे लेमु खाईन छ्या स्‍येबाते ईन्‍देकी दि बाततेबा ङ्योकोन ज्‍येनलाङ लाःप्‍क्‍यो।

१ यूहन्‍ना 4:2

सुइँदेकी सिरच्‍येते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन येशू ख्रीष्‍ट मि जुनी लाकीन केबाते ईन सिन सिरकान्‍ते मिकीचेन परमेश्‍वर आत्‍मेकी सिर च्‍युताते बात खाबाते ईन।

१ यूहन्‍ना 5:11

परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात दिराङ ईन। च्‍यि सासीन परमेश्‍वरगी ङुरूङला नोमुङ मिसिन्‍च्‍येते जुनी बिन्‍दा ओत। मिओनला दि जुनी तेरकान्‍ते थे फुज्‍युङराङ ईन।

१ यूहन्‍ना 5:13

ख्‍योकोनगी परमेश्‍वर फुज्‍युङला विश्‍वास खाबा ओत। थोगी ख्‍योकोनगी नोमुङ मिसिन्‍च्‍येते जुनी ङेता ओत सिन लेमु खाला छ्या स्‍येस्‍यीत सिन ङे ख्‍योकोनला दि बाततेबा टिबाते ईन।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।