१ कोरिन्‍थी 5:4 - जिरेल

⁴ प्रभु येशूला छ्ये ज्‍वाप्‍ला ख्‍योकोन गाङेराङ रूबा ओते बेलाला ङाङ ख्‍योकोनताङ ङ्योम्‍बु ओताच्‍योक खाला ख्‍योकोनगी प्रभु येशू शक्ति छ्य्‌वापेकी थे मिला दोक खि।

१ कोरिन्‍थी 5:4 Iomraidhean Croise

मत्ती 16:19

थेमे गोला साँचो देक्‍पाताङ बेताच्‍योक खाला ङा खोल्‍ला स्‍वर्गे राज्‍यदु चुक बेलाला च्‍यि खित्‍च्‍ये, च्‍यि मिक्‍किच्‍ये सिरच्‍येते अधिकार तेरग्‍यो। खुई दुरू मेङगो साबाते बातला परमेश्‍वरगीङ स्‍वर्गने मेङगोतराङ सिन सिओ। थेमे खुई दुरू ओङगो साबाते बातलाचेन थेकीङ ओङगोतराङ सिन सिओ,” सिन सिदुक।

मत्ती 18:20

च्‍यिला सासीन ङे मि ईन्‍देकी मेन्‍दा ङि सुमकामा जम्‍मा ओङसीनोङ ङा थेरू थेबाताङ ङ्योम्‍बुराङ ओङगो,” सिन सिदुक।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

यूहन्‍ना 20:23

ख्‍योकोनगी सुइँदा मि पाप माफ बिन्‍सीन परमेश्‍वरगी थे पाप माफ तेरग्‍यो। ख्‍योकोनगी सुइँदे पाप माफ माबिन्‍सीनचेन थे पाप थोकराङ देत्‍क्‍यो,” सिन सिदुक।

शक्ति काम 16:18

थे बातकामा खिन थे काल्‍बेई दिनसाक ङ्योकोन तिङ ङ्योइनराङ देत्‍सुङ। जहिलेङ थे थोककामा खिन ख्‍याम्‍जीन ङीमाई पावलगी स्‍येदाङ लाकीन ख्‍युर ग्‍युरगीन थे फेम्‍मे फिजाला खोबाते ल्‍हन्‍डीकला “ङा येशू ख्रीष्‍ट मिन लाला खोल्‍ला दि फिजादुकी थेन्‍ला ग्‍युक सिओ,” सिन सिदुक। थोक सिरासात्तु थे ल्‍हन्‍डीक दाक थे फेम्‍मे फिजाला ताङगीन गाल्‍सुङ।

शक्ति काम 3:6

थेमे पत्रुसकी थेला “खोल्‍ला तेराला ङात्ताङ सेर नोर छ्याःङ मेत। ईन्‍सीनोङ ङे खिता थुप्‍च्‍येतेचेन ङा खोल्‍ला खिओ। नासरतपे येशू ख्रीष्‍ट मिन लाला ङा खोल्‍ला लाला ख्‍योम सिन सिओ,” सिन साकीन

शक्ति काम 4:30

थेमे प्रभु परमेश्‍वर, ङ्योकोनगी सेमला पाप सिराते छ्याःङ मेताते खालि खुई कामकामा खित्‍कान्‍ते येशू मिन लाला नाबाते मिओन ठाक्‍पा खिता छोल्‍जीन खुई थेबाला ठाक छ्युत, छ्ये छ्येताङ अचम्‍बतेन्‍दे काम खित छ्युत,” सिन प्रार्थना खासुङ।

२ कोरिन्‍थी 13:10

था ङे थेपा वानामेई ङाराङताङ खजो अधिकार ओते सिराच्‍योक मिक्‍किता खाला ख्‍योकोनताङ खा छ्येत लेमुकी बात खिता ङेत्‍स्‍यीत सिन ङे थारीला ओते बेलालाराङ दि बाततेबा टिबाते ईन। च्‍यिला सासीन प्रभु ख्रीष्‍टकी ङाला बिन्‍दाते अधिकार ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेराला बिन्‍दाते ईन।

२ कोरिन्‍थी 13:3

ख्‍योकोनगी ङे थाराङ बात खित्‍च्‍या ईन्‍दाकाना ख्रीष्‍टकी खित च्‍युताते बात खित्‍च्‍या ईन्‍दाका सिन था थेजीनराङ लेमु खाला छ्या स्‍येक्‍यो। ङे थोक खित्‍जीन ख्रीष्‍ट छ्याःङ खिता मुथुप्‍कान्‍ते मेन्‍दाक्‍वा बरू थेत्ताङ छ्येज्‍यीक शक्ति ओताक्‍वा सिनोङ ख्‍योकोनगी छ्या स्‍येक्‍यो।

२ कोरिन्‍थी 2:6

थेमे ख्‍योकोन काल्‍बा च्‍योक्‍तेकी थेला जे सजाय बिन्‍ला दुक थोस्‍यिक ठीकराङ ईन, थे भन्‍दा ल्‍हाक्‍पा छ्याःङ खिता मेङगो।

एफिसी 5:20

थेमे जस्‍तो ओङसीनोङ जहिलेङ आबा परमेश्‍वरगी खाबाते कामगी लाईदु प्रभु येशू ख्रीष्‍ट छ्य्‌वापेई थेला धन्‍यवाद सि।

कलस्‍सी 3:17

ख्‍योकोनगी काम बात जे खासीनोङ प्रभु येशू मिओनगी खिता फापा च्‍योकराङ खाला खि। थेमे प्रभु येशू छ्य्‌वापेई आबा परमेश्‍वरला धन्‍यवाद तेरगीन देत।

२ थिस्‍सलोनिकी 3:6

थेमे आज्‍यो न्‍वावे, प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी ङ्योकोन ख्‍योकोनला च्‍यि खि सिते सासीन खेराङ नाङ ङ्योकोनगी लापाते बात माङेन्‍ला दाक्‍पोन लाःक खिता ताङला अल्‍छी खाला देत्‍कान्‍ते मिओनताङ ङ्योम्‍बुराङ रूला मादेत।