१ कोरिन्‍थी 4:4 - जिरेल

⁴ ङाराङ काम खित्‍जीन ङे खइँदा गल्‍ती खाबा ओत सिराच्‍योक ङाला मालाङदुक। दोक सिरजीनमेईराङ ङे छ्याःङ गल्‍ती खाबा मेत सिन साबाते मेन। ङे खाबाते काम खाङ ठीक ईन्‍दे, खाङ ठीक मेन्‍दे सिन डेल्‍कान्‍ते प्रभु येशूकामा ईन।

१ कोरिन्‍थी 4:4 Iomraidhean Croise

यूहन्‍ना 21:17

थेमे लोक्‍लाङ थेकी थेला “योआनेस फुज्‍युङ शिमोन, च्‍यि खो ङाला ङिङज्‍ये खिओ?” सिन सिदुक। थोक खाला बाजि सुमसाक “च्‍यि खो ङाला ङिङज्‍ये खिओ?” सिन सिरजीन पत्रुसला मेलेबा लासुङ। थेमे थेकी “प्रभु, खोल्‍ला गाङे बात छ्याराङ ओत। ङे खोल्‍ला ङिङज्‍ये खिओ सिनोङ खोल्‍ला छ्या ओत,” सिन सिदुक। थेमे थेकी “ङे लुकओनला लेमु खाला छो।

शक्ति काम 23:1

थोक खाईन यहूदीओन छ्ये छ्ये मि गाङे दोन्‍दु क्‍याल्‍नामेकी छ्याःङ ज्‍यीबाराङ मिक्‍किता खाईन थेबा ओत्‍सापाला ताकीन पावलगी “आज्‍यो न्‍वावे, परमेश्‍वरते छ्याःङ विरोध मिक्‍किता खाईन ङे जुनी खाङ थेला लेमु खाईन माने खाबा ओत,” सिन बात खिताला स्‍यूसुङ।

रोमी 2:13

च्‍यिला सासीन परमेश्‍वर नियम छ्या ओत्‍जीनमेईराङ सुङलाङ परमेश्‍वरगी दोषी मेन मिसिरो। जसकी परमेश्‍वर नियमला साबा च्‍योकराङ खाईन काम खाला दुक होथोक्‍ते मिओनलाराङ थेकी दोषी मेन सिओ।

रोमी 4:2

च्‍यि थेकी परमेश्‍वरगी खि साबाच्‍योक खाईन लेमु काम खाबेकीका परमेश्‍वरगी थेला दोषी मेन साबा ओतान? दोकनी मेन। थोक ईन्‍दा ईन्‍सीन थेकी छ्ये खिता ङेत्‍च्‍या ओतान। मि दोन्‍दु छ्ये खासीनोङ थेकी परमेश्‍वर दोन्‍दु छ्ये खिता थुप्‍च्‍या मेतान।

१ कोरिन्‍थी 4:3

ङाराङ बात खिइ सासीन ख्‍योकोनगी ईन्‍स्‍यीत, ज्‍येनगी ईन्‍स्‍यीत फलानानी दोक्‍तेका ईन सासीनोङ थे ङाला छ्याःङ च्‍योक मालाङदुक। ङा दोक्‍तेराङ ईन सिन ङा ङाराङोङ मिसिरो।

१ कोरिन्‍थी 4:5

थोगी ङा ख्‍योकोनला च्‍यि सिते सासीन प्रभु येशू ग्‍युरगीन मावाथुप ख्‍योकोन सुङगीङ दि दोक्‍तेताङ थे थोक खित्‍कान्‍ते सिन ज्‍येनगी गल्‍ती मातेन। था वाला च्‍याला प्रभु येशूकी मिकी ज्‍येनगी छ्या मेस्‍येबा खाईन खाबाते काम ईन्‍स्‍यीत, खोपरोङ सेमलाकामा विचार खाबाते बात ईन्‍स्‍यीत, लेमु मेलेबा चुक ईन्‍दे सिन डेल्‍ग्‍यो। थेमे लेमु काम खित्‍कानलाचेन गाङेला परमेश्‍वरगी खुई आउदी लेमु खासुङ सिन सिओ।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 5:10

च्‍यिला सासीन ख्रीष्‍टकी न्‍याय खिते छोमु छ्ये टेक्‍टे जोराङ ईन्‍सीनोङ ङुरूङ गाङेराङ थे दोन्‍दु ड्वा फाप्‍क्‍यो। थेमे थे छोमु थेकी ङुरूङगी दि जुनीला लेमु मेलेबा चुक खाला दुका थे ताला सु सुला च्‍यि खिता फाप्‍च्‍या दुका थोकराङ खिओ।