१ कोरिन्‍थी 8:6 - जिरेल

⁶ ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

१ कोरिन्‍थी 8:6 Iomraidhean Croise

मत्ती 11:27

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

यूहन्‍ना 1:10

थे छ्य्‌वापेकीराङ परमेश्‍वरगी दि सा लुङबा जोबा ओतान। दोक खाईन थे खोरोङ छ्य्‌वापेई जोबाते दि सा लुङबादुराङ ओङजीनोङ थे सु ईन्‍दे सिन दि सा लुङबे मिओनगी छ्या मास्‍येसुङ।

यूहन्‍ना 1:3

दि सा नाम थेमे सा नाम खाङ ओताते जति गाङे परमेश्‍वरगी थे बात सिराते छ्य्‌वापेकीराङ जोबा ओतान। दोक खाईन जोबातेबे नाङ थे बात सिराते छ्य्‌वापेकी मेन्‍दालाचेन छ्याःङज्‍यीक खाङज्‍यीगोङ थाराङ ठुङा मेतान।

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 13:13

ख्‍योकोनगी ङाला खेराङ गुरू थेमे खेराङ मालिक ईन सिन खिदुक। ख्‍योकोनगी थोक साबाते ठीकराङ ईन। ङा ख्‍योकोनगी साबा च्‍योकराङ ईन।

यूहन्‍ना 14:20

ङाला थोङे छोमु आबाताङ ङा दोक्‍पोईराङ दुका, ङा ख्‍योकोन सेमगी नाङ देत्‍च्‍याक्‍वा थेमे ख्‍योकोनोङ ङात्ताङ जीउज्‍यीकराङ ओङा ओताक्‍वा सिन ख्‍योकोनगी लेमु खाला छ्या स्‍येक्‍यो।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

शक्ति काम 17:28

थेकी खित्‍सादुराङ ङुरूङ गाङेराङ सोन्‍गीन देता थुपाते ईन। थे शक्तिदुईराङ ङुरूङ काम खित्‍च्‍येते थेमे फार छुर खिता थुपाते ईन। कविता टिक्‍कान्‍ते खेराङ मिओनगीङ कोई कोईकी ‘ङुरूङ गाङे थे सखा सन्‍तानराङ ईन,’ सिन टिबा ओत, मेन?

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

शक्ति काम 5:31

थेमे थेकी थेला गाङेला राज्‍य खित्‍कान्‍ते गेल्‍बो जोबा ओत। मिओनला पापदुकी डेल्‍कान्‍तेङ थेराङ ईन सिन छ्येज्‍यीक मान बिन्‍गीन थेला थे खोरोङ सामे छ्य्‌वापा ज्‍याक्‍पा ओत। ङुरूङ इस्राएलीओन दाक्‍पोन पापी दुका सिन छ्या स्‍येला परमेश्‍वर छ्य्‌वापा लै खित्‍स्‍यीत थेमे ङुरूङगी खाबाते पाप माफ ओङस्‍यीत सिनराङ परमेश्‍वरगी येशूला थोक थोक खाबाते ईन।

रोमी 11:36

ओताते जति गाङे थेकीराङ जोबाते ईन थेमे जोबातेबरी जेसुकैला ताकान्‍तेङ थेराङ ईन, दिबा जेसुकै गाङे थेतेराङ ईन। दोक छ्येते परमेश्‍वरते सधैँभरि जय जय ओङस्‍यीत। आमेन।

१ कोरिन्‍थी 1:2

ङा दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन ख्‍योकोनला टिगीन ओत। येशू ख्रीष्‍टकी खित्‍सादु परमेश्‍वरगी ख्‍योकोन सेम खुदुक जोकीन थे खोरोङ सन्‍तान ईन सिन छाने खाबा ओत। दुरू टिबाते बातचेन ख्‍योकोन च्‍योकराङ प्रभु येशू ख्रीष्‍टला प्रभु सिन सिरकान्‍ते गाङेपे मिलाङ ईन। येशू ख्रीष्‍टचेन थेबेतेङ ङुरूङतेङ मालिक ईन।

१ कोरिन्‍थी 12:3

ख्‍योकोनगी दि बात छ्या स्‍येबा खि। च्‍यि सासीन परमेश्‍वर आत्‍मे छ्य्‌वापेई बात खित्‍कान्‍ते मि सुङगीङ येशूला मोता सराप मिक्‍किओ। थोकराङ खाला परमेश्‍वर आत्‍मे छ्य्‌वापेई बाई सुङगीङ येशूराङ छ्ये ईन, थेराङ प्रभु ईन सिन सिरा मुथुबो।

१ कोरिन्‍थी 6:13

ख्‍योकोनगी “मिला साप थुङा गोक्‍यो, साप थुङा मेताला मि चुक खाला सोन्‍गीते?” सिरा ठीकराङ ईन। तर ङीमाई परमेश्‍वरगी मि जीउ साप थुङा मोगोच्‍या खुदुक जोइओ। बात च्‍यि सासीन परमेश्‍वरगी ङुरूङला दि जीउ बिन्‍दाते रन्‍डीबाजी थेमे होदि च्‍योक्‍ते खिता मेङच्‍येते काम खिताला मेन, प्रभु येशूला मन परे खित्‍च्‍येते काम खिताला ईन। ङुरूङला गोच्‍येते तेरकान्‍ते प्रभु येशूराङ ईन।

१ कोरिन्‍थी 8:4

थाचेन ङा ल्‍हाला पूजा खाबाते सा ओङगीताना मेङते सिन बात खितामीन। दि ल्‍हा लु सिराते छ्याःङ मेन। परमेश्‍वर खालि दोक्‍पोईकामा ओत।

एफिसी 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। च्‍यिला सासीन ख्रीष्‍टकी खित्‍सादु थेकी स्‍वर्गनेकी थे खोरोङगी तेरच्‍येते आशी जति गाङे ङुरूङला बिन्‍दा ओत।

एफिसी 3:14

आबा परमेश्‍वरगी खाबाते दि अचम्‍बते कामओन विचार खिन घुँडा चुला ङा थेला प्रार्थना खिओ।

कलस्‍सी 1:6

ख्‍योकोनला दि बात लाप्‍कीन बिन्‍दा ओत। सा लुङबा खाङराङ दि बात फैले खिन डुइन ओत। थेमे दि बात ङेन्‍गीन झन झन मि काल्‍बेईकी लेमु काम खिन दुक। गा लाङच्‍येते बात थोबा छोमुमेई थेमे परमेश्‍वरगी दया खिओ सिन लेमु खाईन छ्या स्‍येनामेई ज्‍येन ज्‍येनगी च्‍योकराङ खाईन ख्‍योकोनगीङ लेमु काम खिताला स्‍यूबाते ईन।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।