१ कोरिन्‍थी 4:12 - जिरेल

¹² साप थुङाताङ खोन्‍दे लाईदु ङ्योकोन स्‍याप स्‍याप खाला काम खिओ। ङेराङला मोता सराप खित्‍कान्‍ते मिओनला ङ्योकोन आशी तेरग्‍यो। थेमे ज्‍येनगी खेदापानी खित्‍जीनोङ ङ्योकोन छ्याःङ मिक्‍किता खाला खपेराङ खाला देत्‍क्‍यो।

१ कोरिन्‍थी 4:12 Iomraidhean Croise

मत्ती 5:11

थेमे ङाला विश्‍वास खाबेकी खित्‍सादु ज्‍येनगी ख्‍योकोनला मेलेबा मि ईन साला मनपरी सिओ, ख्‍योकोनला खेदापानी खिओ थेमे ईनराङ मेन्‍दे बात जोला ख्‍योकोनला मेन्‍दा मेन्‍दे दोष लै खिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

मत्ती 5:44

ङाचेन ख्‍योकोनला च्‍यि सिते सासीन युल्‍बालाकामा मेन, शत्रुओनलाङ ङिङज्‍ये खि। थेमे खेराङला खेदापानी खित्‍कान्‍ते मिओनलाङ लेमु ओङस्‍यीत सिन परमेश्‍वरताङ प्रार्थना खि सिन सिओ।

लूका 23:34

थोक खानामेई येशूकी “आबा, ङाला दोक खित्‍कान गाङेला माफ बिन। ङाला दोक खाबाते च्‍यि खाबाते ईन्‍दे सिन दिबेकी खोबा मिन्‍दुक,” सिन प्रार्थना खासुङ। येशू खोलाकचेन थे मिल्‍टेरीओनगी सु सुला खाङ खाङ फाप्‍च्‍या ईन्‍दाका सिन चिट्ठा ग्‍याप्‍कीन गोकीन खासुङ।

लूका 6:28

थेमे सुइँदेकी ख्‍योकोनला मोता खासीन थेलाङ थोकराङ माकेत, बरू थेला आशी बिन। थोकराङ खाला ख्‍योकोनला मेलेबा मि ईन साला दुक्‍पा तेरकान्‍ते मिओनला लेमु ओङस्‍यीत सिन परमेश्‍वरताङ प्रार्थना खि।

यूहन्‍ना 15:20

‘सुइँदे काम खित्‍कान्‍ते मि मालिकते भन्‍दा छ्ये मेन,’ सिन ङे ख्‍योकोनला गोमाका साबाते बात ठेम्‍बा खि। च्‍यि सासीन ङाला च्‍योकराङ मिओनगी ख्‍योकोनलाङ खेदापानी खिओ। थेमे ङे साबाते ङेन्‍दा च्‍योकराङ मिओनगी ख्‍योकोनगी साबाते बादोङ ङेन्‍ग्‍यो।

शक्ति काम 18:3

थेबा जाप्राङ ङिकाराङ पाल जोकान ओतान। पावलगीङ गोमा पाल जोच्‍येते लापा ओतेकी थेबाताङ ङ्योम्‍बु देत्‍कीन पाल ज्‍वाप्‍ला स्‍यूसुङ।

शक्ति काम 20:34

ङात्ताङ ङाराङ र्‍वाओनला गोच्‍येते पैसा ङे ङाराङ पाखुरा चले खाईन जोबाप। दि बादोङ ख्‍योकोनला छ्याराङ ओत।

शक्ति काम 7:60

थेमे खोबुकला देत्‍कीन गाङेकी थोच्‍या खाईन “ए प्रभु, दिबेकी दोक मेलेबा पाप खासीनोङ दिबाला माफ बिन,” सिन सिदुक। थोस्‍यिक साकीन च्‍याकीन थे दाक स्‍यिसुङ। स्‍तिफनसलानी सेताराङ फाप्‍च्‍या ओतान सिन शावलोङ आउदी खाईन गा खाबा ओतान।

रोमी 12:14

थेमे ज्‍येनगी खेराङला खेदापानी खित्‍जीन थोक खित्‍कान्‍ते मिओनला मोता सराप माकेत। बरू थेबाला लेमु ओङस्‍यीत सिन आशी बिन।

रोमी 12:20

लोक्‍ला परमेश्‍वर बातलाराङ “खेराङला मेलेबा खित्‍कान्‍ते मि त्‍वाबा तुक्‍पाराङ देता थोङसीन थेबाला साप थुङा बिन। थेबा कोम्‍बा खाबा थोङसीन छ्यु थुङा बिन। दोक खासुङ सासीन बैगुनीलाई गुनले मार्नु पर्छ सिराच्‍योक खाला ख्‍योकोनगी थोक्‍ते मिला खर्के देक ज्‍युत्‍क्‍यो,” सिनोङ साबा ओत। बरू ख्‍योकोनगीचेन परमेश्‍वर बातला साबाच्‍योक होदोकराङ खि।

