१ कोरिन्‍थी 8:7 - जिरेल

⁷ जे ईन्‍सीनोङ दि ल्‍हा लु सिराते छ्याःङ मेन सिन ङुरूङ नाङ गाङेकी लेमु खाईन छ्या स्‍येबा मेत। गोमाबा ल्‍हा लु माने खिन ओतेकी थेमे ल्‍हाला पूजा खाबाते सेइन ओतेकी ल्‍हाला पूजा खाबाते सोसीन थरिङोलाङ कोई कोईकी हत्तेरिका ङे थे पूजा खाबाते सा ओङच्‍या मेतान, था ङाला पा फोइओ सिन सिओ। हत्तेरिका ङे दोक्‍ते स्‍या सा ओङच्‍या मेतान सिराच्‍योक खिओ।

१ कोरिन्‍थी 8:7 Iomraidhean Croise

शक्ति काम 15:20

बरू ङुरूङगी थेबाला चुक खिइसे सासीन ल्‍हाला पूजा खाबाते छ्याःङ मासा। थोक्‍ते सोसीन ल्‍हा लु माने खाबा च्‍योकराङ ईन। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत। थोकराङ खाला ठाक मेदेन्‍दा खाईन सेताते छ्याःङगीतेङ स्‍या मासा, ठागोङ मासा सिन चिट्ठीज्‍यीक टिला तोङगी।

रोमी 14:14

प्रभु येशूताङ जीउज्‍यीकराङ ओङाते मि ईन्‍देकी दि बात ङे लेमु खाईन छ्या स्‍येबा ओत। च्‍यि सासीन स्‍या ईन्‍सीनोङ ज्‍येनतोक ईन्‍सीनोङ सा मेङच्‍येते सिराते छ्याःङ ओतराङ मेत। मिकी जे सोसीनोङ पा फोक्‍च्‍येते मेन। दोक ईन्‍सीनोङ सुइँदाला दिनी सा मेङगो, दि सोसुङ सासीन पा फोइओ सिराच्‍योक लाङगीन लाङगीन थोक्‍ते साप सोसुङ सासीन थेबालाचेन दाक पा फोइओ।

रोमी 15:14

थेमे आज्‍यो न्‍वावे, ख्‍योकोन ङे दोक खि, थोक खि सिन माकोतालाराङ आउदी लेमु खाला काम खिन दुक। थेमे च्‍यि च्‍यि चुक खित्‍च्‍ये सिन लेमु खाईन छ्या स्‍येबा ओतेकी खेराङ नाङ दोक्‍पोईकी ज्‍येनज्‍यीकला लोप्‍कीन दुक। ख्‍योकोनगी दोक खिन ओताते बात ङाला लेमु खाला छ्या ओत।

१ कोरिन्‍थी 10:25

स्‍या छोङसाला गाल्‍ला ख्‍योकोनगी दि स्‍या खापेकी खुलाबाते ईन्‍ताका, ना खइँदाला पूजा खाबातेका ईन्‍दा सिन छ्याःङ शंका मिक्‍किता खाला ङ्योला सो।

१ कोरिन्‍थी 8:1

थेमे ल्‍हाला पूजा खाबाते सा ओङगीताना मेङते सिन ख्‍योकोनगी ङाला ठिबा ओताक्‍वा। ईन्‍दाका च्‍यि खिता ओङगीते, चुक खिता मेङते सिन ङुरूङ गाङेला छ्याराङ ओत। जे बादोङ छ्या स्‍येकान्‍ते मि छ्येकामा खिओ। ज्‍येनला ङिङज्‍ये खित्‍कान्‍ते मिकीकामा लेमु काम खिओ।

१ कोरिन्‍थी 8:4

थाचेन ङा ल्‍हाला पूजा खाबाते सा ओङगीताना मेङते सिन बात खितामीन। दि ल्‍हा लु सिराते छ्याःङ मेन। परमेश्‍वर खालि दोक्‍पोईकामा ओत।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।