१ कोरिन्‍थी 6:3 - जिरेल

³ थेमे परमेश्‍वर दूतओनते समेदोङ ङुरूङ न्‍याय खिओ सिन ख्‍योकोनला छ्या मेताना च्‍यिन्‍दे? तिरी ङुरूङ थोक्‍ते कामनी खिओ सासीन दि जुनीला दाक्‍पोन नाङ खइँदा मिडिक्‍च्‍येते बात ओङजीन च्‍यिला डिक्‍पा खिता मुथुप्‍तेरो?

१ कोरिन्‍थी 6:3 Iomraidhean Croise

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

लूका 21:34

थोगी ख्‍योकोनगी परमेश्‍वर ओत्‍सादुई वाबाते मि ङा ग्‍युरला ओङे छोमुसाक चुक खाला देता फाप्‍च्‍या ईन्‍दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्‍या थुङच्‍याताङ खोन्‍च्‍ये पीर माकेत। दोक खिन देत्‍सीन खरेउ तोर्बाकला थेप्‍लु खाला थे दिन लेपे छोमुकामा ख्‍योकोनगी छ्या स्‍येक्‍यो।

लूका 8:14

लोक्‍ला कोई कोईकी परमेश्‍वर बातनी ङेन्‍ग्‍यो। ईन्‍सीनोङ साच्‍या थुङच्‍याताङ खोन्‍च्‍ये पीर, सम्‍पत्ति लोभ थेमे सुबा दुला दुला सेइन किम्‍मु खाला देता चालेकी खित्‍सादु थेबेकी थोबाते परमेश्‍वर बात दाक टोक ज्‍येत्‍ला छ्याःङ काम लै मिक्‍किओ। चाङगी बुटे नाङ फाप्‍कीन केबाते छ्याःङ मागोन्‍दाते सोन साबातेचेन होथोक्‍ते मिओनला साबाते ईन।

रोमी 6:16

दाक्‍पोन खुशीकीराङ ज्‍येन मि काम खित गाल्‍नामेई थे मिकी मालिकतेकी कोताते मिक्‍किओ सिरा मेङेदो। जे खि सासीनोङ थेकी ङेन्‍दाराङ फाप्‍क्‍यो सिन ख्‍योकोनला छ्याराङ ओत। होदि बात च्‍योकराङ ख्‍योकोनगी पाप खासीन ख्‍योकोन पापकी योक्‍पो च्‍योकराङ ओङला पाप खिन देता फाप्‍क्‍यो। दोक खिन देत्‍नामेई ख्‍योकोन पापकी सजाय ङेत्‍ला स्‍यिइओ। परमेश्‍वरला दाक्‍पोन मालिक सिन थेकी साबाते ङेन्‍सीनचेन थेकी ख्‍योकोनला सजाय मेतेरा खाला दोषी मेन सिओ।

१ कोरिन्‍थी 6:15

ख्रीष्‍टकी जीउकी लाक्‍पा, काम्‍बा, मिक च्‍योक्‍तेबाचेन ख्‍योकोनराङ ईन सिन च्‍यि ख्‍योकोनला छ्या मेत? थोगी च्‍यि ङुरूङ गाल्‍ला रन्‍डीताङ ङ्याला ओङगो? थोक्‍ते काम नोमुङ खिता मेङगो।

१ कोरिन्‍थी 6:16

रन्‍डीताङ ङ्याल्‍कान्‍ते मि थेत्ताङ जीउज्‍यीकराङ ओङगो सिन च्‍यि ख्‍योकोनला छ्या मेत? परमेश्‍वर बातला “ख्‍यावा फेम्‍मे ओङनामेई थेबा ङिबो जीउज्‍यीकराङ ओङगो,” सिन टिबा ओत।

१ कोरिन्‍थी 6:19

परमेश्‍वरगी ख्‍योकोनला बिन्‍दाते परमेश्‍वर आत्‍मा ख्‍योकोन नाङ देत्‍क्‍यो। थोगी ख्‍योकोन जीउ परमेश्‍वर आत्‍मे मन्‍दिर ईन सिन च्‍यि ख्‍योकोनला छ्या मेत? थोक ईन्‍देकी ख्‍योकोनगी खेराङ खुशी खिता मेङेदो। परमेश्‍वर ख्‍योकोन मालिक ईन।

१ कोरिन्‍थी 6:4

थोगी खेराङ नाङ होदोक्‍ते खइँदा बात मिडिक्‍जीन थे बात डिक्‍पा खाला नाङ सिराला ख्‍योकोन च्‍यिला येशू ख्रीष्‍ट मिओन बात छ्याःङ छ्या मेताते मिओन ओत्‍सादु डुइते?

२ तिमोथी 2:4

खोपरोङ छ्येते मिकी साबा साबा ङेन्‍दा छोल्‍कान्‍ते मिल्‍टेरी सुङ लडाइँ खिन खिन ताङला खोपरोङ काम खिताला मोन्‍डोओ।

२ तिमोथी 4:10

डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

२ पत्रुस 2:4

दि बात ङुरूङला छ्याराङ ओत। च्‍यि सासीन परमेश्‍वरगी पाप खित्‍कान्‍ते परमेश्‍वर दूतओनला समेदोङ थाराङ मोतोङा खाईन सजाय बिन्‍गीन नरककुण्‍डमा गाङे भन्‍दा मुन्‍दाकते ठाउँनामा लुक्‍पा ओत। परमेश्‍वरगी मि गाङे न्‍याय खित्‍च्‍येते दिन मालेपथुप थेबाला ठाठाबाराङ थे मुन्‍दाकते ठाउँदुराङ किल्‍ला ज्‍य्‌वाक्‍यो।

यहूदा 1:6

थेमे परमेश्‍वरगी मान बिन्‍गीन ज्‍याक्‍पाते ठाउँदु मेदेता खाला दाक्‍पोन खुशीला ख्‍याम्‍कान्‍ते थे खोरोङ दूतओनलाङ थेकी नोमुङ ठोला मुथुप्‍च्‍या खाईन साङलोकी ठाकीन मि गाङे न्‍याय खित्‍च्‍येते दिन मालेपथुप नरककुण्‍डमा गाङे भन्‍दा मुन्‍दाकते ठाउँनामा लुगीन ज्‍याक्‍पा ओत।