१ कोरिन्‍थी 4:8 - जिरेल

⁸ खेराङगी चालाते ख्‍योकोनगी गाङे ङेत्‍कीन सिन्‍दुक। था ख्‍योकोन छ्याःङ मोगोच्‍या गाल्‍गीन सिन्‍दुक। था ख्‍योकोनला ङ्योकोन मोगोच्‍याक्‍वा। ख्‍योकोननी गेल्‍बोङ ओङगीन सिन्‍दुक। ख्‍योकोन गेल्‍बो ओङाते ङाला गा लाङगीदुक। साँच्‍चीराङ ख्‍योकोन थोक ओङाते ईन्‍सीन ङ्योकोनोङ ख्‍योकोनताङ गेल्‍बो ओङला राज्‍य खित्‍च्‍या ओतान।

१ कोरिन्‍थी 4:8 Iomraidhean Croise

मत्ती 5:1

थेरू थोक काल्‍बेई मि घुइँचो ओङा थोङनामेकी येशूचेन टिक्‍पी येजेकने बोमज्‍यीक्‍तु गाल्‍गीन देत्‍सुङ। थेमे थे चेलातेबा काल्‍बेई थे दोन्‍दु लेप्‍सुङ।

लूका 6:25

थेमे ख्‍योकोन थरिङोला सुबा दुला दुला सा ङेत्‍कान्‍ते मिओनला तिरी मेलेबा ओङगो। च्‍यिला सासीन था तिरी ख्‍योकोन तुक्‍पाराङ देता फाप्‍क्‍यो। थोकराङ खाला ख्‍योकोन थरिङोला किम्‍मु ङेत्‍कीन गाकी गोत्‍कीन देत्‍कान्‍ते मिओनला तिरी मेलेबा ओङगो। च्‍यिला सासीन पीरताङ दुक्‍पेकी खित्‍सादु था तिरी ख्‍योकोन ङुइन देता फाप्‍क्‍यो।

शक्ति काम 26:29

थेमे पावलगी “बात जस्‍तो ईन्‍सीनोङ होत्ता ईन्‍स्‍यीत तिरीकामा ईन्‍स्‍यीत थरिङ दुरू दि बातओन थोकान्‍तेबा सरकार खो थेमे ज्‍येन दुरू ओतातेबरी गाङेराङ ङा च्‍योकराङ येशूला विश्‍वास खित्‍कान ओङस्‍यीत सिन ङा परमेश्‍वरला प्रार्थना खिओ। तर ङे च्‍योक खाला ख्‍योकोनगीचेन नेल खोन्‍दा माफाप्‍स्‍यीत,” सिन सिदुक।

रोमी 12:3

परमेश्‍वरगी ङाला दया खाईन थे खोरोङ काम खि साबा ओतेकी ङा ख्‍योकोन गाङेला दि बातओनोङ सिओ। च्‍यि सासीन खेराङगी च्‍यि खिता थुप्‍कीते सिन लेमु खाला विचार मिक्‍किता खाला ख्‍योकोन सुङगीङ ङा जेङ खिता थुप्‍क्‍यो सिराच्‍योक खाला छ्ये माकेत। परमेश्‍वरगी खेराङला च्‍यि खित्‍च्‍येते सीप कि शक्ति बिन्‍ला दुका ङाला परमेश्‍वरगी दोस्‍यिकराङ खि साबाते ईन सिन विश्‍वास खाला ख्‍योकोनगी थेकी खि साबा भन्‍दाङ ल्‍हाक्‍पा खिता थुप्‍क्‍यो सिराच्‍योक माकेत।

१ कोरिन्‍थी 1:5

थेकी खित्‍सादुराङ परमेश्‍वरगी ख्‍योकोनला तेरासम्‍म आशी बिन्‍दा ओत। च्‍यि सासीन येशू ख्रीष्‍ट बात ज्‍येनला लेमु खाला लोप्‍च्‍येते सीपताङ शक्ति ख्‍योकोनगी ङेता ओत थेमे परमेश्‍वरगी छ्या स्‍ये ज्‍युत्‍च्‍येते गाङे बात लेमु खाला छ्या स्‍येकान गाला ओत।