रोमी 8:35

थोगी च्‍यि था सुइँदेकी थेमे खइँदेकी ङुरूङला ङिङज्‍ये खित्‍कान्‍ते येशू ख्रीष्‍ट छ्य्‌वापेकी डेला थुप्‍क्‍योतरो? च्‍यि सासीन ङुरूङला दुक्‍पा ओङसीनोङ, पीर फाप्‍सीनोङ, ज्‍येनगी खेदा खाईन दुक्‍पा बिन्‍सीनोङ, त्‍वाबा तुक्‍पाताङ पेर्दुङबाराङ देता फाप्‍सीनोङ, खइँसाला दाक खइँदा ओङगीता सिन ज्‍यीबा खिता फाप्‍सीनोङ थेमे सेत्‍सुङराङ सासीनोङ येशू ख्रीष्‍टकी ङुरूङला ङिङज्‍ये खिता ताङाक्‍वा सिन नोमुङ सिरा माफाबो।

१ कोरिन्‍थी 9:6

थेमे च्‍यि बारनाबासताङ ङेचेन ङेराङ सुबा स्‍वाप्‍ला ज्‍येनोङ काम खिता फाप्‍च्‍येते ईनरो?

२ कोरिन्‍थी 11:8

ख्‍योकोन नाङ दि बात लोप्‍जीन ङाराङला गोच्‍येते ङाला ज्‍येन ज्‍येन ठाउँकी येशू ख्रीष्‍ट मिओनगी बिन्‍दा ओतान। सिइराङ सासीन ङे थेबाताङ थोक खाईन पैसा लाबाते थेबाला लुटे खाबा छेतराङ ईन।

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

१ थिस्‍सलोनिकी 2:9

आज्‍यो न्‍वावे, ख्‍योकोनला परमेश्‍वरते गा लाङच्‍येते बात लोप्‍जीन ख्‍योकोन सुङलाङ छ्याःङ दुक्‍पा तेरा माफाप्‍स्‍यीत सिन ङेराङ लाईदु साप थुङा ङ्य्‌वाप्‍ला ङीन नुप ठोत थेनथेन काम खाबाप। ङ्योकोनगी थोक खाबाते बात ख्‍योकोनगी टोक ज्‍येता मेतासीन।

२ थिस्‍सलोनिकी 3:8

पैसा मेज्‍येला खाईन ङ्योकोनगी सुङगीङ खाम्‍बादु साप मासो। ख्‍योकोन सुङलाङ दुक्‍पा मेङस्‍यीत, साप थुङा ङेराङगीराङ पैसा च्‍याल्‍ला सा थुप्‍स्‍यीत सिन ङ्योकोनगी ङीन नुप ठोत थेनथेन काम खाबाप।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

१ पत्रुस 2:23

थे खोरोङला मनपरी सिरकानला थेकी छ्याःङ साबा मेतान, दुक्‍पा तेरजीन थोक खित्‍कान्‍तेबाला थेकी ख्‍योकोनला थाहा छ्येदोङ सिन साबा मेतान। बरू थे खोरोङ बात गाङे सुङलाङ काका पाका मिक्‍किता खाला न्‍याय खित्‍कान्‍ते परमेश्‍वरला छ्या ओत सिन थेकी थेलाराङ भर परे खाबा ओतान।

१ पत्रुस 3:14

खेराङगी दोक खाला लेमु काम खित्‍जीनोङ सुइँदेकी ख्‍योकोनला दुक्‍पा तेरगीदुक सासीन ख्‍योकोन भाग्‍यमानी ईन। थोक खाला दुक्‍पा तेरकान्‍तेबाताङ ख्‍योकोनगी छ्याःङ ज्‍यीबा माकेत, सुर्ताङ खिता माफाबो।

१ पत्रुस 3:9

खेराङला मेलेबा खित्‍कानला थोकराङ खाला किम्‍बा माज्‍येल, खेराङला मनपरी सिरकानलाङ थोकराङ माकेत, बरू लेमु ओङस्‍यीत सिन थेबाला आशी बिन। ख्‍योकोनगी होदोक खित्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्‍योकोनगी थोक खासीन थेकी ख्‍योकोनलाङ आशी तेरग्‍यो।

१ पत्रुस 4:19

बात दोक ईन्‍देकी परमेश्‍वरगी साबाच्‍योक लेमु काम खित्‍जीन दुक्‍पा ङेत्‍कीदुक सासीन थोक्‍ते मिकी दि बात गाङे परमेश्‍वरला छ्या ओत सिन खोपरोङला जोकान्‍ते थेमे खिओ साबा च्‍योकराङ खित्‍कान्‍ते परमेश्‍वरला पूरो खाला भर परे खाला लेमु काम खिन देता फाप्‍क्‍यो।

यहूदा 1:9

दोक खाला ङा ङाराङ ईन सिराच्‍योक खित्‍च्‍येतेनी परमेश्‍वर छ्येते दूत मिखाएलगीङ खाबा मेतान। थे खोरोङ थोक छ्ये ईन्‍सीनोङ शैतानगी मोशे रो ठोक ओङजीन थेकी शैतानला ज्‍येनतोक मेलेबा छ्याःङ मिसिरा खाईन खालि “खोल्‍ला परमेश्‍वरगी सजाय तेरस्‍यीत,” सिनकामा साबा ओतान।