१ कोरिन्‍थी 7:6 - जिरेल

⁶ ङे ख्‍योकोनला दोक खिताराङ फाप्‍क्‍यो सिन कोताते मेन। खालि सल्‍लाह बिन्‍दातेकामा ईन।

१ कोरिन्‍थी 7:6 Iomraidhean Croise

१ कोरिन्‍थी 7:10

थेमे फाङमा खाईन सिन्‍दाते मिओनलाचेन ङा दि खिराङ सिन कोत्‍क्‍यो, ङे मेन दि बात प्रभु येशूकीराङ कोताते ईन। चुक सासीन फेम्‍मे मि ख्‍योबोताङ ठाला मेङगो।

१ कोरिन्‍थी 7:12

थेमे ख्‍योकोन ज्‍येनबरीलाचेन ङा दि सल्‍लाह तेरग्‍यो। दिचेन ङाला प्रभु येशूकी सि साबाते मेन, ङाराङ बात ईन। चुक सासीन ख्‍योकोन सुइँदेते फेम्‍मेचेन येशूला विश्‍वास खित्‍कान मेन्‍सीनोङ थे मोरोङ ख्‍योबोताङ देता सेम खिदुक सासीन ख्‍योकोनगी थोक्‍तेला मातोङ।

१ कोरिन्‍थी 7:25

थेमे ख्‍योकोनगी कर्नेते मिओनगीचेन चुक खिता लेमु ईन्‍ताका सिन ङाला ठिबा ओताक्‍वा। थोक्‍ते मिओनगी च्‍यि खित्‍च्‍ये, चुक खिता फाप्‍कीते सिरच्‍येते बातनी प्रभु येशूकी ङाला कोता मेत। ईन्‍सीनोङ कर्नेते मिओनगी चुक खिता लेमु ईन्‍दे सिन सल्‍लाह तेरामीन। प्रभु येशूकी ङाला दया खाबा ओतेकी ख्‍योकोनगी ङे सल्‍लाह ठीक ईन सिरा थुप्‍क्‍यो।

१ कोरिन्‍थी 7:40

ङालाचेन चुक लाङगीका सासीन थोक्‍ते फेम्‍मे मिकी लोक्‍ला फाङमा मिक्‍किता खाईन देत्‍सुङ सासीन लेमु ओङगो। दि ङे ख्‍योकोनला ङाराङ सल्‍लाहकामा बिन्‍दाते ईन। ईन्‍सीनोङ परमेश्‍वर आत्‍मेकीराङ ङाला चुक खाला बात खित्‍च्‍ये सिन लाप्‍ला तेरग्‍यो सिन ङाला छ्या ओत।

२ कोरिन्‍थी 11:17

ईन्‍दाका दोक्‍ते बात खि सिन प्रभु येशू ख्रीष्‍टकी ङाला कोताते मेन। छ्याःङ बुद्धि मेताते लेम्‍बाते मिकीकामा ङा दोक्‍ते ईन, थोक्‍ते ईन साला छ्ये खिओ।

२ कोरिन्‍थी 8:8

ङे ख्‍योकोनगी दोकराङ खिता फाप्‍क्‍यो सिन कोतातेनी मेन। ज्‍येनतेबेकी दुक्‍पा ङेतातेबाला चुक रहर खाईन तेरा चाल्‍ला दुका सिन साला ख्‍योकोनगीङ ज्‍येनला खेकीकामा मेन पक्‍काराङ ङिङज्‍ये खित्‍च्‍या ईन्‍दाकाना मेन्‍दाका सिन छ्या स्‍येबाला ङे दोक साबाते ईन।