१ कोरिन्‍थी 5:5 - जिरेल

⁵ चुक सासीन थेकी पाप खिता तोङस्‍यीत सिन थेला शैतान लाःक्‍तु सोम्‍पे खि। थोक खानामेई थे स्‍यिसीनोङ प्रभु येशू ग्‍युरला ओङे छोमु थेकी थेला पापकी सजाय मेतेरो।

१ कोरिन्‍थी 5:5 Iomraidhean Croise

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

लूका 22:31

थेमे येशूकी शिमोन पत्रुसला “शिमोन, खो च्‍याङबो खाला देत। ङे छ्य्‌वापेई डेलाला शैतानगी ख्‍योकोन गाङेला ल्‍वा छोल्‍ग्‍यो। थेकी दोक खित्‍च्‍येतेनी टाप्‍ला ठाताङ फुङमा डेल्‍च्‍येते च्‍योक ईन। ख्‍योकोनगी ङाला खित्‍च्‍येते विश्‍वास खजो पक्‍का दुका सिन ताप्‍ला परमेश्‍वरगी शैतानला थोक खासीन ओङगो सिन सिदुक।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

१ कोरिन्‍थी 1:8

येशू ख्रीष्‍टकी ख्‍योकोनला तिरीसाकराङ थे खोरोङला विश्‍वास खिन देत ज्‍युत्‍क्‍यो। थोक खाला ङुरूङ प्रभु येशू ख्रीष्‍ट ग्‍युरला ओङे छोमु सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिरा मुथुबो।

१ कोरिन्‍थी 11:32

ङुरूङगी गल्‍ती खित्‍जीन प्रभु परमेश्‍वरगी ङुरूङला दुक्‍पा बिन्‍ला ताला लुच्‍येतेचेन था तिरी मि गाङे न्‍याय खिते छोमु ङुरूङगीङ दि सा लुङबे मिकी च्‍योक खाला सजाय मेङेत्‍स्‍यीत सिनराङ ईन।

१ कोरिन्‍थी 5:13

येशू ख्रीष्‍ट मिओन मेन्‍दाते मि न्‍याय खित्‍कान्‍ते परमेश्‍वर ईन। परमेश्‍वर बातला “मेलेबा काम खित्‍कान्‍ते मिला खेराङ नाङदुकी तेन्‍ला थोङ,” सिन साबा ओत।

२ कोरिन्‍थी 10:6

दोक खाईन ख्‍योकोन गाङेकी ङ्योकोनगी लाःपा कोताते लेमु खाईन ङेन्‍नामेईचेन ङ्योकोन बात मेङेन्‍कान्‍तेबाला चुक खिता फाप्‍कीते सिन ङ्योकोनला लेमु खाला छ्या ओत।

२ कोरिन्‍थी 12:7

ङाराङला छ्या स्‍ये च्‍युताते होथे अचम्‍बते बातओन खाला ङा छ्ये मिक्‍किस्‍यीत सिन परमेश्‍वरगी ङाला सुकज्‍यीक देक च्‍युत्‍सुङ। ङा छ्ये मिक्‍किस्‍यीत सिन थेकी शैतान दूतज्‍यीकला ङाला दोक खाला सुक लोङ च्‍युत्‍सुङ।

२ कोरिन्‍थी 13:10

था ङे थेपा वानामेई ङाराङताङ खजो अधिकार ओते सिराच्‍योक मिक्‍किता खाला ख्‍योकोनताङ खा छ्येत लेमुकी बात खिता ङेत्‍स्‍यीत सिन ङे थारीला ओते बेलालाराङ दि बाततेबा टिबाते ईन। च्‍यिला सासीन प्रभु ख्रीष्‍टकी ङाला बिन्‍दाते अधिकार ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेराला बिन्‍दाते ईन।

फिलिप्‍पी 1:6

ख्‍योकोन थेकी ज्‍वा चाला च्‍योकराङ लेमु ओङस्‍यीत सिन परमेश्‍वरगी ख्‍योकोन नाङ खिताला स्‍यूबाते लेमुते काम खिनराङ देत्‍क्‍यो सिन ङाला लेमु खाला छ्या ओत। येशू ख्रीष्‍ट ग्‍युरला ओङे छोमुसाकला थेकी दि काम पूरो खिओ।

१ तिमोथी 1:20

थेबे नाङ हाइमेनियसताङ अलेक्‍जेन्‍डरोङ फाप्‍क्‍यो। प्रभु येशू ख्रीष्‍टला विरोध खिता मेङच्‍याक्‍वा सिन छ्या स्‍येस्‍यीत सिन ङे थेबा ङिकारला शैतान लाःक्‍तु सोम्‍पे खाबा ओत।

२ तिमोथी 1:18

था प्रभु येशू ख्रीष्‍ट ग्‍युरला ओङे छोमु थेकी थेला दया खित्‍स्‍यीत। ङा एफिससदु देता ओत्‍जीनोङ थेकी ङाला थोई मद्धत खाबा ओताने सिन खोल्‍लाङ छ्याराङ ओत।

२ पत्रुस 3:12

परमेश्‍वरगी मि गाङे न्‍याय खित्‍च्‍येते थे दिन होत्ता ओङस्‍यीत सिन ख्‍योकोन होदोक खाला लेमु कामताङ बात खिन देत। थे छोमु नामचेन मेकी छिक्‍ला सोला डुइओ। थेमे दागार, ङीमाताङ कार्मातेबाङ मे रापकी खित्‍सादु बिले खाला खतम डुइओ।

१ यूहन्‍ना 5:16

थेमे ख्‍योकोन सुइँदेकी खेराङ आज्‍यो न्‍वा सुइँदेकी पाप खिता थोङसीन थेमे थे पाप खाबेकी थे स्‍यिला नरककुण्‍डमा स्‍यूक्‍पा फाप्‍च्‍या मेत्‍सीन ख्‍योकोन थोक खिता थोङकानगी परमेश्‍वरगी थेला थारच्‍येते लाम तेरस्‍यीत सिन प्रार्थना खि। दोक खाईन प्रार्थना खानामेई परमेश्‍वरगी थेला नोमुङ मिसिन्‍च्‍येते जुनी मेतेरो सिन मिसिरो। ङे थोक्‍ते मि लाईदु प्रार्थना खि साबातेचेन खालि पाप खाबेकी खित्‍सादु स्‍यिला नरककुण्‍डमा स्‍यूक्‍पा माफाप्‍कान्‍ते मि लाईदुकामा ईन। पाप खाबेकी स्‍यिला नरककुण्‍डमा स्‍यूक्‍पा फाप्‍कान्‍ते मि लाईदु थोक खि सिनचेन ङे साबाते मेन। च्‍यिला सासीन दोक्‍ते पापोङ ओङगो, थे पाप खित्‍कान्‍ते मिचेन स्‍यिला नरककुण्‍डमा स्‍यूइओ।