१ कोरिन्‍थी 5:8 - जिरेल

⁸ थोक ईन्‍देकी था ङुरूङगी मेलेबाते कामताङ पाप खिता तोङा फाप्‍क्‍यो। मेलेबाते कामताङ पाप खित्‍च्‍येते बानीचेन सोडा लुगीन स्‍येबाते स्‍योबेन च्‍योक्‍ते ईन। था सेमदु छ्याःङ पापताङ लोभ मोज्‍योबा खाला लेमुते कामताङ साँचोते बातकामा खिता फाप्‍क्‍यो। दोक खाबातेचेन ङुरूङगी सोडा मुलुबा खाईन स्‍येबाते स्‍योबेन सोकीन निस्‍तार चाड माने खाबा च्‍योक्‍ते ईन।

१ कोरिन्‍थी 5:8 Iomraidhean Croise

मत्ती 16:12

थोक सानामेईका थेबेकी बल्‍ल थेकी साबाते बातकी अर्थचेन फरिसीताङ सदुकी पाटी मिओनगी लोप्‍च्‍येते बातला नामज्‍योकराङ मासेत साबाते दुका सिन छ्या स्‍येसुङ।

मत्ती 16:6

थोक खाला डुइन डुइनला येशूकी थेबाला “फरिसीताङ सदुकी पाटी मिओनताङ स्‍योबेनला लुच्‍येते सोडा ओत। थे सोडा खेराङला मेतेरस्‍यीत सिन ख्‍योकोन च्‍याङबो खिसा है,” सिन सिदुक।

मर्कूस 8:15

थे बेलालाराङ येशूकी थेबाला “फरिसी पाटी मिओन थेमे हेरोदताङ स्‍योबेनला लुच्‍येते सोडा ओत। थे सोडा खेराङला मेतेरस्‍यीत सिन ख्‍योकोन च्‍याङबो खिसा है,” सिन सिदुक।

लूका 12:1

थेजीन ङोला ङ्वा मुथुप्‍च्‍या मि येशू खादु जम्‍मा ओङगीन ओतान। थे दोन्‍दुराङ ड्वाप सिन थेबा आउदी खाला च्‍येपा च्‍येप खिन ओतान। थेमे गोमाचेन येशूकी चेलातेबाताङ बात खिन “फरिसी पाटी मिओनताङ च्‍याङबो खिसा है। थेबाताङनी स्‍योबेनला लुच्‍येते सोडा ओत। थेबाताङ सोडा ओत साबाते च्‍यि सासीन थेबेकीनी खेकीकामा लेमुते बात खिओ। सेमगी नाङचेन मेलेबा मेलेबा बात ब्‍वाकीन ज्‍याक्‍पा ओङगो।

यूहन्‍ना 1:47

नथानेलला थे खोरोङ ओत्‍सापा ओङा थोङगीन येशूकी “लो तो, दिचेन लेमुते इस्राएली ईन। दि सेमगी नाङ मेलेबा सिराते छ्याःङ मिन्‍दुक,” सिन सासुङ।

१ कोरिन्‍थी 3:3

च्‍यि सासीन ख्‍योकोननी दाक्‍पोन खुशीला ख्‍याम्‍कान्‍ते मिओन च्‍योकराङ दुक। ख्‍योकोन दाक्‍पोन दाक्‍पोन नाङ डार खिन थेमे थोम्‍मु खिन देत्‍ला परमेश्‍वर आत्‍मेकी च्‍यि खि सिका थे ङेनराङ मेङेन्‍दुक। थोगी च्‍यि ख्‍योकोन दाक्‍पोन खुशीला ख्‍याम्‍कान्‍ते ज्‍येन मि च्‍योकराङ मायाङसुङरो?

१ कोरिन्‍थी 5:1

थेमे ज्‍येन बात काल्‍बा च्‍योक मि खानापेई ङे च्‍यि थोकीका सासीन ख्‍योकोन नाङ मेराज्‍यीक आबातेकी खुलाबाते फेम्‍मे मि थे खोरोङ आमा टिक्‍पी फाप्‍च्‍येतेताङ ख्‍यावा फेम्‍मे च्‍योकराङ ओङगीन देत्‍ला दुक्‍लो। थोक मेलेबा कामनी परमेश्‍वरला छ्या मास्‍येबाते मिओनगीङ नोमुङ मिक्‍किओ।

१ कोरिन्‍थी 5:6

ख्‍योकोन खेराङ आउदी लेमुतेबा ईन सिन छ्ये खिदुक। थोक खिता लेमु मेन। सोडा टिक्‍पीस्‍यिककामा लुक्‍सीनोङ ज्‍येन्‍ताक गाङेपा ठाम्‍ग्‍यो सिन च्‍यि ख्‍योकोनला छ्या मेत?

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

२ कोरिन्‍थी 8:8

ङे ख्‍योकोनगी दोकराङ खिता फाप्‍क्‍यो सिन कोतातेनी मेन। ज्‍येनतेबेकी दुक्‍पा ङेतातेबाला चुक रहर खाईन तेरा चाल्‍ला दुका सिन साला ख्‍योकोनगीङ ज्‍येनला खेकीकामा मेन पक्‍काराङ ङिङज्‍ये खित्‍च्‍या ईन्‍दाकाना मेन्‍दाका सिन छ्या स्‍येबाला ङे दोक साबाते ईन।

एफिसी 6:24

ङुरूङ प्रभु येशू ख्रीष्‍टला ङिङज्‍ये खिन देत्‍कान गाङेला परमेश्‍वरगी दया खिनराङ देत्‍स्‍यीत।

१ पत्रुस 4:2

ख्रीष्‍टला ताला थेकी च्‍योकराङ खानामेई था ख्‍योकोनगी दाक्‍पोन खुशी खिन जे खिता सेम लाङगीदुक थेराङ खिन देता माफाबो, बरू सोन सोनसाकराङ परमेश्‍वरगी च्‍यि खि सिका थे छ्या स्‍येला थेकी खि साबा च्‍योकराङ खिन देता थुप्‍क्‍यो।