१ कोरिन्‍थी 5:7 - जिरेल

⁷ था ख्‍योकोन सोडा मुलुबा खाईन ङ्येबाते ज्‍येन्‍ताक डल्‍लो च्‍योक ओङाला ज्‍येन्‍ताक गाङेपा ठाम्‍च्‍येते सोडा च्‍योक ईन्‍दाते गोमाबा खिन ओताच्‍योक पाप खिता थोङ। च्‍यिला सासीन निस्‍तार चाडगी बेलाला पूजा खिता फाप्‍च्‍येते लुई रीउ च्‍योक ओङगीन ख्रीष्‍ट ङुरूङला पाप खित्‍च्‍येते बानीदुकी डेलाला ङुरूङ लाईदु स्‍यिइन सिन्‍दा ओत।

१ कोरिन्‍थी 5:7 Iomraidhean Croise

मत्ती 13:33

दोक सानामेई याङराङ थेकी “स्‍वर्गे राज्‍य बात गाङेपा फैले खित्‍च्‍येते बातचेन दि बात च्‍योकराङ ईन। च्‍यि सासीन सुइँदा फेम्‍मे मिकी स्‍योबेन स्‍येक्‍पे बेलाला फाम सुमजो ज्‍येन्‍ताक ङेक्‍जीन सोडा टिक्‍पीस्‍यिककामा लुक्‍यो। छुस्‍सईकामा लुक्‍सीनोङ थेराङ गाङेपा ठाम्‍ला थे ज्‍येन्‍ताक लेमु खाला फुले खिओ,” सिन सिदुक।

मर्कूस 14:12

थेमे सोडा मुलुबा खाला स्‍योबेन स्‍येला साच्‍येते चाड ख्‍योला ओतान। थे चाडगीते गोमे छोमु निस्‍तार चाड माने खिताला लुई रीउ सेता फाप्‍कीन ओतान। थेमे चेलातेबेकी येशूला “गुरू, ङ्योकोनगी खोल्‍ला सिन निस्‍तार चाडगी भोज खापा गाल्‍ला ठीक खिसे, ङ्योकोन खापा ग्‍युगे?” सिन ठिसुङ।

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

यूहन्‍ना 1:36

थेमे येशू थे खोरोङ दोन्‍नापेईराङ खाईन ड्वा थोङगीन थेकी “लो तो, परमेश्‍वरगी मि लाईदु बिन्‍दाते लुई रीउचेन दिराङ ईन,” सिन सिदुक।

यूहन्‍ना 19:14

निस्‍तार चाड शुरू ओङगीन ङारो च्‍योक्‍ते सन्‍चारी लाईदु जेसुकै ठीकठाक खिता फापे छोमु ङीम्‍मु बाह्र बजे नाङपा दोक दोक ओङगीन ओतान। थेमे पिलातसकी यहूदीओनला “लो खेराङ गेल्‍बोला तोसा,” सिन सिदुक।

रोमी 3:25

मिओन पाप माफ ओङस्‍यीत सिन स्‍याप्‍ला परमेश्‍वरगी येशू ख्रीष्‍टला देमा ताङाते ईन। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु खोपरोङ पाप माफ ओङगो सिन थेला विश्‍वास खित्‍कान्‍ते मिओन पाप परमेश्‍वरगी माफ तेरग्‍यो। परमेश्‍वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्‍टकी खाबाते कामगी खित्‍सादु थेबे पाप माफ तेराप सिन थे थोक खाईन देत्‍कीन थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन मिओनला छ्या स्‍ये च्‍युत्‍सुङ।

१ कोरिन्‍थी 10:17

स्‍योबेनज्‍यीकराङ च्‍यागीन सोबातेचेन ङुरूङ मेरा काल्‍बेई ओत्‍सीनोङ गाङे जीउज्‍यीकराङ ईन सिन साबाते ईन।

१ कोरिन्‍थी 5:13

येशू ख्रीष्‍ट मिओन मेन्‍दाते मि न्‍याय खित्‍कान्‍ते परमेश्‍वर ईन। परमेश्‍वर बातला “मेलेबा काम खित्‍कान्‍ते मिला खेराङ नाङदुकी तेन्‍ला थोङ,” सिन साबा ओत।

एफिसी 4:22

था खेराङला लापा च्‍योकराङ खि। च्‍यि सासीन गोमा खिन ओताच्‍योक खिन मेदेता खाला मेलेबाते कामताङ बात खित्‍च्‍येते बानी थोङ। गोमाबा ख्‍योकोन दाक्‍पोन सेमला लाबा लाबाच्‍योक खासीन लेमु ओङगो सिन थोकराङ खिन ओतान। होथोक खाबेकी ख्‍योकोन ङ्येला डुइन ओतान।

छ्या स्‍ये च्‍युताते बात 5:12

थेमे थेबा गाङेराङ “बाजिई सेताते लुई रीउताङ छ्येज्‍यीक शक्ति ओत। सा लुङबा खाङ ओताते सम्‍पत्ति गाङे थेतेराङ ईन। थे जस्‍तो बादोङ छ्या स्‍येकान्‍ते ईन। थेकी जस्‍तो कामोङ खिता थुप्‍क्‍यो। थेला मान खिता सोई खिओ। थेते जय जय ओङस्‍यीत। थेला छ्ये ज्‍वा फाप्‍क्‍यो,” सिन आउदी कस्‍स्‍ये खाला लु लिन्‍गीन ओतान।