१ कोरिन्‍थी 4:18

थेमे ख्‍योकोन कोई कोईचेन था ङा ख्‍योकोन ज्‍यीबेकी थेपा ओङाराङ मुथुबोत्‍लो सिन छ्ये खिन बात खिदुक्‍लो।

१ कोरिन्‍थी 5:6

ख्‍योकोन खेराङ आउदी लेमुतेबा ईन सिन छ्ये खिदुक। थोक खिता लेमु मेन। सोडा टिक्‍पीस्‍यिककामा लुक्‍सीनोङ ज्‍येन्‍ताक गाङेपा ठाम्‍ग्‍यो सिन च्‍यि ख्‍योकोनला छ्या मेत?

२ कोरिन्‍थी 11:1

था ङा ख्‍योकोनला लेम्‍बा च्‍योक खाला बात खितामीन। ङे दोक खाईन बात खासीनोङ ओर्च्‍ये ख्‍योकोनगी दि बातओन ङेन। ख्‍योकोनगी दोक्‍ते बात ङेन्‍गीन ओत सिन ङाला छ्या ओत।

२ कोरिन्‍थी 13:9

थेमे ङेराङ छ्याःङ खिता मुथुप्‍कान्‍ते च्‍योक थोङसीनोङ ख्‍योकोन लेमु खित्‍कान ओङसीन ङ्योकोनला गा लाङगो। परमेश्‍वरगी ज्‍वा चाला च्‍योकराङ ख्‍योकोन लेमु मि ओङस्‍यीत सिनोङ ङ्योकोन प्रार्थना खिओ।

गलाती 6:3

दोक खाला दोक्‍पोईकी ज्‍येनज्‍यीकला मद्धत खिता साटोला सुइँदा मि ङानी ज्‍येन च्‍योक मेन सिराच्‍योक खाला छ्ये खिदुक सासीन थोक्‍ते मि लेम्‍बा ईन। थेचेन थे खोरोङगी विचार खाबा च्‍योक्‍ते मि मेन।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

फिलिप्‍पी 2:12

ङिङज्‍येते आज्‍यो न्‍वावे, थातासाक ख्‍योकोनगी ङे लाःपा कोता च्‍योकराङ खिन वाबा ओत। ङा ङ्योम्‍बु ओत्‍जीन खाबा च्‍योकराङ खाला ङ्योम्‍बु मेदेत्‍जीनोङ ङे लाःपा कोताते झन लेमु खाला ङेन्‍गीन देत। चुक सासीन खेराङ पापदुकी टालाते मि ईन सिराला ख्‍योकोनगी काम बात जे खासीनोङ परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खाला लेमुते कामताङ बातकामा खिन देत।

छ्या स्‍ये च्‍युताते बात 3:17

ख्‍योकोनचेन ङेल्‍ला जेसुकै दाङा ख्‍योपा ओत, ङेल्‍ला मादाङच्‍या मोख्‍योप्‍च्‍या सिराते छ्याःङ मेत। ङेल्‍लानी था छ्याःङ मोगोओ खिदुक। खेराङ दुक्‍पा ङेताते, थोङजीनोङ ङिङज्‍ये लाङच्‍या गालाते, छ्याःङ मेत्‍कान गालाते, अन्‍ध गालाते थेमे ताजीनोङ ङोचा लाङच्‍या पेर्दुङबाराङ गालातेनी ख्‍योकोनला छ्याराङ मिन्‍दुक।

छ्या स्‍ये च्‍युताते बात 5:10

खुई थेबाला खोरोङताङराङ राज्‍य खित्‍कान्‍ते मि जोसुङ थेमे ङुरूङ परमेश्‍वरला माने खित्‍स्‍यीत सिन परमेश्‍वर पूजारी जोसुङ। था थेबेकी दि सा लुङबा खाङ राज्‍य खिओ,” सिन साम्‍बाते लुज्‍यीक लासुङ।