१ कोरिन्थी 4:6 - जिरेल6 आज्यो न्वावे, ख्योकोनगी लेमु खाला खोस्यीत सिन थाल्लासाक खाबाते गाङे बात ङे अपोल्लोसताङ ङाराङ बात खुलाकीन खाबाते ईन। परमेश्वर बातला खि साबा च्योकराङ खाला काम खि। थोक खित्च्येते बानी ख्योकोनगी ङ्योकोन छ्य्वापेई लोप। थेमे ख्योकोनगी फलाना चुक लेमु खित्कान्ते ईन्दे सिन दोक्पोईला छ्ये जोच्येतेताङ ज्येनज्यीकलाचेन थेङ सु ईन्देरो सिराच्योक खित्च्येते बानी थोङ। Faic an caibideil |
१ कोरिन्थी 4:6
35 Iomraidhean Croise
परमेश्वरगी ङाला दया खाईन थे खोरोङ काम खि साबा ओतेकी ङा ख्योकोन गाङेला दि बातओनोङ सिओ। च्यि सासीन खेराङगी च्यि खिता थुप्कीते सिन लेमु खाला विचार मिक्किता खाला ख्योकोन सुङगीङ ङा जेङ खिता थुप्क्यो सिराच्योक खाला छ्ये माकेत। परमेश्वरगी खेराङला च्यि खित्च्येते सीप कि शक्ति बिन्ला दुका ङाला परमेश्वरगी दोस्यिकराङ खि साबाते ईन सिन विश्वास खाला ख्योकोनगी थेकी खि साबा भन्दाङ ल्हाक्पा खिता थुप्क्यो सिराच्योक माकेत।
थेमे ङ्योकोननी ङ्योकोन दोक्ते ईन, ङ्योकोनगी दोक खाबाप थोक खाबाप सिन सिरकान्ते मिओन छेत मेन। थोक छ्ये मिओनताङ ङ्योकोन चुक खाला दाँजे खिता थुप्कीतेरो। थेबेकीनी ङा दोक खिओ, थोक खिओ सिन साला खोपरोङगी खिओ साबा छेत खाला ङे फलानेकी भन्दा लेमु खाबाप सिन दाक्पोनला ज्येनताङ दाँजे खाला लेम्बे काम खिदुक।
च्यिला सासीन सुइँदेकी वाकीन ङ्योकोनगी लापाते च्योक्ते मेन्देकी ज्येनज्यीकराङ येशू बात लाप्सीनोङ ख्योकोनगी थे आउदी लेमु खाला ङेन्च्याक्वा। थेमे थेबेकी खेराङला ङेता फाप्क्यो साबाते आत्मा ख्योकोन ङेता छोल्च्याक्वा। थे आत्माचेन ख्योकोनगी ङेता ओताते परमेश्वर आत्मा मेन। थोकराङ खाला ङ्योकोनगी ख्योकोनला लाप्कीन बिन्दा ओताते च्योक्ते मेन्देकी खुदुकज्यीकराङ गा लाङच्येते बात लाप्सीन ख्योकोनगी होथोक्ते बातराङ ङेन्च्याक्वा।
ङिङज्येते आज्यो न्वावे, ङे थाल्लासाक खाबाते दि गाङे बात ङेराङ आउदी लेमु मि ईन सिराला खाबासीन सिन सितासीन मेन? ख्रीष्टताङ जीउज्यीकराङ ओङाते मि ईन्देकी ङ्योकोननी परमेश्वर दोन्दुराङ बात खाबाच्योक खाला बात खिओ। ख्योकोन झन लेमु खाला येशू ख्रीष्टकी खि साबा साबा खित्कान ओङस्यीत सिन दि गाङे बात खाबाते ईन।
था ङा थेपा ओङजीन ङे साबा ओताच्योक मेन्देकी ख्योकोनगी खुदुकराङ काम खिन ओताते थोङा फाप्कीता सिन ङाला पीर लाबा ओत। थोकराङ खाला ख्योकोनगीङ ङाला खुदुकराङ गालाते च्योक थोङगीता सिनोङ ङाला पीर लाबा ओत। च्यि सासीन थोरूमोङ ख्योकोन थोम्मु जीङगा खिन ओताते, मिला डार खिन ओताते, मित्ताङ स्येदाङ खित्च्येते, ज्येनगी वास्ता मिक्किता खाला दाक्पोन फाइदाकामा ताच्येते, मिला मोत्च्येते, मि पनी खित्च्येते, ङा ङाराङ ईन सिराच्योक खित्च्येते थेमे गाङेराङ डिक्ला थुन्ला काम खिता साटोला आफूराङस्ये खाला ख्याम्गीन ओताते थेप्कीता सिन ङाला सुर्ता लाबा ओत।
ङे छ्ये खिता चाल्सुङ सासीन स्वर्गने ङाराङगी थोङाते थेमे थोबाते बात खाला ङा छ्ये खिता थुप्क्यो। दि साँचोते बात ईन्देकी सुङगीङ ङाला थेकी लेम्बे बात खासुङ सिरा मुथुबो। ईन्सीनोङ मिओनगी ङा चुक खिका थेमे ङे च्यि बात लोप्कीका थेकामा छ्या स्येस्यीत सिन ङाराङगी थोङाते थेमे थोबाते होथे बात था ङा मिक्किओ।
थेमे परमेश्वरला माने खिताला बर्त देत्च्येतेताङ दुक्पा खाला खाला होदोक्ते काम काल्बेई खिता फाप्क्यो, परमेश्वर दूतओनलाङ माने खिता फाप्क्यो सिन सिरकान्ते मि सुङगीङ बात माङेन। थोक्ते मि बात ङेन्सीन ख्योकोनगी परमेश्वरगी तेरच्येते इनाम मेङेदो। होथोक सिरकान्ते मिओनगीचेन परमेश्वरगी ङ्योकोनला मिलाम खित ज्युताच्योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्ते बात खिन छ्ये खिन ख्याम्ग्यो।
च्यिला सासीन ङ्योकोनगी लोप्च्येते गा लाङच्येते बातचेन मि बातकामा मेन्देकी थे बातकी छ्य्वापेई परमेश्वरगी ख्योकोन नाङ छ्ये छ्ये शक्ति काम खासुङ। थे बात पक्काराङ सत्यते ईन सिन परमेश्वर आत्मे छ्य्वापेई लेमु खाईन छ्या स्येबेकी ङ्योकोनगी थे बात ख्योकोनला लेमु खाईन लोपा थुपाते ईन। थेजीन ख्योकोनताङ देत्जीन ख्योकोनला लेमु ओङस्यीत सिन ङ्योकोनगी चुक चुक खाबा ओताने सिन ख्योकोनला गाङे छ्या ओतेकी ङ्योकोनगी छ्याःङ सिरा माफाप्तासीन।
Sanasan