१ कोरिन्‍थी 4:7 - जिरेल

⁷ ज्‍येन भन्‍दा ख्‍योकोन छ्ये ईन सिन ख्‍योकोनला सुई सिका? च्‍यि ख्‍योकोनताङ ओताते जेसुकै परमेश्‍वरगी बिन्‍दाते मेनरो? थोक ईन्‍सीनोङ ख्‍योकोन च्‍यिला सुङगीङ बिन्‍दाते मेन्‍देई थाराङ दाक्‍पोनगी ङेताते च्‍योक खाला छ्ये खिते?

१ कोरिन्‍थी 4:7 Iomraidhean Croise

लूका 19:13

थोक खाला ड्वा भन्‍दा गोमा थेकी दरवारदु काम खित्‍कान्‍तेबा मेरा च्‍युताम्‍बाला काताङगीन च्‍याकीन ‘ङा दुरू ग्‍युरला ओङकेसाकला ख्‍योकोनगी दि पैसा बेपारला खेलो खि,’ सिन साकीन गाङेला सेरगी डबल रेरे बिन्‍गीन ज्‍यागीन थे थेरूकी ख्‍याम्‍दुक्‍लो।

यूहन्‍ना 1:16

परमेश्‍वर फुज्‍युङचेन आउदी दया खित्‍कान्‍ते ईन्‍देकी ङुरूङ गाङेकी आशी ङेता ओत। ङीमाईकामा मेन्‍देकी थेकी ङुरूङला दया खाला आशी तेरगीनराङ देत्‍क्‍यो।

यूहन्‍ना 3:27

थोक सिरजीन थेकी “परमेश्‍वरगी खो दोक खि सिन मासाबाला सुङगीङ छ्याःङ खिता मुथुबो।

रोमी 1:5

जात जातकी मि गाङेकी थे खोरोङला विश्‍वास खाला थे खोरोङगी साबाते ङेन्‍स्‍यीत थेमे थे खोरोङ चुक छ्ये ईन्‍दे सिन छ्या स्‍येस्‍यीत सिन थेबाला गा लाङच्‍येते बात लोपाला परमेश्‍वरगीराङ दया खाईन ङ्योकोनला खटे खाबाते ईन।

रोमी 12:3

परमेश्‍वरगी ङाला दया खाईन थे खोरोङ काम खि साबा ओतेकी ङा ख्‍योकोन गाङेला दि बातओनोङ सिओ। च्‍यि सासीन खेराङगी च्‍यि खिता थुप्‍कीते सिन लेमु खाला विचार मिक्‍किता खाला ख्‍योकोन सुङगीङ ङा जेङ खिता थुप्‍क्‍यो सिराच्‍योक खाला छ्ये माकेत। परमेश्‍वरगी खेराङला च्‍यि खित्‍च्‍येते सीप कि शक्ति बिन्‍ला दुका ङाला परमेश्‍वरगी दोस्‍यिकराङ खि साबाते ईन सिन विश्‍वास खाला ख्‍योकोनगी थेकी खि साबा भन्‍दाङ ल्‍हाक्‍पा खिता थुप्‍क्‍यो सिराच्‍योक माकेत।

रोमी 12:6

परमेश्‍वरगी दया खाईन ङुरूङला दाक्‍पोन दाक्‍पोनला खुदुक खुदुक काम खित्‍च्‍येते सीपताङ शक्ति बिन्‍दा ओत। दाक्‍पोनताङ च्‍यि खित्‍च्‍येते सीप कि शक्ति ओते ङुरूङगी थे काम लेमु खाला खिता फाप्‍क्‍यो। च्‍यि सासीन परमेश्‍वरगी ङुरूङ सुइँदाला थे खोरोङगी सिर च्‍युताते बात खित्‍च्‍येते शक्ति बिन्‍ला दुक सासीन थे मिकी थे कामराङ खिता फाप्‍क्‍यो। तर थेकी थे खोरोङगी परमेश्‍वरला खजो विश्‍वास खिका थे ताला परमेश्‍वरगी सिर च्‍युता च्‍युता बातकामा सिरा फाप्‍क्‍यो, ज्‍येन बात खिता मेङगो।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

१ कोरिन्‍थी 3:5

अपोल्‍लोस सु ईन्‍देरो? थेमे पावलका च्‍यि ईन्‍दे? ङ्योकोन ङिबोनी खालि प्रभु परमेश्‍वर काम खित्‍कान्‍ते मिकामा ईन। थेकी ङेराङ दाक्‍पोन दाक्‍पोनला जिम्‍मा बिन्‍दा च्‍योकराङ खाईन ङ्योकोनगी लापाते बात ङेन्‍गीन ख्‍योकोनगी येशूला विश्‍वास खासुङ।

१ कोरिन्‍थी 5:6

ख्‍योकोन खेराङ आउदी लेमुतेबा ईन सिन छ्ये खिदुक। थोक खिता लेमु मेन। सोडा टिक्‍पीस्‍यिककामा लुक्‍सीनोङ ज्‍येन्‍ताक गाङेपा ठाम्‍ग्‍यो सिन च्‍यि ख्‍योकोनला छ्या मेत?

१ कोरिन्‍थी 7:7

ईन्‍दानी मि गाङे ङा च्‍योक खाईन फाङमा मिक्‍किता खाईन देताते ङाला लेमु लाङगीदुक। ईन्‍सीनोङ परमेश्‍वरगी मि दाक्‍पोन दाक्‍पोनला दोक्‍पोईला फाङमा खाला देत्‍च्‍येते थेमे ज्‍येनज्‍यीकला फाङमाराङ मिक्‍किता खालाङ देता थुप्‍च्‍येते शक्ति बिन्‍दा ओङगो।

याकूब 1:17

च्‍यि सासीन लेमुते सिराते जेसुकै ङुरूङला स्‍वर्गने देत्‍कान्‍ते आबा परमेश्‍वरगी तेरग्‍यो। मेलेबाते सिराते थेकी ङुरूङला छ्याःङ मेतेरो। दागार, ङीमाताङ कार्मा जोकान्‍ते थेराङ ईन। दागार ङीमा स्‍याराताङ गाबाच्‍योक खाला थे नोमुङ खुदुक मोन्‍डोओ।

१ पत्रुस 4:10

परमेश्‍वरगी ङुरूङ गाङेला खुदुक खुदुकते सीपताङ शक्ति बिन्‍दा ओत। थेकी दाक्‍पोनला जे खित्‍च्‍येते सीपताङ शक्ति बिन्‍ला दुक थे छ्य्‌वापेई ज्‍येनला लेमु ओङच्‍येते काम खि।