१ कोरिन्‍थी 8:4 - जिरेल

⁴ थाचेन ङा ल्‍हाला पूजा खाबाते सा ओङगीताना मेङते सिन बात खितामीन। दि ल्‍हा लु सिराते छ्याःङ मेन। परमेश्‍वर खालि दोक्‍पोईकामा ओत।

१ कोरिन्‍थी 8:4 Iomraidhean Croise

मर्कूस 12:29

थोक सिरजीन थेकी थेला “परमेश्‍वरगी ङेन साबाते छ्येते नियम दिराङ ईन। थे नियमला चुक खि साबा ओते सासीन ‘इस्राएलीवे, दि बात लेमु खाला ङेन। ङुरूङ प्रभु परमेश्‍वरलाकामा माने खिओ। प्रभु परमेश्‍वर थेकामा ईन।

शक्ति काम 14:15

“ए ख्‍योकोनगी दोक च्‍यि खिता चाले? ङ्योकोन ल्‍हा मेन। ङ्योकोनोङ ख्‍योकोन च्‍योक्‍ते मिराङ ईन। ङ्योकोननी दुरू ख्‍योकोनला गा लाङच्‍येते बात लोपालाका वाबाते ईन। च्‍यि सासीन ख्‍योकोनगी थातासाक ल्‍हा सिन माने खाबातेबाला माने खिता माफाबो। थेबा ल्‍हा मेन। थेबाला माने खिता ताङला बरू सोम्‍बोते परमेश्‍वर छ्य्‌वापा लै खाला थेला माने खि। थेकीराङ दि सा नाम, समुन्‍द्र थेमे ओतातेबरी जति गाङे जोबाते ईन।

शक्ति काम 15:20

बरू ङुरूङगी थेबाला चुक खिइसे सासीन ल्‍हाला पूजा खाबाते छ्याःङ मासा। थोक्‍ते सोसीन ल्‍हा लु माने खाबा च्‍योकराङ ईन। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत। थोकराङ खाला ठाक मेदेन्‍दा खाईन सेताते छ्याःङगीतेङ स्‍या मासा, ठागोङ मासा सिन चिट्ठीज्‍यीक टिला तोङगी।

शक्ति काम 19:26

तर दि पावल सिरातेकीनी मिकी जोबाते ल्‍हे मूर्ति ल्‍हा ईनराङ मेन साकीन दि सारदु थेमे एशिये अञ्‍चल खाङराङ मि काल्‍बा च्‍योक गाङेला थे खोरोङ छ्य्‌वापा लै खित च्‍युत्‍कीन सिन्‍सुङ। दोक दोक ओङगीन दुक सिन ख्‍योकोनगी छ्या मास्‍येबाते मेन।

१ कोरिन्‍थी 8:1

थेमे ल्‍हाला पूजा खाबाते सा ओङगीताना मेङते सिन ख्‍योकोनगी ङाला ठिबा ओताक्‍वा। ईन्‍दाका च्‍यि खिता ओङगीते, चुक खिता मेङते सिन ङुरूङ गाङेला छ्याराङ ओत। जे बादोङ छ्या स्‍येकान्‍ते मि छ्येकामा खिओ। ज्‍येनला ङिङज्‍ये खित्‍कान्‍ते मिकीकामा लेमु काम खिओ।

१ कोरिन्‍थी 8:10

च्‍यि सासीन खइँदा ल्‍हे थानदु पूजा खाबाते स्‍या सा बेलाला दि ल्‍हा लु सिराते छ्याःङ मेन सिन छ्या ओताते ख्‍योकोन सुइँदा थेरू गाल्‍गीन थे स्‍या सोसुङ थेमे खेराङगी च्‍योक खाईन बात लेमु खाईन छ्या स्‍येबा मेताते खेराङ आज्‍यो न्‍वाकी थोङसुङ सासीन थोक्‍ते स्‍या सा ओङच्‍याक्‍वा सिन थेबेकीङ सेइओ। सोनामेई थेबाला ङे पाप खाबाप सिराच्‍योक लाङगो।

१ कोरिन्‍थी 8:11

होथोक खाला ख्‍योकोनगी छ्या स्‍येबाते बातकी खित्‍सादु खेराङ आज्‍यो न्‍वाला पाप खित ज्‍युत्‍कीदुक। ख्रीष्‍टचेन होथोक्‍ते मि लाईदुङ स्‍याप्‍ते ईन सिरच्‍येते बात टोक माज्‍येत।

गलाती 4:8

गोमाबा परमेश्‍वरला छ्या स्‍येबा मेते बेलाला ख्‍योकोन दुक्‍पा खाला खाला ल्‍हा लुला माने खिन ओतान। थोक खाला थेजीन ख्‍योकोन थेबाला माने माक्‍याबाला ओङराङ मेङगो सिराच्‍योक खाला ल्‍हा लु माने खिन ओतान। थेबानी ल्‍हा ईनराङ मेन।

एफिसी 4:6

ङुरूङ गाङेते परमेश्‍वर दोक्‍पोईराङ ईन, थेराङ ङुरूङ आबा ईन। ङुरूङ गाङेला राज्‍य खित्‍कान्‍ते, गाङे नाङ काम खित्‍कान्‍ते थेमे गाङे नाङ देत्‍कान्‍ते थेराङ ईन।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

१ तिमोथी 2:5

च्‍यिला सासीन परमेश्‍वर दोक्‍पोईकामा ओत थेमे परमेश्‍वरताङ मिओनला डिक्‍पा खाला तेरकान्‍तेङ दोक्‍पोईकामा ओत। थेचेन मि जुनी लाबाते येशू ख्रीष्‍टराङ ईन।

यहूदा 1:25

परमेश्‍वर थेकामा ईन। ङुरूङला पापकी सजायदुकी डेल्‍कान्‍ते थेराङ ईन। थेते जय जय ओङस्‍यीत, थे आउदी छ्ये ईन, थेकी गाङेपा गाङेला राज्‍य खिओ थेमे थेत्ताङ जस्‍तोङ खित्‍च्‍येते अधिकार ओत। ङुरूङ प्रभु येशू ख्रीष्‍ट छ्य्‌वापेकी ङुरूङगी जुग जुगनामेई थरिङसाक ओता च्‍योकराङ थे सधैँभरि दोकराङ ओङला देत्‍स्‍यीत सिन सिइ। आमेन।